Топ Новости >

Гевгелиската Пошта со нов директор

  • Среда, Ное 29 2017


Со решение од директорот на „Македонски Пошти“ Скопје, Костадин Бозаџиев, долгогодишен вработен во Пошта Гевгелија од 21 ноември е назначен за В.Д. директор на ПТТ Експозитура Гевгелија. Тој доаѓа на местото на Тања Алексова која на оваа функција дојде во 2006 година.

Наместо кафе и смена на кабинетите, Костадин во директорскиот, а Тања во друга работна просторија, распоредена како соработник во секторот за маркетинг, новиот директор побарал официјално примопредавање на функцијата во присуство на сите раководители на сектори во ПТТ Гевгелија со преглед на ставките во пописните листи, евиденционите материјали, правните документи и друг деловоден материјал и опрема со кои располага ППТ Гевгелија. Наши извори велат дека примопредавањето не завршило и оваа недела.

Костадин Бозаџиев е поштенски работник веќе 35 години во Пошта Гевгелија. Овде го остварил своето прво вработување во 1982 година, иако имал завршено Педагошка академија. Работејќи и напредувајќи во сознавањето на поштенските операции и задолженија, во два наврати ја извршувал функцијата директор на ПТТ Гевгелија, во периодот од 1997-1998 и втор пат во периодот од 2002 до 2006 година.

По разрешувањето од функцијата директор во 2006 година бил, несоодветно на своето образование и искуство, распореден на местото контролор, поминувајќи го работниот ден во просторија 2 х 2 метри квадратни со рафтови од сите три страни и пристап само за излез до вратата. Вака беше деветипол години, вели Бозаџиев. И оваа деградација на образован работник со тогаш дведецениско искуство во поштенската дејност, како да не им било доволно на тогашното раководство и остатокот од 11 годишното деградирање го задолжиле да работи дополнително во магацин и да вози достава на пратки со поштенско возило. Бозаџиев ги извршувал одговорно сите доверени задачи. Затоа, деновиве после 11 годишни тортури, сакал на писмено да провери што превзема како надлежност во Пошта Гевгелија.

Пописот на листата за примопредавање на кабинетот, опремата, возилата, магацинот, техниката и другите документирани ствари во Пошта Гевгелија е при крај.

Останува новиот В.Д. директор да ја продолжи работата на една од најстарите јавни дејности во градот, поштенските, кои датираат од послевоените години, со 70 годишна традиција, да ја продолжи работата така посветено како што посветено работел сиве овие 35 години од својот работен стаж.
- "Прва работа на која сакам да се посветам се меѓучовечките односи во претпријатието кое брои 55 вработени. Ги затеков на незавидно ниво. Второ, да ги стопирам непродуктивните трошоци за сервисирање на возила кои се вршеле секој месец во Кавадарци и секој месец возилата се пак во дефект. Можеме да побараме механички услуги и од Гевгелија, наместо да плаќаме за транспорт на технички неисправно возило. Паѓаат во очи и трошоците за одржување на хигиена што ја врши надворешна агенција, кои месечно чинат огромна сума, поголема oд тоа да се ангажира постојано работно лице како хигиеничар“.
Бозаџиев има уште многу што да предложи, но да го оставиме да заврши со пописот, примопредавањето на имотот, документацијата и секторските работи и да започне со новата организациска постава на работите во ПТТ Гевгелија.

 


Од утре Македонија под снег

За утре е најавено постудено време со врнежи од снег на целата територија на државата, особено во западните и јужните делови 

Повеќе

Ќе се дислоцираат и други споменици од Скопје 2014

Комисијата за ревизија на „Скопје 2014“ најавува нови дислокации на споменици

Повеќе

Нови директори на СОУ „Јофиф Јосифовски“ и ОУ „Владо Кантарџиев“ во Гевгелија

Цветан Нелоски е новиот директор на гевгелиското средно училиште, а Снежана Катарова е именувана за директор на ОУ „Владо Кантарџиев“ во Гевгелија

Повеќе

Закажана осмата седница на Совет на општина Гевгелија

Осмата седница на Советот закажана е за 28 февруари

Повеќе

Заев со почести пречекан во Германија

Црвен тепих и интонирана химна за почесниот гостин премиерот Зоран Заев во Германија

Повеќе

Крадците возвраќаат за мирниот празничен јануари

Во првите три недели од февруари на подрачјето на надлежност на Полициска Станица Гевгелија регистрирани се 20 кражби

Повеќе

Заев утре на средба со Меркел

По средбата во Берлин, германската канцеларка и премиерот ќе одржат заедничка прес конференција

Повеќе

Српската Амбасадорка со Благодарница за општина Гевгелија

Амбасадорката Дивјак искажа уверување за понатамошно пријателство и соработка помеѓу двете земји и интерес за соработка на економски план

Повеќе

Две години условна за Ивона Талевска

Талевска нема да оди во затвор под услов во наредните четири години да не го повтори кривичното дело за кое беше обвинета

Повеќе

Ивона Талевска призна дека затајувала данок

„Признавам вина за дејствијата кои ми се ставаат на товар со обвинителниот акт на СЈО“

Повеќе

 

 

 
 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.