Топ Новости
Навалица на рибари во Дојран - Вторник, 18 Февруари 2020 11:27

Топли леи

Среда, 12 Февруари 2020

Индивидуалното одгледување расад на градинарски култури за садење на земјоделски површини беше одлика на семејните домаќинства во средината на минатиот век во Гевгелија.
Домашното производство на сопствен расад се изведуваше во т.н. „топли леи“. Тоа беа добро подготвени и хумусно збогатени земјени подлоги каде се посадуваше семето. За да изр'ти побрзо леите се покриваа со рамки од стакло, или прозирен најлон низ кој можеше да продре светлината. Ако времето е топло и мирно леите преку денот се отвараа на сонце, а преку ноќта беа покривани со рамките направени од стакло, или најлон. Ако е студена ноќта домаќините ги прекриваа со рогозина, черги, стари ќебиња, се' за да не премрзне младиот расад.
Рано на пролет расадот се расејуваше по нивите. Домати, пиперки, лути пиперки, модри патлиџани... сето тоа беше одгледувано од гевгелиските градинари. Некогаш градините беа дел од дворот, а поголемите производители засадуваа и ниви под наем, само за да обезбедат повеќе род и повеќе приходи за семејството.

Подоцна топлите леи ги заменија пластениците. Замислени на истиот принцип да бидат греени од сонцето, но со човечка висина за да може градинарот да работи исправено. Оформените пластеници (или фолии, како што ги нарекува локалното население) остануваат за следната сеидба. Една се користи за расад, па во друга се пресадува разредено пораснатиот расад за да порасне зеленчукот рано пред сите во сезоната.

На фотографијата која потекнува од 50 години од 20 век е отсликана една семејна работна атмосфера пред топлите леи во дворот на Коста Дојранлиев. На фотографијата се неговите деца, Пере Дојранлиев (првиот сервисер на велосипеди во Гевгелија „Дијамант“), мајката Рада и трите сестри на Пере, (Смиља, Благица и Злата), а ги надгледува стрина им Илвана Дојранлиева. За да има мора да се сработи, а за да има плодови за храна мора посевите да бидат успешни и родни.

Така беше некогаш. Денеска процесот на производство на раноградинарски култури прерасна во вистински бизнис во современи оранжерии по гевгелиското поле и во околината, кои работат на системот капка по капка, со природно запрашување, со современи методи на затоплување, со инструменти за следење на температурата, влажноста и други параметри потребни за квалитетен процес на раст и плодоносност на културата.
Пред да настапи технологијата на сцена, знаењата се пренесуваа во кругот на семејството, од едно на друго, од генерација на генерација, бидејќи процесот на производство на храна е вечна потреба за опстојување на човештвото.


Last modified on Среда, 12 Февруари 2020 - 17:06

.

.


ПОСЛЕДНИ ВЕСТИ:

Нов дворед и тротоар до Градскиот пазар во Гевгелија

Со почетокот на уредувањето на тротоарите од двете страни на улицата „Миле

Повеќе

Се крчкаат кандидационите партиски листи за Парламентарните избори 2020

Заклучно до 12 март, на 30 дена од одржуавњето на закажаните вонредни

Повеќе

Задушница - гевгеличани во сеќавање на упокоените ги посетија вечните

Гевгелиските гробишта денеска беа преполни од посетители и роднини кои палеа

Повеќе

Оставка на директорот на Средното училиште во Гевгелија

Директор на СОУ „Јосиф Јосифовски“ од Гевгелија, Цветан Неловски денеска

Повеќе

Меѓународна Мировна награда за Заев и Ципрас

За својата дипломатска умешност во спорот околу името Македонија, бившите

Повеќе

Забрана за сообраќај на патот Струмица - Валандово

Поради сообраќајна несреќа која се задеси околу 10 часот утринава, патниот

Повеќе

24 часовен штрајк во Грција го запре граничниот промет

Синдикатот на вработените во јавниот сектор во Грција (АДЕДИ) од утрово започна

Повеќе

Навалица на рибари во Дојран

Чамци, рибари, трски за риболов, тоа е континуирана слика сезонава на брегот и

Повеќе

Лишени од слобода тројца посетители на „Бел рај“ кај Миравци

Тројца средновечни граѓани на возраст од 38 до 40 години синоќа на 15 минути

Повеќе

Собранието се распушти

Со 108 гласови „ЗА“ и ниту еден против или воздржан денеска во 17:00 часот

Повеќе

 
 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.