Топ Новости >


Да се прашуваше Груевски, тој својата политичка кариера веројатно ја проектираше како онаа на Роберт Мугабе: партијата да ја претвори во движење, земјата да ја стави под комплетна политичка и економска контрола на таквото движење, на чело со него, а самиот на таквата позиција да доживее деведесет (и три) години (како Мугабе), пркосејќи на „странскиот фактор“ и апсејќи и тероризирајќи домашни „предавници“ до последен свој, а и нивен здив.

Да сме во Африка, можеби тоа на Грујо и ќе му појдеше од рака. Бидејќи сме во Европа – а и заради милион други причини – планот на Грујо излезе пократок за дваесетина години од оној на Мугабе, кој со Зимбабве владееше од 1987 година. Обајцата, конечно напуштени и од својата партија, оперетски ја завршуваат својата политичка кариера. 

Не знам за братучедите на Мугабе, но братучед му на Грујо за последниве десетина години накрцкал такво богатство, што и само малиот дел од неговото набројување во последниот број на неделникот „Фокус“ зема десетина страници. Тоа е таа патриотска варијанта на голема љубов кон татковината, изброена во толку милиони евра колку што е неколкугодишниот дефицит на државниот буџет. 

Нормално дека во оваа евро-африканска држава нема кој да го праша од каде му пари да стане сопственик на половина држава? Бидејќи, нели, и пред да влезе во политика, „он бил успешен бизнисмен“… 

А од нас се очекува да расправаме за МПЦ, за односите со соседите, за компромисите за прием во НАТО и ЕУ, за интервјуто на Вице Заев, за Казандол, за заштитата на градежните работници и за платите во АРМ, за есенското загадување на воздухот и за посетата на диско клуб на Фатиме Фетаи. И ако може за врат да се фатиме за некои од овие теми, докажувајќи кај кого се посилни аргументите. 

А тој, лабаво – додека ДПМНЕ е паднато на под 40 пратеници во Собрание – се пазари со СЈО да го признае делото за кое е лесно обвинет. И да го заборавиме за век и веков. Набрзо потоа и ќе си замине на многу поубаво место од ова, каде нема ни да го стигнат клетвите на овдешниве очајници. 

Да не ве лаже никој: криминалот во оваа европска држава сѐ уште африкански се исплатува.

 

Автор: Сашо Ордановски

 

Извор: ЦИВИЛ

 

 


Кривична пријава за надрилекарство за гевгеличанка

Без соодветно образование, без лиценца вршела очни прегледи и одредувала диоптрија на пациенти 

Повеќе

Делегација на Чешката Амбасада и Сенатот на Р.Чешка во Гевгелија

Гевгелиско добредојде за делегација од чешкиот Сенат и Амбасадата на Република Чешка во Гевгелија, предводена од неговата екселенција Мирослав Томан

Повеќе

Прес на Владата по повод чистата препорака за преговори со ЕУ

„Во својот извештај до Европскиот Совет на ЕУ, Европската Комисија предложи кристално чиста, безусловна препорака за почеток на преговорите за Република Македонија“

Повеќе

Симната условеноста за пристапните преговори со ЕУ

Македонија доби чиста препорака за почеток на пристапните преговори од страна на Европската комисија и многу подобрен вординг во однос на претходните извештаи (Жбогар)

Повеќе

Се обновува градскиот парк во Богданци

Општина Богданци ја реконструира пешачката патека во градскиот парк и го враќа првобитниот изглед на паркот

Повеќе

Кривична за поранешен директор на основно училиште во Миравци

Спротивно на законите и одредбите си ја зголемил платата за повисок ранг

Повеќе

Трамп нареди воздушни напади против режимот на Асад

Утринава САД, Британија и Франција започнуваат со воздушни напади на Сирија

Повеќе

За 5 месеци 11 седници на Совет на општина Гевгелија

Со 23 точки на дневен ред денеска (петок 13 април) се одржува 11-та редовна седница на Советот на општина Гевгелија

Повеќе

Поскапуваат цигарите

Пролетно поскапување на цигарите

Повеќе

Интерпелацијата на Владата одбиена од мнозинството пратеници

Владата ја доби довербата од пратениците, а подносителот на интерпелацијата немаше доволен број аргументи за да ги убеди другите пратеници да гласаат за интерпелација

Повеќе

 

 

 

 
 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.