Топ Новости >

Потпишани првите договори за млади земјоделци

  • Недела, Дек 03 2017


Мерките за поттикнување на земјоделската дејност кај младите со одобрување на 10.000 евра неповратни средства за започнување на сопствен бизнис, во Гевгелија одобрена за девет апликанти.

Станува збор за нов начин на процесирање на мерка на Министерството за земјоделство, шумарство и водостопанство која ја најави новата Влада на СДСМ, со намера средствата да дојдат до вистински мотивираните млади земјоделци, а не по принципот „прв дојден, прв услужен“ како што го практикуваше претходната влада.

Годинава Агенцијата за финансиска поддршка во земјоделството и руралниот развој, од Програмата за рурален развој, ќе склучи 424 договори, со земјоделците кои ги исполнија критериумите при аплицирањето на најавените мерки за поддршка на млади земјоделци. Тие ќе добијат неповратни 10.000 евра, што можат да ги користат за набавка на земјоделска механизација и за инвестиции во производствени капацитети. Лани за истата мерка биле склучени само 124 договори, што за годинава значи пораст за дваипол пати.

Гевгелиските апликанти неделава ги склучија договорите со Министерството за земјоделство шумарство и водостопанство.

Од новите мерки кои се актуелни во ова Министерство, дознаваме од овластениот раководител на Подрачната единица на МЗШВ во Гевгелија, Дејан Маркудов, кој ни' изјави:
- „Од утре, понеделник, 4 декември годинава започнува пријавувањето за субвенции за индустриски култури, овошје и зеленчук предадено за преработка во индустриско-преработувачките капацитети, потоа интервентната мерка од 2 денари за еден килограм предадено винско грозје во винарии и интервентната мерка за субвенционирање на производителите на лубеница по цена од 2 денари за килограм откупен род, со прилог белешка од откупувач на овој земјоделски производ“.

  

Двоиполмесечното раководење со Подрачната единица во Гевгелија, и соработка со надлежното Министерството за ЗШВ резултираа и со темелно снимање на затечената состојба со договорни обврски на Министерството.
- „Во тек е ревизија на долгорочните закупи на државно земјоделско земјиште. Само на подрачјето во катастарска надлежност на Општина Гевгелија поранешната раководна гарнитура во Министерството и ПЕ Гевгелија има склучено над 600 договори за долгорочен закуп до 30 години на повеќе хектари државно земјоделско земјиште. Водејќи се од максимата дека земјиштето треба да е во располагање на вистинските земјоделци, а не на рентиери кои земјиштето го даваат на подзакуп, Министерството за ЗШВ со ревизијата има намера да го даде под закуп земјиштето на вистинските земјоделци водејќи се од следните принципи: дали закупецот ги плаќа редовно обврските кон МЗШВ, дали го работи земјиштето, и дали има спорен статус како давател на подзакуп кон трето лице. Ревизијата е во тек изминативе три недели. Тоа значи дека ќе има ревидирање на неквалитетните договори, а земјиштето во втора фаза ќе биде со јавен оглас распределено на вистински интересенти за работа на земјоделско проеизводство“ изјавува Маркудов.

Новоименуваниот раководител на МЗШВ ПЕ Гевгелија, Дејан Маркудов на оваа функција дојде со решение на Министерот Љупчо Николовски од 10 август годинава, заменувајќи до досегашниот раководител Митко Велков. Маркудов е магистер по агро економија и очекува успешна соработка со земјоделските производители од општината.

За 2018 година МЗШВ планира буџетски средства од 10,1 милиони денари за развој на земјоделското производство, од кои 8,6 милиони денари за финансирање на подрачјата од рурален развој, 1.8 милиони денари за создавање на земјоделско производство со висока вредност, 6,6 милиони денари ќе бидат наменети за директна финансиска поддршка за унапредување на земјоделството. Основен принцип при исплатата на земјоделските субвенции од ова министерство ќе биде - Целосната и неселективна исплата на субвенциите кон земјоделските производители.

 


Од утре Македонија под снег

За утре е најавено постудено време со врнежи од снег на целата територија на државата, особено во западните и јужните делови 

Повеќе

Ќе се дислоцираат и други споменици од Скопје 2014

Комисијата за ревизија на „Скопје 2014“ најавува нови дислокации на споменици

Повеќе

Нови директори на СОУ „Јофиф Јосифовски“ и ОУ „Владо Кантарџиев“ во Гевгелија

Цветан Нелоски е новиот директор на гевгелиското средно училиште, а Снежана Катарова е именувана за директор на ОУ „Владо Кантарџиев“ во Гевгелија

Повеќе

Закажана осмата седница на Совет на општина Гевгелија

Осмата седница на Советот закажана е за 28 февруари

Повеќе

Заев со почести пречекан во Германија

Црвен тепих и интонирана химна за почесниот гостин премиерот Зоран Заев во Германија

Повеќе

Крадците возвраќаат за мирниот празничен јануари

Во првите три недели од февруари на подрачјето на надлежност на Полициска Станица Гевгелија регистрирани се 20 кражби

Повеќе

Заев утре на средба со Меркел

По средбата во Берлин, германската канцеларка и премиерот ќе одржат заедничка прес конференција

Повеќе

Српската Амбасадорка со Благодарница за општина Гевгелија

Амбасадорката Дивјак искажа уверување за понатамошно пријателство и соработка помеѓу двете земји и интерес за соработка на економски план

Повеќе

Две години условна за Ивона Талевска

Талевска нема да оди во затвор под услов во наредните четири години да не го повтори кривичното дело за кое беше обвинета

Повеќе

Ивона Талевска призна дека затајувала данок

„Признавам вина за дејствијата кои ми се ставаат на товар со обвинителниот акт на СЈО“

Повеќе

 

 
 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.