Сончева Гевгелија

Сабота, 06 Октомври 2018

Дневна слика на едно сончево попладне во Гевгелија од 60-те години на 20 век

 

 

Дневна слика на едно сончево попладне во Гевгелија, кога низ улиците се движат и велосипедисти, и случајни минувачи, и ученички во школски црни кецељи со бели јаки на враќање од училиште. Поголеми девојчиња се, гимназијалки.

Во времето кога читаме новинарски извештаи за „фрлање на ученици низ прозор“, „малтретирање и тепање на соученичка во двор на училиштето“, за „прободен ученик во школски двор“ мораме да се запрашаме за вредностите на едно време, кога ученикот зрачеше со култура на јавниот простор. Тоа значеше „Добар ден“ за секој постар што ќе се сретнеше на улица, чантата во рака, една прошетка по тротоар низ главната улица и, право дома.

Немаше кафичи да им го одземе времето по тротоарите и улицата. Само една слаткарница каде на поминување можеа да се почестат со корнет сладолед, чаша боза и целуфки (потпечени шампити) кои летаа во просторот со секоје загризување. Важно беше другарството, муабетот, отпратувањето до дома и договорот дали вечерта ќе се сретнат на корзо.

Корзото се одвиваше по улицата „Маршал Тито“ по гранитните коцки, за возрасните и семејните луѓе, а младите се тискаа, по своја желба на десниот тротоар од улицата. Овде другарките, или паровите кои сакаа да се покажат дека се заедно, поминуваа во пар по тротоарот кој се простираше од сегашниот маркет „Кит го“ до крајот на тротоарот кој завршуваше до познатата гевгелиска кафана „Рубин“ што ја стопанисуваше познатиот гевгелиски угостител Перо Карајанов. По излозите од продавниците на десниот ред од тротоарот беа „фраерски“ потпрени момците кои ги одмеруваа девојчињата, која ќе го возврати погледот, која ќе му се насмее, кога ќе се роди симпатија. Немаше телефони, немаше мобилни, немаше месинџер за договор, немаше вибер. Се ловеа емоции во живо.

Можеби на сегашниве млади нема да им се допадне унифицираноста со кецељите, но новите модерни колеџи и универзитети тоа исто така го практикуваат. Ако модата се менува, колку се менуваат луѓето и нормите на дружење, запознавање, дневните и ноќни прошетки и седенки.

Фотографијата е од сончева Гевгелија во 60-те години од 20 век. Време кога сите беа среќни и задоволни ако го уловат моментот кога објективот ја испишувал историјата на една Гевгелија која останува овековечена во спомените.

Last modified on Сабота, 06 Октомври 2018 - 18:26

.

.


ПОСЛЕДНИ ВЕСТИ:

Првите капачи во Дојран

Сончевите денови од топлиот продолжен викенд со температури до 29 и 30 степен

Повеќе

Чествување на Светите Кирил и Методиј

Гевгелиската епархија и Црквата „Свети Кирил и Методиј“ во Гевгелија денеска и

Повеќе

Одбележан Патрониот празник на ООУ „Крсте Мисирков“ Гевгелија

Патрониот празник на Општинското основно училиште „Крсте Мисирков“ од Гевгелија

Повеќе

Заев ги разреши сите претседатели на Општински ограноци на СДСМ

Премиерот Зоран Заев денеска изјави дека донел одлука за разрешување на сите

Повеќе

СДСМ: Социјалната помош ќе порасне за 300 % од сегашните 3.900 денари

Собранието на РСМ денеска го изгласа новиот Закон за социјална заштита кој ќе

Повеќе

Работилница за кинези терапија на „Мобилност“ Гевгелија

Здружението на лица со телесен инвалидитет „Мобилност“ од Гевгелија, вчера во

Повеќе

Видео: Заев во Србија на отворањето на Коридор 10

- „Се радуваме на успешните потфати на сите наши соседи“ рече Премиерот Зоран

Повеќе

Матурска парада во Гевгелија по 13-ти пат

Сто и педесет гевгелиски матуранти денеска во центарот на Гевгелија по 13-ти

Повеќе

ЦИВИЛ: Да се укинат неразумните и прескапи повластици и привилегии за

ЦИВИЛ – Центар за слобода бара од законодавната и извршната власт да стават

Повеќе

Наградени ученици од ООУ „Климент Охридски“ од Миравци

Први по македонски, втори по математика, пофалени за англиски јазик, тоа е

Повеќе

 
 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.