За време на овој викенд кога Дојран беше полн со гости, учесници и посетители на музичкиот настан „Д Фестивал“ МВР имаше засилени контроли кои резултираа со пронајдена дрога и приведени 19 лица од кои 3-ца од Гевгелија и Миравци, 2-ца од Валандовско, еден од Црничани, 2-ца млади жители на Струмица, жители на Скопје и скопско и малолетник од Турција. Приведени се лица од осум различни општини од државата.
МВР известува дека акциите се спроведени на 29.06., 30.06. и 01.07.2024, за време на одржување на фестивал во Стар Дојран.
Полициски службеници ги лишиле од слобода А.С.(29) од Струмица, Д.Ш.(24) од Гевгелија, Ј.Р.(23) од Скопје, К.В.(24) од Куманово, А.А.(32) од Струмица, Д.А.(34) од Скопје, Г.И.(46) од Скопје, Ј.Б.(32) од Гостивар, В.Г.(18) од село Црничани, дојранско, Т.П.(18) и К.Ц.(18), и двајцата од село Миравци, гевгелиско, Г.М.(47) од Скопје, Ф.И.(19) од село Удово, валандовско, Б.С.(23) од село Батинци, скопско, Д.З.(23) од Скопје, А.А.(30) од Валандово, Н.А.(18) од Скопје, С.П.(20) од Башино Село, велешко, и еден 17-годишен турски државјанин.
При преглед кај нив, како и при контрола во возила во кои се превезувале биле пронајдени марихуана, прашкаста материја и таблети.
За настаните бил запознаен јавен обвинител, а по нивно документирање против лицата ќе бидат поднесени соодветни поднесоци.
