Невестинска прика

Недела, 29 Јули 2018

Свадбарски обичаи во гевгелиско - дел од македонската народна традиција

 

Обичај било од дамнина невестата уште во моминските денови да ја подготви постелнината и покуќнината за новиот дом што ќе го формира со својот избраник, момчето.

Јоргани, чаршафи, перници, прекривки, плетени завеси на една игла (ченгелак), ткаени черги за подот, или пошироки подлоги, т.н килими, сето тоа било дел од моминската прика (во други краеви наречен чеиз, или моминска руба). Основна одлика на приката била што неа ја изработувала девојката проследено со многу трепети, мечти и соништа за иднината. Тесно е поврзано со традицијата која се пренесува од постарите на помладите.

На домашниот разбој се ткаеле черги и ќилими. Колку шари и умешност применувале девојќите со љубов дека на нив ќе газат во новиот дом со саканиот.

Везеле чаршафи за постелнина, подоцна индустриски развиен како „бел вез“, но момите знаеле да користат и шарени конци со крвчиња, ливчиња, цветчиња, се' што ќе ја разубави брачната идила. Сето грижливо подготвено од прекривачи до шуштикли, памучни чаршафи, навлаки за перници, ткаените, плетените и везените работи се рачна изработка од момата.
Ден пред свадбата приката се редела изложена во домот на девојката. Овде доаѓале роднини да видат колку била вредна и посветена момата во својот труд пред мажење, наменет за основниот почеток во новото живеалиште со момчето, својот иден сопруг.

На денот на свадбата приката ја покажувале и на сватовите кои доаѓале по невестата, како гордост да видат колку вредна домаќинка ќе добијат во семејството.
Потоа, заедно со сватовите, свирките, тапаните, со оро и песна заминувала свадбената разиграна сватовска свита, а со себе ја понесувале натоварена на возила и приката од девојката. Тој чин поминувал низ улиците на Гевгелија пред очите на сите љубоитни граѓани кои со радост ја следеле радоста на разиграните свадбари.

Фото: Изложената невестинска прика била гордост за семејството на девојката, кои со радост ја покажувале, а љубопитните дечиња се сликале за спомен на овој убав ден - од 60-те години на 20 век

Новото индустриско време донел и нови навики, купени производи, купена покуќнина, а послевоениот стандард овозможил и мебелот да се вклучи во чеизот на невестата. Ако има можности за спална соба, кујнски елементи, трпезариски астали, ако не, останува со љубов и посветеност младите заеднички да го создадат своето ново домаќинство.

Last modified on Недела, 29 Јули 2018 - 16:44

.

.


ПОСЛЕДНИ ВЕСТИ:

Бесплатен одмор за работниците со ниски примања

Јавниот повик за организиран одмор на работници чии месечни примања во

Повеќе

Водата во Дојранското езеро безбедна за капење

- „Најновите испитувања на водата од Дојранското Езеро покажаа дека е во

Повеќе

Убав сончев празничен ден

Гевгеличани и околните места денеска ги осветли убав сончев ден, а и неработен,

Повеќе

Денес е Задушница - ден за спомен на починатите

Православните христијани, денес и во сабота ја празнуваат Задушница, а следниот

Повеќе

Меркел до Заев: Бундестагот ќе одобри старт на преговорите со ЕУ во септември

На денешната средба на Премиерот Зоран Заев со Германската канцеларка Ангела

Повеќе

Општина Дојран во посета на збратимената општина Медулин

Веќе седум години како општина Дојран е збратимена со општина Медулин од

Повеќе

Селото Марвинци ќе добие нов асфалт

Селото Марвинци, деновиве ќе добие нов асфалт.

Од општина Валандово

Повеќе

Почна исплатата на зголемената социјална помош

Согласно правата предвидени со новата социјална реформа од денеска започна

Повеќе

Уапсен е државниот секретар во МИОА осомничен за земање мито

Корупциски скандал со Европските фондови во државата. Поради земање провизија

Повеќе

Почнува летниот распуст за учениците

Денеска е последниот училишен ден од школската година, со што почнува летниот

Повеќе

 
 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.