Топ Новости

Судот во Велес ја продолжи судската постапка за случајот Кадиева

Петок, 08 Ноември 2019

По жалба на Јавното обвинителство од Велес, а со одобрување од Апелациониот суд, денеска започна продолжена судска постапка за случајот со смртта на родилката Кадиева и нејзиното новороденче, со насока од Апелација да се испита степенот на одговорност на гинеколозите кои го вршеле оперативниот зафат-царски рез.

„Основното јавно обвинителство во Велес, почитувајќи го законскиот рок по приемот, вложи жалба на Пресудата на Основниот суд Велес во предметот за смртта на родилката Маја Кадиева и нејзиното новороденче.
Имено, со првостепената пресуда на Основен суд Велес двајца доктори гинеколози беа ослободени од обвинение дека сториле кривично дело – Тешки дела против здравјето на луѓето од чл. 217 ст. 1 од Кривичниот законик, додека докторот анестезиолог беше осуден за истото кривично дело на ефективна казна затвор во траење од 4 години и му беше изречена забрана на вршење професија, дејност или должност.

Сепак, надлежниот јавен обвинител смета дека во предметот станува збор за воопшто несовесно постапување на тројцата лекари од ЈЗУ „Општа Болница“ Гевгелија како последица на кое при породување настапил смртен исход кај родилката Маја Кадиева и нејзиното новороденче.

Жалбата е поднесена поради погрешно утврдена фактичка состојба. Во неа, Основното јавно обвинителство Велес наведува дека на страната на лекарите гинеколози има пропусти кои во целина со пропустите на анестезиологот довеле до смртниот исход“, се вели во соопштението на Јавното Обвинителство на РМ.

Жалбата на ЈОРМ беше доставена во декември 2018. Истата е уважена од Апелација и предметот е вратен на повторно судење до Основниот Суд во Велес со насока да се испита степенот на одговорност за двајцата гинеколози кои го вршеле оперативниот зафат - царски рез кај родилката, д-р Чалков и д-р Москов од Струмица.
Продолжувањето на судскиот предмет започна денеска во Основниот суд во Велес во присуство на обвинетите, нивните адвокати, а за сведоци беа повикани докторите: неонатолог, интернист  и гинеколог.

Родилката Маја Кадиева и нејзиното бебе починаа во октомври 2015 година во гевгелиската болница при породување со царски рез. Одбукцијата покажала дека смртта настапила од задушување поради погрешна интубација и обид за реанимација. 
За смртта на родилката и нејзиното дете беше покренато обвинение од ОЈО против двајцата анестезиолози (едниот од нив почина) и двајцата гинеколози. Пресудата по обвинението во септември 2018 донесе казна затвор само за анестезиологот д-р Ванчев, а не и за гинеколозите. ОЈО со жалба бара одговорност и за гинеколозите и повторување на судската постапка.


Last modified on Петок, 08 Ноември 2019 - 20:38

.

.


ПОСЛЕДНИ ВЕСТИ:

Царинската управа додели Благодарници на гевгелиски фирми

По повод светскиот ден на царината, директорот на Царинската управа Ѓоко

Повеќе

Се гради нова канализациона линија во Негорци и замена на дотраените водоводни

Јавното комунално претпријатие во Гевгелија, „Комуналец“ деновиве ја превзема

Повеќе

Формирана Комисија за здравство и социјални работи при Здружението на

Гевгелиското Здружение на пензионери ќе помага на своите членови преку прграма

Повеќе

Водовод и канализација за станбените објекти на Караорман

Најновата и растечка урбана зона во Гевгелија, населбата Караорман со години е

Повеќе

Лишен од слобода 68 годишен жител на Богородица

Ова е втор случај годинава жител на Богородица да биде лишен од слобода поради

Повеќе

Шпанија со итен протокол за ратификација на членство на Македонија во НАТО

Владата на Шпанија вчера го одобри и го достави на усвојување во Паралментот

Повеќе

Прес СДСМ Гевгелија: Вложувањето во образованието е најдобрата инвестиција

Претставникот во Советот на општината од редовите на СДСМ и коалицијата, кој

Повеќе

Ново невреме во Австралија - врнежи од град, после поплавите и пожарите

Само ден по песочната бура на југоистокот од Австралија се истурил силен град

Повеќе

Чесниот крст во Гевгелија го понесе Љупчо Трајков

Љупчо Трајков (30 годишен) од Гевгелија и годинава како и лани е најсреќниот

Повеќе

Одбележан Водици во Богданци, Стојаково и Ѓавото

Граѓаните на Општина Богданци и тамошната црква се придружија на одбележувањата

Повеќе

 
 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.