Топ Новости >

Ново судско рочиште за смртта на родилката Кадиева

  • Недела, Мар 05 2017


Судењето за смртта на родилката Маја Кадиева и нејзиното бебе, продолжи во Основен суд Велес, со сослушување на сведоците на одбраната. Педијатарот Ристе Дојранлиев раскажа што се случувало откако доцна вечерта, итно бил повикан да дојде во Гевгелиската Болница. За разлика од другите двајца сведоци, исто така доктори, тој посведочи дека анестезиологот мирисал на алкохол.

Бев повикан во 21,50 и за три минути бев во Болницата. Преку стаклото гледав што се случува во салата. Се обидуваа да реанимираат пациентка, која беше модра во главата и по градите. Интернистот д-р Мат со дефибрилатор беше над пациентката, а директорот д-р Јованов со масажа. Но жената беше почината. Не го видов анестезиологот д-р Ванчев во тие моменти, но кога гинеколозите за рекордно време 2-3 минути го извадија со царски рез бебето, јас и тој го реанимиравме. Бебето немаше срцева акција и не дишеше. Докторот Ванчев настапи брзо, но немаше резултат и тоа беше починато – изјави д-р Дојранлиев.

На прашање од обвинителката Славица Темелковски, тој посочи дека обвинетиот д-р Ванчев мирисал на алкохол. Спротивно на него интернистот д-р Патрик Мат и в.д директорот на ЈЗУ Општа болница Гевгелија кардиолог д-р Сретко Стојанов сведочеа, дека д-р Ванчев не мирисал и не бил во алкохолизирана состојба. Ова го предизвика оштетениот сопруг на родилката Димитрија Кадиев, јавно да ги прозве сведоците, дека лажат.

Има многу помошници на обвинетите кои сакат да им помогнат да ја избегнат одговорност. Тешко е да се слуша како некои лица се стават во функција на тие што ги направиле грешките. Не знам што душа имаат, кога бранат други за кои знаат дека згрешиле. Знаат дека докторите биле пијани а викаат не биле иако тоа го правеле со години. Преминуваат преку човечки животи. Јавно им кажувам, гревота е што го прават, каде ќе им оди душата оти лажат. Ми се гади од нивните изјави – рече оштетениот Димитрија Кадиев.

За одбраната на двајцата гинеколози, обвинетите Венци Чалков и Дончо Москов смртта на Кадиева е сплет на грешки во водењето на болницата.

Имаме сознанија дека обврската да се снимаат сите оперативни зафати, која била донесена пред настанот, не биле спроведена во пракса. Директорот тоа не го сторил. Понудивме документи со кои докторите реагирале на условите и апарати за работа, пред овој критичен настан. Или имало несоодветна апаратура и условите биле лоши за сите пациенти кои доаѓале во Болницата во Гевгелија. Директорот одговорите за овие документи ги одбегна со не се сеќавам и не знам – изјави адвокатот Борче Стојанов, застапник на обвинетиот д-р Венци Чалков.

Судењето продолжува во средината на април. Обвинети за смртта на Маја Кадиева и нејзиното бебе се гинеколозите струмичаните Венци Чалков (50 год) и Дончо Москов (59год) како и анестезиологот Томче Ванчев (56 год) од Гевгелија за ,,тешки дела против здравјето на луѓето,,. Кадиева и бебето починаа при породување во гевгелиската болница на 22 октомври 2015-та година.

Автор: Петре Печков

 


Советот на општина Гевгелија со мнозинство на СДСМ

Со 2.302 гласа повеќе СДСМ го превзеде мнозинството од коалицијата на ВМРО-ДПМНЕ во Советот на општината

Повеќе

Гевгелија доби нов градоначалник во првиот круг

Сашо Поцков, кандидатот на СДСМ убедливо со 2.347 гласови разлика го победи уште во првиот круг кандидатот на ВМРО-ДПМНЕ и досегашен градоначалник Иван Франгов

Повеќе

Македонија гласа

Од вечерва на полноќ заврши предизборната кампања за Локалните избори 2017 година 

Повеќе

Форумот на жени на СДСМ со кандидатите за новата локална власт

Средба на членките на Форумот на жени на СДСМ за Гевгелија со кандидатите за градоначалник, носителот и кандидатките за советнички во новиот состав на локалната самоуправа за Гевгелија од коалицијата

Повеќе

Поцков во победничко Миравци

ВИДЕО: Миравци и на последните парламентарни избори го победи кандидатот од ДПМНЕ, ќе го победи и на 15 октомври (Поцков)

Повеќе

Честит 11 Октомври

Денот на востанието на македонскиот народ одбележан и во Гевгелија - гевгеличани благодарни на своите слободари

Повеќе

Залез на новата ера во Гевгелија

Шака народ на митингот на ВМРО-ДПМНЕ во Гевгелија за промоција на кандидатите за локалните избори

Повеќе

Прес на Елизабета Јаневска (СДСМ) - кандидат за советник

Програмата на СДСМ нуди конкретни проекти за Богородица и сите населени места во Општина Гевгелија

Повеќе

Голем граѓански митинг на СДСМ во живо

ФОТО: „Живот во Македонија за сите!“ со десетици илјадници граѓани за поддршка

Повеќе

Замрзнување на автономниот статус на Каталонија

Најави шпанскиот премиер Мариано Рахој како финале на настаните во Каталонија 

Повеќе

 

 
 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.