Топ Новости >

Македонија со победа против Словенија го стартуваше Европското првенство

  • Сабота, Јан 13 2018

 



Со само гол разлика од 25:24 македонските ракометари вечерва одиграа импресивна победа над третопласираните од минатото Светско првенство, Словенците

Македонија успеа со победа да го стартува своето петто Европско првенство, откако во драматична завршница стигнавме до импресивна победа, на средбата во загрепска „Арена“ каде се одигрува Европското ракометно првенство. 

По израмнетото прво полувреме во Загреб, се играше гол-за-гол, и македонскиот тим предводен од фантастичниот Дејан Манасков со осум гола, на крајот остана со повеќе нерви и со повеќе сила стигнавме до посакуваната прва победа за совршен старт на шампионатот.

Сега следува дуелот со Црна Гора во понеделник, и темпото не смее да се намали ниту противникот да се потцени, иако тие загубија во дуелот со едни од фаворитите на шампионатот, Германија, загубија со 32:19. На овој меч, Македонија ќе може практично да го обезбеди пласманот во втората рунда.

Капитенот Кирил Лазаров исто така беше фантастичен со седум постигнати гола и како лидер го предводеше тимот во клучните моменти, а на голот се покажа Никола Митревски.

На крајот, Веселин Вујовиќ реагираше по записничката маса за одредени судиски одлуки, но максимално коректно во прегратка на крајот му честиташе на македонскиот селектор Раул Гонзалес…

 
 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.