Топ Новости >

 


 

Ова беше тежок и макотрпен процес. Милион опстукции и многу непроспиени ноќи. Но, конечно дојде денот. Утре, ние граѓаните на Општина Валандово ќе се изјаснуваме на референдум. Ѓаволски тешко се изборивме за нашето уставно загарантирано право. Да имаме право, ние граѓаните да кажеме дали сакаме тешка и загадувачка индустрија во нашата општина којашто важи за најеколошка котлина во Република Македонија. Борбата нема да заврши овде и сега, но утре е таа битка. Императивната битка!

Сакаа да ни накалемат и инсталираат рудник. Сакаа тоа да го сокријат од нас. Небаре ние сме слепи и до таа мера смотани. Небаре ние пиеме сулфурна киселина! Се сопнаа. Валандово се разбуди! Малку народ сме, но им покажавме на сите како се бори. Со емоции, со страст, со разум! Не затоа што не плати Сорос, партијата или некои трансцедентни сили туку затоа што знаеме да се почитуваме себеси и своите собраќа. Затоа што го сакаме нашето родно огниште. Затоа што сакаме да останеме овде. И затоа што не сме глупи!

Повеќе од јасно беше дека инвеститорот и суровиот капитализам ќе пркоси на граѓанскиот активизам и на гласот на граѓаните. Тоа сите го знаевме и го очекувавме. Но, она што сите не запрепасти беа невидените опстукции од страна на родените Валандовчани кои во моментот беа релевантни општествени фактори. Тие застанаа на спротивната страна од граѓанството. Тие мислеа дека граѓаните се шупливи тикви. И тие се сопнаа. Додека самите тие изгледаа гротескно забрзано се јачаше граѓанскиот активизам. Валандово брилираше.

По најтешкиот пат. Ова е прв референдум во историјата на Македонија обезбеден со потписи на граѓаните. Но, и тоа немаше да биде доволно. Група од седум советници на чело со Претседателката на Советот на Општина Валандово глумеа ненадлежност. Градоначалникот се правеше паднат од Марс. Неверојатно и тажно! Не заборавајте, Претседателот на Република Македонија е роден Валандовчанец. Всушност, тој во 2013 година прв ги најави рудниците во нашата општина. Целиот овој период никаде го немаше. Додека неговите сограѓани мака мачеа да им се слушне гласот, тој слушаше џез. Можеби и ронкаше калинки, не знам! Јавниот сервис – МРТВ за кој радиодифузна такса плаќаат и граѓаните на Општина Валандово исто така ниту еднаш не спомна за институционалната борба на граѓанската иницијатива против рудниците во нивната општина. Молчеа и многумина други.

Но, еве го финалето. Утре. Граѓанскиот активизам ги победи и надживеа сите опструкции од сите. Сега сите ние, граѓаните на Општина Валандово ќе имаме право да одлучиме. Сега, се зависи само од самите нас. Да не дозволиме да се каеме за навек. За вечни времиња.

Затоа, утре кога ќе станете излезете надвор и погледнете во небото. Вдишете го свежиот воздух и размислете. Вреди ли? Погледнете ги во очи вашите родители, вашите дедовци и баби, вашите деца! Вреди ли да го жртвувате вашето родно огниште, зеленилото и цвеќињата во вашите дворови? Вреди ли да ги жртвувате култниот ајвар, ракија, слатко од смокви и сокот од калинки? Вреди ли? Вреди ли оваа уметност од животна средина, оваа фузија помеѓу природата и нашите предци да ја продадеме вака ефтино? Вака несвесно и несовесно. Размислете! Вреди ли за туѓи бели дворови, сами да си копаме црни гробови?! Па,одлучете самите!

Пишува: Перо Костадинов


 

Браќата Ристе и Ратко Стефановиќ крстоносители во Гевгелија

Близнаците, браќата Ристе и  Ратко Стефановиќ од Гевгелија, со благослов на црквата ќе го носат крстот во сите домови низ Општината, пренесувајќи ги пораките за здравје, среќа и бериќет во секое

Повеќе

Во Гевгелија светиот крст во рацете на Тодор Цветанов од Бугарија

Среќниот носител на крстот во Гевгелија, Тодор Цветков го имал фатено крстот на Водици во Истамбул, Турција и Москва, Русија

Повеќе

ВИДЕО: Столтенберг за Заев „Тој е мојот херој“

Генералниот секретар на НАТО со пофални зборови за Премиерот на Македонија

Повеќе

Гевгелија домаќин на дипломатски кор

Во организација на Претседателот Ѓорге Иванов вечерва во Гевгелија ќе се одржи свечен прием за дипломатскиот кор во државата

Повеќе

Започна „пеколниот“ судски јануари за предметите кои ги води СЈО

Со закажани 34 рочишта по предметите од т.н. „бомби на „Т“ СЈО ќе ги „тресе“ поранешните функционери од власта за обвиненија од негова надлежност

Повеќе

Игор Ѓорески Хектор - 10 години од траѓичната смрт кај Блаце

Цвеќе и наклон за борецот 

Повеќе

Ново тресење на земјиштето во Дојранско

На првиот ден од Божиќ регистрирани три земјотреса во близина на Дојранското езеро, а на Бадник уште два со помал интензитет

Повеќе

25-ти јубилеен Коледарски Хепенинг 2018

Со бадников оган, сценски настап на локални изведувачи и голем огномет одбележан годинашниот коледарски хепенинг во Гевгелја

Повеќе

Вечерва нов земјотрес од 3,5 степени почувствуван во Гевгелија

Уште еден потрес на земјиното тло во Грција го почувствува и југот на Македонија, во радиус од 30 километри од епицентарот кој се наоѓа на грчка територија 

Повеќе

Нови сметки за вода од јануари 2018 за гевгеличани

Комуналните услуги пониски за 1,34 денари по метар кубен

Повеќе

 

 
 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.