Топ Новости >

Општината се фали дека гради водовод, а тендерот стопиран

  • Недела, Јул 16 2017


Општина Гевгелија веќе два дена е во медиумски преписки со Министерството за транспорт и врски кое ги стопирало тендерите за изведба на две бушотини од проектот за водоснабдување на Гевгелија поради „битни пропусти и недостатоци“ во тендерската постапка.

Само пред месец дена градоначалникот Франгов на ВЕБ страната на Општината се пофали дека направиле увид на локацијата каде се гради нов водоснабдителен систем за Гевгелија, а оно уште да ти немало завршен тендер за избор на најповолен изведувач.
Со ова пропаѓаат најавите на Општината дека новиот систем за снабдување на гевгеличани со квалитетна вода може да биде завршен и ставен во функција во ноември годинава.
Ако се има во предвид лагата дека се гради на терен, а изведувач за бушотини уште не е избран, тешко на гевгеличани со сознанието за новите обиди за предизборно прелажување дека наскоро ќе добијат квалитетна вода без арсен.

 

Фото: Од објавата на ВЕБ страната на Општина Гевгелија од 14.07.2017

 

Од Општина Гевгелија велат дека е ова четврти тендер по ред и повторно без апликација на заинтересирани фирми-изведувачи: 

- „Можно ли е тендер што се распишува четирти пати по ред, со позитивно мислење од Советот за јавни набавки и по одобрен проект од Европската инвестициона банка, да има сериозни пропусти во постапката? За волја на вистината, на третиот повик што го објави МТВ имаше интерес од една компанија, но тендерот беше поништен поради тоа што истата беше и проектант. Четвртиот, односно, последниот повик Министерството не ни дочека да види дали има интерес, затоа што тендерот е прекинат неколку дена пред крајниот рок за поднесување на понуди. Ако толку се грижеа за Гевгелија, кога никој не пројавил интерес, зошто не почекаа да видат дали ќе има заинтересиран понудувач.“

Првиот тендер го најави во ноември 2014 тогашниот министер за финансии Ставрески. Ништо не бидна ниту од таа најава. Од тогаш поминаа уште четири огласи, еден грант, четири инвеститори, а ниту еден изведувач нема на терен - дуплираните проекти на Општината се само параван за црпење меѓународни средства и затскривање на реалниот проблем со арсенот во гевгелиската вода.

Општина Гевгелија по прашањето со водоснабдувањето минатата година во декември 2016 ги обнови бунарите за вода кај Вардар со грант од Јапонската Влада и УНДП, а во февруари годинава постави камен темелник на новиот проект за водоснабдување со средства обезбедени со кредитно задолжување од Светска банка. Но, никогаш не обзнанија со каков квалитет се водите од пробните ископувања кај Вардар и дали истите ги задоволуват стандардите на СЗО и Правилникот за квалитет на води на РМ, и дали се тие реален спас од арсенот.

 

 

Арсен нема во водата, (така вели градоначалникот Иван Франгов), а Општината се зафати со огласи и донации и тоа од четири наведени извори (Министерството за транспорт и врски, Светска Банка, ИПА програмата, УНДП) и сите објави се за иста намена - подобрување на водоснабдувањето од бунарското подрачје кај Вардар, за општина Гевгелија.

Вредноста на проектот варира од 5 милиони денари, до 1,3 милиони евра, или последната цифра од 1,7 милиони евра како што објавува Општината. Каде одат средствата кога работите стојат во место?

И, ќе понесе ли веќе граѓанска, политичка и законска одговорност градоначалникот Франгов што чекаше 4 години и 9 месеци за да ја извести јавноста панично, еден ден по друг, дека тендерот му е стопиран, поништен поради пропусти и недоследности и дека не може да копа нови бунари? Па нему и онака му беше истечен мандатот. Со одлуката за продолжување на мандатот заради функционирање на локалните самоуправи  во државата од страна на сегашната Влада, Франгов сега „се залета“ се' да заврши за два месеца? Што дремка дремел целиот мандат и ги остави гевгеличани да се трујат со отровниот арсен во водата и да го загрозуваат своето здравје заради недоследноста и неодговорноста во работењето како локален функционер? Ова се однесува и на останатите  претставници на локалната власт кои целиот свој мандат како и градоначалникот, молчејќи за арсенот во водата и потребата од мерки за заштита на граѓаните, заборавија дека власта ја добиваат за да им служат на граѓаните и да ги задоволуваат нивните заеднички потреби во заедницата, а не заради себе и задоволување на својите суети и корист од функционерските привилегии.

 


Од утре Македонија под снег

За утре е најавено постудено време со врнежи од снег на целата територија на државата, особено во западните и јужните делови 

Повеќе

Ќе се дислоцираат и други споменици од Скопје 2014

Комисијата за ревизија на „Скопје 2014“ најавува нови дислокации на споменици

Повеќе

Нови директори на СОУ „Јофиф Јосифовски“ и ОУ „Владо Кантарџиев“ во Гевгелија

Цветан Нелоски е новиот директор на гевгелиското средно училиште, а Снежана Катарова е именувана за директор на ОУ „Владо Кантарџиев“ во Гевгелија

Повеќе

Закажана осмата седница на Совет на општина Гевгелија

Осмата седница на Советот закажана е за 28 февруари

Повеќе

Заев со почести пречекан во Германија

Црвен тепих и интонирана химна за почесниот гостин премиерот Зоран Заев во Германија

Повеќе

Крадците возвраќаат за мирниот празничен јануари

Во првите три недели од февруари на подрачјето на надлежност на Полициска Станица Гевгелија регистрирани се 20 кражби

Повеќе

Заев утре на средба со Меркел

По средбата во Берлин, германската канцеларка и премиерот ќе одржат заедничка прес конференција

Повеќе

Српската Амбасадорка со Благодарница за општина Гевгелија

Амбасадорката Дивјак искажа уверување за понатамошно пријателство и соработка помеѓу двете земји и интерес за соработка на економски план

Повеќе

Две години условна за Ивона Талевска

Талевска нема да оди во затвор под услов во наредните четири години да не го повтори кривичното дело за кое беше обвинета

Повеќе

Ивона Талевска призна дека затајувала данок

„Признавам вина за дејствијата кои ми се ставаат на товар со обвинителниот акт на СЈО“

Повеќе

 

 
 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.