Во кругот на големото двориште со борова шумичка во поранешниот објект на гевгелиската Касарна стои споменик на стреланите граѓани од нашиот крај за време на Втората светска Војна која не ги заобиколи ниту овие простори на Македонија. Сведоштво за извршителот на ѕверскиот чин - бугарскиот фашистички окупатор, е исклесан на камената плоча од спомен постаментот. На неа пишува:

Во оваа месност, бугарскиот фашистички окупатор во декември 1943 и јануари 1944 година ги стрела патриотите од селата Конско и Негорци:
1. Ѓорѓиева Јордана од с. Конско
2. Деков Илија - Конско
3. Шаренков Димитар - Конско
4. Бојмалиев Ристо - Негорци
5. Димов (Велов) Ѓорги - Негорци
6. Карпузов Борис - Титов Велес
7. Шуклев Ристо - Негорци

Споменикот е подигнат 1973 година од Општинскиот одбор на Сојузот на здруженијата на борците од Народно ослободителната борба од Гевгелија.

Ако бугарите забораваат новите поколенија на овие наши сограѓани не забораваат. Минатата година дел од нив учествуваат во граѓанска акција за чистење на кругот на Касарната. Посебно внимание посветија на ова споменично обележје, со обнова на бојата на исклесаните имиња на стреланите од овој крај.

Вечна и слава и незаборав!
Гевгелија ги памети своите херои и жртви од НОБ. Ова во прилог на најновата бугарска политика и намери, пред почетокот на преговорите на Македонија за влез во ЕУ, да ја преправат својата улога во Втората Светска Војна како „ослободители“ на овие простори кои ги нарекуваат „бугарска територија“.

Гевгелија памети!