Топ Новости

Македонско лекарско друштво со признание за Д-р Дојранлиев

Недела, 20 Мај 2018

Гевгелискиот доктор Педијатар специјалист Ице Дојранлиев, единствен претставник од асоцијата на приватни лекари на Македонија е добитник на признание за особен придонес во пружењето на квалитетни здравствени услуги на граѓаните од страна на Македонското лекарско друштво

 


Гевгелискиот доктор Педијатар специјалист Ице Дојранлиев, единствен претставник од асоцијата на приватни лекари на Македонија е добитник на признание за особен придонес во пружењето на квалитетни здравствени услуги на граѓаните од страна на Македонското лекарско друштво (МЛД).

Ова деновиве го објави специјализираното списание „Лекарски весник“ број 93 од април 2018 година каде што се наведени добитниците од лекарската фела по повод Светскиот ден на здравјето, наградени од Македонското Лекарско друштво.

На денот на здравјето 7-ми април, кој е меѓународен празник на Светската здравствена организација, годинава беа доделени плаќети, дипломи и благодарници за особен прионес во остварувањето на квалитетни здравствени услуги.

Фото: Насловната страница од „Лекарски весник“ бр. 93 е посветена на одбележувањето на Светскиот ден на здравјето и наградите на здравствените работници од Македонското Лекарско Друштво

Доктор Педијатар - специјалист Ице Дојранлиев, основач на ПЗУ „Д-р Дојранлиев“ е единствен добитник на такво признание од Гевгелија. Претседателката на асоцијацијата на приватни лекари, Д-р Лили Дервишева му честиташе на доктор Дојранлиев што тој е прв од приватните лекари кој добива вакво признание од МЛД изразувајќи задоволство што врните стручњаци од здравствената фела го ценеле и вреднувале трудот на приватните лекари во Македонија.

Д-р Дојранлиев зад себе има тридецениско работно искуство. По дипломирањето на Медицинскиот Факултет во Скопје и положениот лекарски испит обавувал тригодина доброволна работа во гевгелиската болница за да биде поблиску до праксата. Првото вработување му е во „Општа болница“ Гевгелија каде 15 години е дел од носечкиот тим лекари на Брза помош. Во 2005 година ја основа Приватната здравстена установа „Д-р Дојранлиев“ каде како лекар специјалист педијатар и матичен лекар нуди здравствени услуги за сите возрасти.
Поради недостаток на педијатри во моментот е ангажиран за обавување на итни специјалистички прегледи во Детското одделение при „Општа болница“ Гевгелија и Неонатологија при Гинеколошкото одделение во гевгелиската болница.
За време на бегалската криза која ја задеси и Македонија, како дел од транзитната рута до западно европските земји, Д-р Дојранлиев беше ангажиран од Црвениот крст на Македонија како лекар во Прифатниот центар „Винојуг“ на југот од македонската граница со Грција.

 

Фото: Д-р Ице Дојранлиев на своето вообичаено работно место во амбулантата при ПЗУ „Д-р Дојранлиев“

Фото: Д-р Дојранлиев во здравствената амбулантата во просториите на Прифатниот центар за бегалци „Винојуг“ сместен на јужната граница на Македонија со Грција

Наградите ги врачи Министерот за здравство на РМ Доцент Д-р Венко Филипче кој заедно со честитките за добитниците ги сподели определбите на Владата дека здравството има големо значење во реформската агенда на овој владин состав.

Пред многубројните гости кои го проследија настанот се обрати и претседателот на македоснкото лекарско друштво Доцент Д-р Горан Димитров. Тој потсети дека македонското лекарско друштво чекори во својата 74 година од свото постоење и активност. Формирано е од неколкумина ентузијасти на 12.08.1945 година кои медицинските факултети ги завршиле на Сорбона, Виена и на германските универзитети и оттогаш успешно го активирале Македонското лекарско друштво. Димитров истакна дека организацијата на лекари во Македонија била првата регистрирана асоцијација во тогашната книга на регистарот на Социјалистичка Република Македонија.

За ангажманите на МЛД Претседателот Димитров истакна дека минатата година организирале над 70 големи стручни - научни настани и околу 40 помали во кои учествувале повеќе од 220 странски и над 400-тини домашни предавачи.

 

Last modified on Недела, 20 Мај 2018 - 13:49

.

.


ПОСЛЕДНИ ВЕСТИ:

30 дневен притвор за Боки 13 и Кичеец

Барањето на Обвинителството за гонење организиран криминал и корупција е

Повеќе

Шефицата на СЈО, Катица Јанева, поднесе оставка

Шефицата на специјалното јавно обвинителство, Катица Јанева, поднесе оставка.

Повеќе

МНР: Нема настрадани македонски државјани во невремето на Халкидики

Согласно комуникацијата остварена со надлежните служби, Генералниот конзулат на

Повеќе

Бесплатен одмор во Струга за 700 деца од семејства во социјален ризик

Околу 700 деца и нивни придружници од семејства во социјален ризик од цела

Повеќе

Заев: Аларм за борба против лажни вести и манипулации

За лажното претставување на двајца руски комичари како поранешниот претседател

Повеќе

Мицотакис победи на парламентарните во Грција

Нова Демократија на Мицотакис победи на предвремените парламентарни избори во

Повеќе

Апликацијата „МојДДВ“ до сега ја симнале близу 58.000 граѓани

За четири дена од почетокот на примената на апликацијата „МојДДВ“, од 1 јули

Повеќе

Заев: Берлинскиот процес е водилка за европски развој на нашиот регион

Во Познањ, Полска, вчера и денеска се одржува Самит ЕУ-Западен Балкан, како дел

Повеќе

Градинката во Миравци со нова ограда

По две недели работа на терен заврши оградувањето на двориштето на Детската

Повеќе

Владата одлучи: „Еуромакс“ не доби дозвола за експлоатација на руди за Иловица

На денешната седница Владата го одби барањето за издавање дозвола за „Иловица“,

Повеќе

 
 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.