Топ Новости >

Поцков - локална самоуправа во партнерство со граѓаните

  • Сабота, Окт 07 2017


Во име на германската развојна фондација „Фридрих Еберт Штифтунг“ – канцеларија Скопје, чија цел е воспоставување на граѓанско партнерство со локалната самоуправа, денеска во Гевгелија беше потпишан документот „ДЕН ПОТОА“ кое означува ПАРТНЕРСТВО СО ГРАЃАНИТЕ, ГРАЃАНСКО ПАРТНЕРСТВО, СОРАБОТКА ЗА РАЗВОЈ И ПРОСПЕРИТЕТ.
Со документот кандидатот за градоначалник на општина Гевгелија се обврзува по добивањето довербата редовно да соработува со граѓанскиот сектор и да работи на спроведување и што поголема имплементација на младински политики, социјална политика, активни мерки за вработување, животна средина, инфраструктура, еднакви можности за децата и граѓаните со посебни потреби, развој на спортот и останати теми кои го засегаат граѓанскиот сектор.
Настанот се одржа денеска напладне во салата на Пионерски Дом во Гевгелија и на истиот присуствуваше само кандидатот од СДСМ и коалицијата, Сашо Поцков, а отсуствуваше противкандидатот од ДПМНЕ.

Поцков со отвореност и респект кон мислењата и предлозите на граѓанските организации, пред чинот на потпишувањето на документот ги потсети дека неговите програмски заложби се отворена општина, транспарентна и во комуникација со граѓаните за да може да се реализираат сите неопходни потреби за еден нормален и достоинствен живот во Гевгелија, како за децата, младите, семејствата од социјалните категории, така и за лицата со посебни потреби, постарите, спортистите и другите потреби од нашето нормално секојдневие.
Присутните граѓански организации, претставници на спортски здруженија, претставници на пензионерите оддадоа поддршка на документот кој ќе биде од огромно значење за понатамошниот процес на имплементација на граѓанското партерство со локалата самоуправа.

Во пресрет на локалните избори 2017 во РМ, ние, претставниците на граѓанските организации во општина Гевгелија упатуваме барања до кандидатите за градоначалник на општина Гевгелија, преку кои очекуваме унапредување на состојбите во општественото, социо-економски и политички области на локално ниво, во нашата општина.

Се потпишувањето на долу наведените барања кандидатите за градоначалник прифаќаат, штом ја добијат довербата од граѓаните и стапат на функција дека ќе изнајдат решенија за имплементација на истите.

Сите активности во насока на имплементација на барањата, ќе подлежат на граѓански мониторинг кој ќе биде поддржан од „Фондацијата Фридрих Еберт“, во периодот до крајот на мандатот на градоначалникот.

Барања:

1. Потикнување на економскиот развој, вработувањето и отварање перспективи за напредок на младите на општина Гевгелија преку активна соработка меѓу централната власт и локалната самоуправа со цел да се запре процесот иселување на младите и подигнување на општата благосостојба во општината.

2. Дефинирање на младински буџет за помош на младински организации, иницијативи и политики
3. Заштита и обнова на градското зеленило и изградба на што повеќе паркови и зелени катчиња низ градот. Заштита и строго контролирана сеча на шумите на Кожуф
4. Изнаоѓање решенија за проблемот со исправноста на водата за пиење (со години граѓаните на општина Гевгелија пијат вода со одредена концентрација на арсен, кој е штетен по живот и здравјето);
5. Изградба на спортски центар, поддршка за спортските клубови и друштва
6. Во постојана комуникација со лицата со посебни потреби и нивните семејства да се обезбеди намалување на разликите и да се овозможат неопходните предуслови за нивна социјализација и интеграција во општествениот живот на општината
7. Да се обезбеди локација за изградба на дом за стари лица
8. Да се воспостават автобуски линии до сите населени места
9. Да се организира посета на патронажна служба во домовите на граѓаните (за старите лица)
10. Отварање на граѓански центар за помош и нормално функционирање на разните граѓански здруженија
11. Градење на отворено и транспарентна општина преку редовни средби со граѓаните, консултативни средби при донесувањето на секоја поголема одлука, испитување на јавното мислење.

Во пресрет на локалните избори 2017 во РМ, претставниците на граѓанските организации во општина Гевгелија со упатеното барање и потпишаниот документ „Ден потоа“ оо кандидатот за градоначалник на општина Гевгелија, изразија очекување за унапредување на состојбите во општественото, социо-економски и политички области на локално ниво, во нашата општина.

 


Нови директори на СОУ „Јофиф Јосифовски“ и ОУ „Владо Кантарџиев“ во Гевгелија

Цветан Нелоски е новиот директор на гевгелиското средно училиште, а Снежана Катарова е именувана за директор на ОУ „Владо Кантарџиев“ во Гевгелија

Повеќе

Закажана осмата седница на Совет на општина Гевгелија

Осмата седница на Советот закажана е за 28 февруари

Повеќе

Заев со почести пречекан во Германија

Црвен тепих и интонирана химна за почесниот гостин премиерот Зоран Заев во Германија

Повеќе

Крадците возвраќаат за мирниот празничен јануари

Во првите три недели од февруари на подрачјето на надлежност на Полициска Станица Гевгелија регистрирани се 20 кражби

Повеќе

Заев утре на средба со Меркел

По средбата во Берлин, германската канцеларка и премиерот ќе одржат заедничка прес конференција

Повеќе

Српската Амбасадорка со Благодарница за општина Гевгелија

Амбасадорката Дивјак искажа уверување за понатамошно пријателство и соработка помеѓу двете земји и интерес за соработка на економски план

Повеќе

Две години условна за Ивона Талевска

Талевска нема да оди во затвор под услов во наредните четири години да не го повтори кривичното дело за кое беше обвинета

Повеќе

Ивона Талевска призна дека затајувала данок

„Признавам вина за дејствијата кои ми се ставаат на товар со обвинителниот акт на СЈО“

Повеќе

Реновирана Детската градинка „Цветови“ во Гевгелија

Претставник на УНХЦР и Министерката за труд и социјала денеска ја посетија градинката и го пуштија во употреба реновираниот дел

Повеќе

Закроени лозјата во чест на Светецот Трифун

За богат род и заштита на лозјата денеска беа закроени лозјата на плантажите во гевгелиско

Повеќе

 

 
 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.