Топ Новости >

Хушкачот на слобода, нахушканите во притвор

  • Среда, Ное 29 2017

 


 

Злосторничкото здружение „Титаник“ на чело со „пастирот“ сакаше по секоја цена да ја избегне, или барем да ја одложи, одговорноста за изборниот и друг криминал.

„Големиот братучед“ сакаше по секоја цена да ја избегне, или барем да ја одложи, одговорноста за масовното нелегално прислушкување на илјадници луѓе и другите криминални дејанија.
По изборите на 11 декември 2016, на кои освоија 51 пратеник и никој не сакаше да коалицира со нив, беше јасно дека МВРО-ДПМНЕ не може да формира влада.

И покрај тоа, злосторничкото здружение „Титаник“ на чело со „пастирот“ продолжи да ја држи во заложништво цела Македонија, продолжи да ја силува демократијата спречувајќи го со сите сили новото парламентарно мнозинство да избере претседател на Собранието и нова влада.

Дел од злосторничкиот план за блокирање на заробената држава беше т.н. движење за „Заедничка Македонија“ за кое и врапците на покривите знаеја дека е иницирано, координирано и финансирано од страна на МВРО-ДПМНЕ.

Да потсетиме, лидерите на ова движење редовно свраќаа во канцеларијата на претседателот на државата праќајќи му пораки дека не треба да ја извршува својата уставна должност да му го врачи мандатот за формирање на влада на претставникот на новото парламентарно мнозинство.

Со помош на движењето за „Заедничка Македонија“ злосторничкото здружение „Титаник“ на чело со „пастирот“ сакаше по секоја цена да ја одбегне судбината најавена во протестните слогани на Шарената револуција „Шутка не ти бега Никола“ и „Мафија на робија“.
Да потсетиме, Шарената револуција се крена во 2016 година откако злосторничкото здружение „Титаник“ со помош на „Фикусот“ и киднапираниот Уставен суд спроведуваше план за општа амнестија на мафијашите од МВРО-ДПМНЕ.

Откако не им успеа планот за амнестија и планот да ги прелажат граѓаните со големите лаги за федерализација и кантонизација, „пастирот“ и големиот братучед започнаа со нова хејтерска кампања надевајќи се дека ќе предизвикаат меѓуетнички и граѓански конфликт за да ги прикријат криминалните траги.

Движењето за „Заедничка Македонија“ беше дел од таа хејтерска кампања. На маршовите на ова движење се пееја хејтерски песни против Албанците. Истите хејтерски песни се пееја и кога „патриотите“ под злосторничка команда насилно упаднаа во собранието откако на пратениците на МВРО-ДПМНЕ не им успеа планот да го спречат изборот на нов претседател на собранието.

Можноста за насилен упад во собранието не беше никаква тајна. За насилниот упад во собранието се зборуваше со недели. Насилниот упад беше остварување на директната закана на „пастирот“ и „големиот братучед“, која преку движењето за „зедничка Македонија“ беше испраќана кон лидерот на СДСМ и новото парламентарно мнозинство.
И покрај можноста за терористички упад, собранието остана небрането на 27 април 2017. МВРО-ДПМНЕ ги отвори вратите за криминалците и насилниците кои сакаа да линчуваат пратеници од парламентарното мнозинство затоа што гласале за избор на нов претседател на собрание.

„Пастирот“ и „големиот братучед“ делумно успеаја во своите намери. Успеаја да нахушкаат стотици нивни поддржувачи да направат потежок криминал од тој за кој самите беа осомничени или обвинети.
На „пастирот“ му успеа планот да нахушка стотици луѓе да извршат терористички напад врз собранието и пратениците. Откако ги нахушка да ја нападнат државата со големата лага дека државата била нападната и дека морало тие да ја бранат ги пушти како мувлосан грав низ канализација. Истата вечер откако на МВРО-ДПМНЕ не му успеа планот за елиминирање на новото парламентарно мнозинство (со ликвидација на двајца пратеници) „пастирот“ го осуди насилството „кое поедници го направија, напаѓајки и лично повредувајќи поголем број пратеници“.

„Пастирот“ ги повика институциите „да направат брза и ефикасна истрага, да ги откријат виновниците, да обезбедат докази, а веднаш потоа да ги изведат пред суд оние кои им нанесоа повреди на пратениците, на граѓаните и на полицајците“. И ете ги конечно сега изведени пред суд, а „пастирот“ повторно глуми заштитник на тепачите на пратеници кои прво ги нахушка, за потоа веднаш јавно да ги осуди како криминалци.

Тоа е накусо приказната за „пастирот“ на злосторничкот здружение „Титаник“ и наивното нахушкано стадо од „горди послушници“ кои извршија и овозможија терористички напад во собранието.
Хушкачите и нарачателите се сеуште на слобода, а дел од извршителите на терористичкиот напад врз државата и пратениците се во притвор.

На повеќето од нив им е кристално јасно кој ги нахушка, кој ги намести, кој ги пушти низ вода и кој сега глуми нивни спасител.

Прашање на денот е: Дали притворените за терористичко загрозување на уставниот поредок ќе продолжат да ги штитат сопствените џелати или конечно ќе направат еден патриотски чин и ќе станат соработници на правдата?


 

Кривична пријава за надрилекарство за гевгеличанка

Без соодветно образование, без лиценца вршела очни прегледи и одредувала диоптрија на пациенти 

Повеќе

Делегација на Чешката Амбасада и Сенатот на Р.Чешка во Гевгелија

Гевгелиско добредојде за делегација од чешкиот Сенат и Амбасадата на Република Чешка во Гевгелија, предводена од неговата екселенција Мирослав Томан

Повеќе

Прес на Владата по повод чистата препорака за преговори со ЕУ

„Во својот извештај до Европскиот Совет на ЕУ, Европската Комисија предложи кристално чиста, безусловна препорака за почеток на преговорите за Република Македонија“

Повеќе

Симната условеноста за пристапните преговори со ЕУ

Македонија доби чиста препорака за почеток на пристапните преговори од страна на Европската комисија и многу подобрен вординг во однос на претходните извештаи (Жбогар)

Повеќе

Се обновува градскиот парк во Богданци

Општина Богданци ја реконструира пешачката патека во градскиот парк и го враќа првобитниот изглед на паркот

Повеќе

Кривична за поранешен директор на основно училиште во Миравци

Спротивно на законите и одредбите си ја зголемил платата за повисок ранг

Повеќе

Трамп нареди воздушни напади против режимот на Асад

Утринава САД, Британија и Франција започнуваат со воздушни напади на Сирија

Повеќе

За 5 месеци 11 седници на Совет на општина Гевгелија

Со 23 точки на дневен ред денеска (петок 13 април) се одржува 11-та редовна седница на Советот на општина Гевгелија

Повеќе

Поскапуваат цигарите

Пролетно поскапување на цигарите

Повеќе

Интерпелацијата на Владата одбиена од мнозинството пратеници

Владата ја доби довербата од пратениците, а подносителот на интерпелацијата немаше доволен број аргументи за да ги убеди другите пратеници да гласаат за интерпелација

Повеќе

 

 
 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.