Слика од Гевгелија која веќе ја нема

Среда, 25 Септември 2019

Најпознатата градба која е одраз на урбаната архитектура на Гевгелија од 19 век, присутна на речиси секоја разгледница од Гевгелија, на сликава е, вообичаено облеана со сонце, но и со потпрена рамка со нанижани низи од свеж тутун оставени за сушење на летното сонце.
Ова е ретка слика на една дамнешна Гевгелија кога поголемиот дел од населението се занимавало и го обезбедувале домашниот буџет со одгледување тутунови насади. Во перидот на берба и воздушното сушење кое трае повеќе месеци, преку летото, пред да се однесе на откуп во тогашниот Тунунски комбинат, кој гевгеличани го викаа „Монопол“, ваквата слика беше присутна во речиси секој двор, низ улиците, дуварите, на сите места изложени на сонце низ градот, каде тутуноодгледувачките семејства го користеле секој простор изложен на сонце за сушење на тутуновите низи.

Ѕидот на денешната градска Библиотека го памети овој наклон на тутуновите низи, го носи мирисот на оваа култура, го чува споменот на тоа време, еве и со овој фото запис од послевоена Гевгелија.

Денеска земјоделските семејства од Гевгелија и гевгелиско не одгледуваат тутун. Оваа култура исчезна од земјоделските површини во општината. Единствениот и најстар тутунски комбинат кој го носеше името на гевгелиската партизанка, првоборец и жртва на фашизмот од Втората Светска Војна, Таља Бикова отиде под стечај. Зградата на Монополот доминира во секоја постара фотографија од Гевгелија во минатиот век, но еве не успеа да ја издржи транзицијата, како и многу други големи стопански комбинати во земјата и регионот. Немањето сигурност на пласманот ги одврати традиционалните одгледувачи на тутун од Гевгелија и околината на понатамошно садење и негување на оваа индустриска култура.

Постарите гевгеличани што биле дел од тоа време ќе ви речат: „Како деца ќе не' разбудеа уште во мракот, во 4 часот сабајле за да одиме на нивата и во 4:30 уште незазорено почнувавме со бербата. Кога ќе блеснеше сонцето со утринската сила нам ни се затвараа очите од што ни' се спиеше. Ама, моравме да береме“.
- „А, зошто толку рано одевте на нива? Зошто не подоцна?“
- „Еее, лето е тоа. Кога ќе блесне сонцето, па ќе ти се залепат лисјата од тутунот на прстите, па ако се фатиш за челото, не дај боже пак очите да ги избришеш, не се издржува од вруќина. Подоцна се враќавме дома и сите во дворот седнуваа да го нижат насобраниот тутун од тој ден“ - раскажува нашиот возрасен соговорник.

Ете, ова е сеќавање за една Гевгелија, со својот живот, навики и секојдневие, кое веќе го нема.


Last modified on Среда, 25 Септември 2019 - 14:17

.

.


ПОСЛЕДНИ ВЕСТИ:

Тридневен фестивал на храна и вино во Гевгелија

Денот на општина Гевгелија 7-ми нoември ќе биде почеток на најавениот тридневен

Повеќе

Сенатот на САД го ратификуваше протоколот за НАТО за Македонија

Со 84 гласови „ЗА“ и 2 против Американскиот Сенат, доцна синоќа во забрзана

Повеќе

Италија го враќа прашањето за почнување на преговорите, Макрон доаѓа во Скопје

Италија ќе го враќа прашањето за преговорите за членство на Македонија и

Повеќе

Предвремени парламентарни избори на 12 април 2020

По четиричасовна дебата на лидерите на релевантните политички партии

Повеќе

Пендаровски: Македонија продолжува на патот кон ЕУ

- „Не постои друга алтернатива на подолг рок освен членство во Европската

Повеќе

Запленети 11 килограми дрога на Богородица

Денеска, сабота 19 октомври, во текот на работниот ден, царинските работници на

Повеќе

Јубилејна 20-та Ракијада во Валандово

Земјоделскиот одгледувач, лозар и ракијар Васил Пиндеров од Пирава ја понесе

Повеќе

Премиерот Заев по повод заклучоците на Европскиот Совет

По враќањето од Брисел и одлагањето на одлуката за почеток на преговори на

Повеќе

Златна награда „Глобаллокал“ за Општина Гевгелија

Општина Гевгелија е добитник на Златната награда „Глобаллокал“ во Средна и

Повеќе

Донесени заклучоците: Европскиот совет ќе се наврати на прашањето за Македонија

Самитот на европските лидери заврши без договор за отворање преговори со

Повеќе

 
 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.