Детектиран тигрест комарец - закана под контрола

Сабота, 27 Октомври 2018

На југот од Македонија топлите услови придонесоа да преживее и да се прилагоди на средината азискиот тигрест комарец

 

 

На југот од Македонија топлите услови придонесоа да преживее и да се прилагоди на средината азискиот тигрест комарец. Овој инсект е детектиран од страна на Агенцијата за храна и ветеринарство која деновиве врши мапирање на целата територија за да се утврди каде се' е проширен овој комарец.

Опасноста од неговиот убод во период кога не се надеваме на комарци може да ги предизвика кај човекот следниве симптоми: црвенило на кожата, оток, (од полесен карактер), но и слабост, малаксаност, главоболка, тегоби, повишена температура, (од посериозен карактер. Сепак стручњаците предупредуваат дека овие симптоми без лекарски преглед и анализа не може да се земат здраво за готово дека се предизвикани од убод од игрест комарец.

Агенцијата за храна и ветеринарство на РМ спроведува дополнителни програми за евентуално утврдување дали овој комарец има пренесено болести кај животните.
- „Согласно резултатите што ги имаме добиено, потенцира директорот на Агенцијата Зоран Атанасов, нема потврда за постоење на такви болести и не постои таква опасност“.

Според информациите на Агенцијата за храна и ветеринарство, овој вид комарец прв пат е детектиран 2016 година само во реонот на Богданци, а оваа година е проширен во Дојран и повеќе општини во Скопје.

Појасни дека спецификата на комарецот е да се размножува и да живее на одредени температури и на одредена надморска височина.

– „Мамките се поставени оваа година во речиси цела источна Македонија, и се продолжува во другиот дел од државата за да добиеме целосна слика за тоа дали е проширен и во другите краеви, рече Атанасов и додаде оти е формирана превентивна група во која меѓу другите членови се и тој и министерот за здравство Венко Филипче и на дневна основа се испитуваат сите информации.

Епидемиологот од Институтот за јавно здравје д-р Жарко Караџовски информира дека до денеска нема регистрирано никакви случаи на инфекција, ниту заболување од овој тип комарец во Република Македонија.

Напоменувајќи дека будно се следи состојбата во регионот и во околните држави, како што се Србија, Бугарија, Грција, Албанија и други, информира дека таму има регистрирано поголем број заболени лица, дури и смртни случаи.

– Не постои ризик од некои заболувања односно ризикот е безначаен, заради тоа што согласно временската прогноза ќе се залади, а таа температура воопшто не му одговара на комарецот за да може да се размножува. Се размножува во многу мало количество вода, дури и во чаша или тацна што се навадуваат цвеќиња, застоени гуми, води…. овој комарец го хибернира зимскиот период и станува активен од март па натаму, а најголема активност покажува јуни, јули и август, рече епидемиологот од Институтот за јавно здравје д-р Жарко Караџовски.

Институтот, подвлече, бара во иднина секоја локална самоуправа да одвои дел од општинските буџети и да превенираат ДДД на водени, шумски и ливадски површини.

– „Во 2012-2013 година издадена е брошура за поврзаноста на климатските промени со појавата на инфективните заболувања во РМ, како и безброј брошури за појавата на комарците, заштита од убод на комарец и од крлежи“, информираат од Институтот за јавно здравје.

Детектирањето на тигрестиот комарец во општините Богданци, Дојран и Гевгелија предизвика вознемиреност кај населението поради опасноста од болестите што може да ги пренесе, но место за паника нема, велат од подрачната единица на Центарот за јавно здравје во Гевгелија.

 

Last modified on Сабота, 27 Октомври 2018 - 18:50

.

.


ПОСЛЕДНИ ВЕСТИ:

Од Стојаково до Пекинг со ново македонско-грчко пријателство

Дека патувањата зближуваат докажува и последната информација која ја добиваме

Повеќе

Јовески: Знаеме како се давани парите во случајот „Рекет“

Републичкиот јавен обвинител, Љубомир Јовески, вели дека знаат како и од каде

Повеќе

Од ноќеска поевтинуваат горивата

Цената на бензините од ноќеска на полноќ се намалува за еден денар, а на

Повеќе

Поставување на нови успорувачи низ улиците во Гевгелија

Работна екипа на фирмата „Ве груп“ од Радовиш денешниот неделен ден е на терен

Повеќе

Зголемен прометот на ГП Богородица, полицијата дели вода на патниците

Годишноодморските смени кои се изведуваат секој десетти ден во месецот и викенд

Повеќе

Од викендов издавање дозволи за риболов на Дојранско езеро

Новиот концесионер на Дојранското Езеро "Костреж 2018" од с.Николич упати

Повеќе

Стојачани го развиорија МК знамето на Кинескиот ѕид

По дваесет дневно патешествие двајцата автомобилисти авантуристи од

Повеќе

Прекинот на струја за викендот ОДЛОЖЕН

Од ЕВН КЕЦ Гевгелија известуваат дека најавените работи за модернизација на

Повеќе

Деца од Гевгелија на бесплатен одмор во Струга

Во организација на Министерството за труд и социјала, а во соработка со

Повеќе

Асфалтирање на улични краци во Миравци и Давидово

Улицата „Климент Охридски“ во Миравци од вчера е во работна атмосфера. Се

Повеќе

 
 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.