Топ Новости >


Читам дека амбасадорот на САД, Џес Бејли обелоденил дека членовите на нашата „славна“ и прилично неспретна ДИК, зад затворени врати, си изгласале дополнителни плати за пет месеци по завршувањето на парламентарните и за четири месеци по завршувањето на локалните избори. Човекот, како дипломат од кариера, дипломатски прецизирал: „ Гласањето во комисијата било едногласно, сите партии и сите етникуми, а персоналот во комисијата добил помали бонуси. Но, имам прашања во врска со ова, ДИК е независно тело, можеби овој потег бил дури и легален. Но, гласањето се случило зад затворени врати. Што кажува ова за вредностите на самата организација. Каде беа свиркачите, истражувачките новинари или парламентарните тела за надзор?“

Типовите и типките од ДИК, откако го слушнале обелоденувањето, побрзале да се оправдаат. Демек тоа било законска одлука, но сепак одлучиле да ја повлечат. Чудо невидено. Од искуство знам дека македончето на власт, кога е во прашање очигледно незаконска одлука која му носи ќар, не ја повлекува, а камоли законска одлука да повлече. Слободно мислејќи и уверувајќи се, се разбира согласно со моето уставно право на такво мисловно „дејание,“ дојдов до „грешна мисла“ дека дополнителните плати сепак не ќе се законски. Македончето не дава ни за жива глава нешто што законски стекнало, па дури обелоденувањето да дошло од севишниот, а камоли од амбасадорот на една пријателска земја.

Во врска со она дека гласањето се случило зад затворени врати, ништо не ме чуди. Македончето на власт си е навикнато да работи скришно, тајно, или, модерно кажано, нетранспарентно.

За таквото работење арапите викаат „харам“. Ние пак си го викаме нашински, или турски „арам“. Сеедно е. Турците ни оставиле во наследство повеќе илјади зборови, па и тоа „арам“. Од тука и зборот „арамија“ за оној што кришум зема – краде туѓо. Но, да не се оддалечуваме од темата. Значи типовите и типките од ДИК, со гласањето зад затворени врати одлучиле да земат арам плати, можеби со легален потег, ама тајно. И јас да се изразам малку дипломатски, иако дипломатското изразување не ми е баш добра страна.

Сега дојдовме до прашањето на господинот Бејли: „Што кажува ова за вредностите на самата организација?“, демек ДИК. Одговорот, драги пријатели ќе го извлечете сами, се разбира од горе кажаното.
На второто прашање на неговата екселенција, амбасадорот Бејли ќе одговорам јас. Свирачите и истражувачките новинари можеби не дознале за тајната – арам одлука на господата од ДИК. Што се однесува до парламентарните тела за надзор важи онаа латинската: „Cornix cornici oculos non efodiet“ или преведено на нашински: “Чавка на чавката очите не и ги вади“.

Понатаму, читам дека ДИК веќе неколку месеци ги крие и сумите исплатени за патни трошоци; дека нејзините членови, на барањето на невладината организација ЦИВИЛ, да кажат колку пари потрошиле за службените телефони кои ги набавиле, прашање кое им било поставено согласно Законот за пристап до информации од јавен карактер, одбиле да одговорат, со образложение дека тие податоци не биле од јавен карактер. Во врска со ова и јас како и неговата амбасадорска екселенција ќе поставам прашање. Во која демократска држава податоците за потрошени пари од граѓаните не се од јавен карактер? Во која демократска држава еден државен орган ги крие од граѓаните сумите исплатени за патни трошоци како што тоа го прави ДИК?
Господа од ДИК, парите што вие ги трошите се пари на нас граѓаните. Тоа се наши пари. Ви не смеете да одлучувате за нивното трошење зад затворени врати, скришно, на арам начин. Не смеете господа да ги криете сумите што сте ги „лапнале“ за патни трошоци од нашиот колективен џеб – буџетот. Податоците за потрошените пари за службените телефони се од јавен карактер, господа. Вие за вашите службени „играчки“ сте потрошиле наши пари и ние трeба да знаеме колку сте потрошиле.

Ваша екселенцијо, амбасадоре Бејли, Ви благодарам за обелоденувањето на тајните – арам податоци за трошењето на парите од страна на нашата славна ДИК. Да не бевте Вие, тие податоци ќе останеа тајна, можеби за навек. Нашава државичка не е како Вашата држава; за еден незаконски потрошен долар од страна на јавен фукционер да дознае и да се дигне на нозе цела нација.
Ви благодарам и на Вас драги пријатели од ЦИВИЛ за тоа што сте „ги чепнале“ господата бирократи од ДИК за скришното - арам трошење на нашите пари. Белки еден ден тие, а и други бирократи од нашите државни органи, ќе сфатат дека треба да бидат транспарентни кога се во прашање парите на нас граѓаните и нема да ги трошат без наше знаење, врз основа на на харам или арам одлуки и на арам начин.

Автор: Проф. д-р Темелко Ристески

 


Стартуваше проектот за уредување на Динќут

Со средства од ЕУ од програмата за меѓугранична соработка општина Гевгелија како партнер со Агенцијата за развој од Банско ќе го уредува туристичкиот и спортски локалитет Динќут

Повеќе

Празничниот јануари ги намали крадците во Гевгелија

Тоа го потврдува и извештајот на Полициска станица Гевгелија која службено констатирала дека во период од 15.01. до 21.01.2018 година на подрачјето на полициската надлежност, нема регистрирано ниту

Повеќе

Гевгелиските угостители на средба со градоначалникот

Угостителите со локалната самоуправа ќе градат солидна туристичка понуда во Гевгелија

Повеќе

Државна пензија за сите

Оваа мерка е предвидена во владината програма и најверојатно ќе се реализира во следната фискална година

Повеќе

Започна второто полугодие за 2.800 ученици во Гевгелија

Крајот на продолжениот зимски полугодишен одмор училиштата го дочекаа подготвени со обезбедено гориво за затоплување на училниците и училишните простории

Повеќе

Пангалос: Реакциите „Македонија не смее да се даде“ доаѓаат од искомплексирани

Поранешниот министер за надворешни работи на Грција, Теодорос Пангалос: северниот сосед има право да се вика како што сака, па дури и Атина или Спарта

Повеќе

Браќата Ристе и Ратко Стефановиќ крстоносители во Гевгелија

Близнаците, браќата Ристе и  Ратко Стефановиќ од Гевгелија, со благослов на црквата ќе го носат крстот во сите домови низ Општината, пренесувајќи ги пораките за здравје, среќа и бериќет во секое

Повеќе

Во Гевгелија светиот крст во рацете на Тодор Цветанов од Бугарија

Среќниот носител на крстот во Гевгелија, Тодор Цветков го имал фатено крстот на Водици во Истамбул, Турција и Москва, Русија

Повеќе

ВИДЕО: Столтенберг за Заев „Тој е мојот херој“

Генералниот секретар на НАТО со пофални зборови за Премиерот на Македонија

Повеќе

Гевгелија домаќин на дипломатски кор

Во организација на Претседателот Ѓорге Иванов вечерва во Гевгелија ќе се одржи свечен прием за дипломатскиот кор во државата

Повеќе

 

 
 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.