Солидарен протест на приватните доктори од Гевгелија

Петок, 15 Март 2019

Mатични доктори од приватното здравство во Гевгелија денеска се солидаризираа со состојбата на својата колешка д-р Виолета Петковска од Виница и со протест пред ФЗОМ Подрачна единица Гевгелија бараа непречено функционирање на приватните здравствени ординации кои се во функција на јавното здравство во општината и државата

 

 

Десетина матични доктори од приватното здравство во Гевгелија денеска се солидаризираа со состојбата на својата колешка д-р Виолета Петковска од Виница и со протест пред ФЗОМ Подрачна единица Гевгелија бараа непречено функционирање на приватните здравствени ординации кои се во функција на јавното здравство во општината и државата.

Имено д-р Петковска иако има потпишан договор за соработка со ФЗОМ веќе два месеца не добива исплата на капитација по евидентирани болни на кои им е матичен лекар затоа што медицинската сестра заминала на друго работно место и нејзината ординација функционира како некомплетен тим. Докторите од приватните здравствени ординации, посочувајќи на недостаток од стручен медицински кадар кој се' почесто заминува на работа во странство, бараат државата да поведе грижа за недостаток на медицински кадар. А, во услови кога лекарската дејност се обавува со лиценциран доктор од одделна специјалност, непоимливо е неговата диплома од осумгодишно школување за професијата доктор да биде неприменлива заради недостаток на медицинска сестра.

Затоа, бараат решение на проблемот да биде вработување на немедицинско лице кое би ги обавувало админстративните работи, а тие како лекари во својата докторска работа да ја извршуваат и работата на медицинските сестри согласно здравствениот кодекс и законите.

- „Во општините Гевгелија, Богданци и Дојран опстојуваат 19 матични доктори кои извршуваат здавствена дејност како тим со медицинска сестра. Во случај некоја медицинска сестра да се отсели на работа во странство, или да отиде на здравствено боледување подолго од законски дозволеното од 30 дена ние матичните доктоти од регионот би се нашле во иста ситуација. Во моментот во Агенцијата за вработување во Гевгелија која ги покрива со дејност трите општини од регионот, нема ниту една медицинкса сестра невработена, регистрирана да бара вработување, која би можеле да ја ангажираме во таков случај. Значи проблемот е сериозен недостаток од здравствен кадар, на кој надлежните од ФЗОМ и Министерството за здравство би требале да најдат функционална солуција“, вели д-р Христина Прошева, претседател на ЗПЛРМ за јужниот регион кој ги опфаќа општините Гевгелија, Богданци, Дојран и Валандово. 

За ваквиот проблем завчера протестираа колегите на д-р Петковска од Здравниот дом во Виница, а вчера и колегите Кочани, Велес и од други здравствени центри во државата.

За проблемот со неисплатата на капитацијата кон докторката Петковска која редовно опслужува 750 пациенти од општина Виница, реагираше и Здружението на приватни лекари на РМ: - „Сите матични доктори го одржуваат примарното здравство кое беспрекорно функционира, но во никој случај не смееме да дозволиме матичен доктор да остане на улица после 21 година работење заради тоа што не може да се најде медицинска сестра за тим. Тоа никаде го нема“- велат од Здружението.

Претседателката на ЗПЛРМ, д-р Лилија Чолакова Дервишова поставува реторично прашање до надлежните во ФЗОМ:

- „Кој е носител на дејноста, докторот или медицинската сестра? Се разбира докторот. Па, како ако нема медицинска сестра фирми ли ќе затвораат? Овој проблем од колешката може да биде на секој од нас и не e дозволиво некој да ни' затвора фирми кои плаќаат редовно данок, фирмарини, кои сами си купија компјутери, принтери, токени, фискални каси и ги поддржаа сите реформи на сите Влади со сопствени средства, да имаат ваков третман“, констатира Др Лилија Чолакова Дервишова, Претседател на ЗПЛРМ.

Приватните доктори од Гевгелија и иматели на здравствени ординации го потврдија прогласот упатен од колегите од нивната фела: И јас сум Виолета!!!, барајќи итно решањање на проблемот со капитацијата за приватните здравствени ординации кои обавуваат матична здравствена услуга за преку 40.000 жители од регионот. Од протестот беше упатено барање до надлежните државни институции да се направат извесни законски измени, доколку неможат да формират тим со медицински сестри на нивно место да вработат администратор, кој ќе ги извршува работните задачи, со цел ординациите да опстојат и во помалите локални средини за потребите на тамошните пациенти.

 

Last modified on Петок, 15 Март 2019 - 14:46

.

.


ПОСЛЕДНИ ВЕСТИ:

АВРМ: Кредитирање на невработените до 10.000 евра за започнување сопствен бизнис

Агенцијата за вработување на Република Северна Македонија објави оглас за

Повеќе

Минусна ноќ во Гевгелија и југот

Вечерва настапуваат првите минусни температури годинава - поларниот студен бран

Повеќе

За 50% поевтинува регистрацијата на возила со странски таблички

Легална регистрација во Македонија со 50 од сто намалени трошоци е новата

Повеќе

Кривична пријава за фалсификаторка на пари

Единицата за економски и компјутерски криминал при СВР – Скопје поднесе

Повеќе

Видео: Стопирани Василичарите во Вевчани

Василичарскиот кaрневал во Вевчани кој поради короната претставува закана по

Повеќе

Нема сурварски огнови

Вака одлучи Општинскиот кризен штаб.
По оптимистичките информации дека мерките

Повеќе

Запрен шверц на лекови на ГП Богородица

Меѓународниот промет на стоки и во време на светска корона пандемија не запре.

Повеќе

За 10 дена санционирани 6.489 возачи

Засилените акциски контроли на сообраќајната полиција низ патиштата во земјава

Повеќе

Најмногу дожд наврна во Гевгелија

Изминатото деноноќие во Гевгелија наврнаа 45 литри воден талог на еден метар

Повеќе

Почина академик Георги Старделов, (1930-2021) роден гевгеличанец

Роден гевгеличанец и поранешен претседател на МАНУ д-р Георги Старделов почина

Повеќе

 
 

 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.