Топ Новости >

Македонски и грчки планинари на врвовите на Грамос

  • Среда, Сеп 06 2017


Се нижат меѓународните акции на ПД „Кожуф“. Викендов реализирана четвртата меѓународна средба со планинари од Грција и Македонија кои си поставија за цел да ги искачат врвовоте на планината Грамос која се наоѓа на самата граница помеѓу Грција и Албанија во реонот на Костур.

Во акцијата учество зедоа 43 планинари, во органозација на ПД „Кожуф“, Е.П.Д. „Картуш“ од Прилеп и планинарот водич од Грција Гиоргиос Копаилас. Екипата од Македонија што ја сочинуваа 16 планинари од Гевгелија и тројца планинари од Скопје ја предводеше Ристо Каркалашев од Гевгелија. Ним им се придружија 20 планинари од Прилеп заедно со четворица грчки планинари кои ги предводеше Горгиос Копаилас. Сите заедно се упатија кон врвовите на Грамос, поточно на нејзиниот највисок врв „Чука Пецик“ 2.525 м.н.в.

Планината Грамос е позната и под името Грамушта, или на костурски дијалект Грамушча. Грамос го сочинува најсеверниот дел од планинскиот венец на Пинд на грчка територија. Таа се состои од две планински била кои се собираат под прав агол. Првото било ја означува границата со Албанија со врвовите „Црн Камен“ (Μαύρη Πέτρα, Маври Петра, 2.461 м), Голио Врв (Γκόλιο, 1.934 м) и Каменик (Κάμενικ, 2.043 м). Другото било ги дели окрузите Јанина и Костур и има источна насоченост. Него го бележат врвовите Перифано (Περήφανο, 2.442 м), Гесо (Γκέσο, 2.166 м) — Голем Човек (Επάνω Αρρένα, Епано Арена, 2.192 м) и Мал Човек (Κάτω Αρρένα, Като Арена, 2.075 м). На планината Грамос близу до границата со Албанија е сместено највисокото и најголемото планинско езеро во Егејска Македонија и Грција, наречено Гиздово (Γκιστόβα) на 2.350 м.


Запознај го соседот за да го разбереш подобро е изгледа мотивот на овие наши вљубеници на планините и висините, кои за време на престојот во Грција, во рамките на акцијата ги посетиле местата Воден и Костур, а првиот престој го имале во пазувите на Грамос, во едно прекрасно планинско село Пликати на надморска височина од 1.350 метри.

Следниот ден рано наутро уште во 5-30 часот сите спремни се упативме по патеката која водеше кон врвот Чука Пецик, но планина како планина никогаш не предвидлива во однос на временските услови, по нешто повеќе од еден час пешачење временските услови наеднаш се променија и се влошија почна ветер, дожд и магла. Се собравме сите планинари да се договорме што понатаму. Овде падна договор да се врќаме назад поради силниот дожд. Назад надолу тргна една поголема група додека јас и уше неколку планинари од Гевгелија и Прилеп се искачивме уште некое метро нагоре каде наидовме на една стара посматрачница изградена од камен и во неа се засолнивме. Овде решивме да почекаме извесно време и доколку временските услови се подобрат да тргнеме кон врвот. По близу едно часовно чекање дождот малку намали и еден дел решивме да тргнеме кон врвот, а другите се вратија назад. Качувајќи се нагоре почна да паѓа магла, па одлучивме да го искачиме најблискиот врв и така се искачивме на вториот врв по височина на планината Грамос, врвот „Црн Камен“ (2.461 м.). На врвот направивме неколку фотографии и се упативме назад кон Пликати и вилите во кои бевме сместени. Така, иако не беше искачен врвот Чука Пецик кој ни' беше цел на акцијата, сепак бевме задоволни и од искачениот врв Црн Камен“, вели гевгелискиот планинар Ристо Каркалашев.



Како значење има Грамос и посетата на нашите планинари на нејзините терени

До 1912 година Грамушта ја образувала југозападната граница на етничка Македонија - селата во планината се влашки, а на североисточното подножје — македонски. На 24-29 август 1949 г. на планината се случила решителната Битката на Грамушта, каде со помош од американски и британски сили и напалм-бомби е поразена Демократската армија на Грција (ДАГ) со огромен број Македонци и со тоа е ставен крај на Граѓанска војна на штета на македонското население. Денеска грчки и македонски планинари заедно, со споделување на искуства и пријателства, слободно „шетаат“ низ пределите на ова некогашна воена зона.

Периодот кој следи П.Д. „Кожуф“ ќе реализира уште неколку акции, а во окомври месец ќе го организира и 13-от Меморијал Димитар Кангов - Кангата со искачување на највисокиот врв на Кожуф планина, врвот Зелен Брег позициониран на 2.166 метри надморска височина.


 


Македонија останува без Кире на првенството

ЕХФ потврди дека првенството за Кире Лазаров е завршено

Повеќе

Вечерва Македонија против Шпанија

Натпреварот меѓу нашата репрезентација и Шпанија се игра во почеток во 20:30 часот

Повеќе

Македонија одигра нерешено со Германија

Со резултат 25:25 Македонија вечерва се израмни во вредностите со актуелниот европски ракометен првак Германија

Повеќе

Поради „гакиците“ под шорцеви и чорапите Македонија казнета од ЕХФ

Федерацијата е казнета со 1.000 евра поради „гаќиците“ под шорцевите. 1.000 евра има казна и за чорапите на дуелот со Словенија

Повеќе

Македонија со втора победа на EHF

Нови четири бода за македонската ракометна репрезентација со победата на репрезентацијата на Црна Гора на Европското првенство во Хрватска

Повеќе

Македонија со победа против Словенија го стартуваше Европското првенство

Со само гол разлика од 25:24 македонските ракометари одиграа импресивна победа над третопласираните од минатото Светско првенство, Словенците

Повеќе

Мајкл Џордан - најбогатиот спортист на сите времиња

На листата топ 10 најбогати спортисти во светот водат голферите (4-ца на број), 3-ца кошаркари и по еден фудбалер, возач на формула и боксер

Повеќе

ПД Кожуф добитник на Плакета од ФПСМ

По повод Светскиот ден на планината 11 декември, Федерацијата на планинарски спортови на Македонија вчера во Скопје додели Признание „Даре Џамбаз“ за долгогодишна активност и придонес за развивање на

Повеќе

Одбележан четвртиот патронат на Томе Шутов - Кротки

На овогодинешниот четврти патронат учествуваа стотина планинари и љубители на природата како од Гевгелија така и од неколку планинарски друштва од Македонија и Белград

Повеќе

Маленко - нов претседател на Пливачката федерација на РМ

Македонската пливачка легенда, Александар Маленко е именуван за нов претседател на пливачката федерација на нашaта земја

Повеќе

 

 
 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.