Занаетчиството во Гевгелија

Недела, 03 Март 2019

Занаетчиска дејност во Гевгелија датира уште од средината на XIX век и до денеска опстојува но сега се актуелни други видови на дејности како занаетчиски

 

 

Гевгелија со својата традиција на над 130 години град има и стопанско минато и корени во своите вредни жители. Голем дел од нив до Првата Светска Војна во најголема мера се занимавале со земјоделство, а дел биле и занаетчии. Се разбира, за да се развива градот требале ѕидари, столари, ортомари, лимари, ковачи кои биле дел од занаетчиските дејности со кои се занимавале помалиот дел од населението во градот.

Занаетчиска дејност во Гевгелија датира уште од средината на XIX век, а до 1900 година во градот биле присутни следните занаети: дограмaџии (столари), колари, самарџии, шнајдери, ковачи, папуџии, лимари, мутафчии, бербери, бакарџии, бојаџии, фурнаџии, сарачи и други.
Исто така, населението во Гевгелија се занимавало и со земјоделство и сточарство (одгледување на крупен и ситен добиток). Клучен напредок за стопанско-економската состојба на Гевгелија имало организираното производство на свилен конец, поточно, во основањето на манифактурните работилници. Тие потоа прераснале во фабрики т.н. филанди кои, всушност, ја мобилизирале целата економија на градот до Првата светска војна (1913/14 год), но и во периодот помеѓу двете светски војни.

Кон крајот на XIX и почетокот на XX век населението во Гевгелија, покрај свиларската и трговската дејност, се занимавало и со занаетчиство. Занаетчиите во Гевгелија главно го сочинувале градскиот среден слој. Помеѓу повеќето занаети кои се негувале во Гевгелија, најстари занаети биле: кираџискиот, арабаџискиот, коларскиот, сарачкиот, берберскиот, шивачкиот и други.

Тишлерскиот занает почнал да се негува во Гевгелија уште во 1918 година, а најбаран бил во периодот меѓу двете светски војни, сè до 1950 година. Покрај нив, во Гевгелија имало и други занаети како шарлагански, самарџиски, воденичарски, лимарски, ќурчиски, кујунџиски, берберски, ковачки, чојаџиски и други. До 1912 година имало 132 дуќани, а најбројни биле чевларските, берберските и
фурните.
Од старите занаети во Гевелија останале 9 берберски дуќани, 3 чевларски дуќани, 1 златарски дуќан, потоа, 2 шнајдерски дуќани, 1 часовничарски, повеќе тишлерски и молерајски работилници и други.

И денеска во модерниот и електронски напреден XXI век занаетите се уште барани. Но, сега се актуелни некои други видови струки, по превземањето на индустријализацијата на дел од занаетчиските гранки (чевларство, текстилната индустрија), а некои едноставо исчезнале. Актуелни се електро монтерите, компјутерски сервисери, фризерници, бјути салони, монтери на клима уреди, системи за сончева енергија и затоплување. Секое време носи свои потреби и нови видови занаети кои ги налагаат навиките на потрошувачите.



Фото: Група молери со пријателите на пауза на гевгелиското сонце - средина на XX век

 

Last modified on Недела, 03 Март 2019 - 20:03

.

.


ПОСЛЕДНИ ВЕСТИ:

Чествување на Светите Кирил и Методиј

Гевгелиската епархија и Црквата „Свети Кирил и Методиј“ во Гевгелија денеска и

Повеќе

Одбележан Патрониот празник на ООУ „Крсте Мисирков“ Гевгелија

Патрониот празник на Општинското основно училиште „Крсте Мисирков“ од Гевгелија

Повеќе

Заев ги разреши сите претседатели на Општински ограноци на СДСМ

Премиерот Зоран Заев денеска изјави дека донел одлука за разрешување на сите

Повеќе

СДСМ: Социјалната помош ќе порасне за 300 % од сегашните 3.900 денари

Собранието на РСМ денеска го изгласа новиот Закон за социјална заштита кој ќе

Повеќе

Работилница за кинези терапија на „Мобилност“ Гевгелија

Здружението на лица со телесен инвалидитет „Мобилност“ од Гевгелија, вчера во

Повеќе

Видео: Заев во Србија на отворањето на Коридор 10

- „Се радуваме на успешните потфати на сите наши соседи“ рече Премиерот Зоран

Повеќе

Матурска парада во Гевгелија по 13-ти пат

Сто и педесет гевгелиски матуранти денеска во центарот на Гевгелија по 13-ти

Повеќе

ЦИВИЛ: Да се укинат неразумните и прескапи повластици и привилегии за

ЦИВИЛ – Центар за слобода бара од законодавната и извршната власт да стават

Повеќе

Наградени ученици од ООУ „Климент Охридски“ од Миравци

Први по македонски, втори по математика, пофалени за англиски јазик, тоа е

Повеќе

Заев ги најави критериумите за „Метлата“

Промени на раководните структури на министерско ниво, во државните институции,

Повеќе

 
 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.