Прогласена епидемија на морбили во Гевгелија

Петок, 01 Март 2019

Со петнаесет заболени деца со морбили на возраст од неколку месеци до една година, денеска од Институтот за јавно здравје прогласија состојба на епидемија на морбили (мали сипаници) и во Гевгелија

 

 

Со петнаесет заболени деца со морбили на возраст од неколку месеци до една година, денеска од Институтот за јавно здравје прогласија состојба на епидемија на морбили (мали сипаници) и во Гевгелија.

Сите случаи се упатени на лекување во Инфективната клиника во Скопје. Заради превентива викендов беше затворено детското одделение во Гевгелија и извршена детална дезинфекција на одделението, а сите итни случаи беа третирани во Службата за итна медицинска помош.
Дезинфекција на детското одделение беше неопходна заради уништување на вирусот на морбили донесен од првото болно лице, кое всушност беше дете од Куманово дојдено со родителите на гости во Гевгелија и овде ги покажало симптомите на болеста. Ова е така наречен „увозен“ случај на морбили.
Одговорниот педијатар на Детското одделение при Општа Болница Гевгелија не извести дека „ниедно од децата со дијагностициран вирус на морбили не се заразени од Гевгелија, туку се деца кои како болни биле здравствено упатени на третман од друго заболување во детската клиника „Козле“ во Скопје, и овде добиваат морбили, па од Скопје директно се упатуваат на понатамошен третман во Инфективната клиника во Скопје“.

Засега на ниво на државата прогласена е епидемија на морбили во Скопје, Тетово, Куманово и Гевгелија.
Од Институтот за јавно здравје на РСМ велат дека под ризик на ова заболување остануваат уште 20.000 лица кои не примиле вакцина против морбили. Поради тоа се најавува мерка за итна вакцинација на децата од оваа опака, животно загрозувачка болест.

Од Центарот за јавно здравје во Гевгелија информираат дека во општината на почетокот од годината биле регистрирани 163 невакцинирани деца од мали сипаници. На сите нив упатени им биле лични покани до родителите да ги донесат своите деца за вакцинирање. Системот на покани започна уште со зголемувањето на бројот на заболени деца и возрасни лица од морбили во државата, со почетокот на годината и оваа мерка веќе дава резултати, велат од ЦЈЗ. За три недели се вакцинирале 52 деца во јануари. До крајот на месецот се очекува да заврши целосната имунизација на невакцинираните деца од Гевгелија, нагласуваат од ЦЈЗ.

 

Last modified on Петок, 01 Март 2019 - 19:03

.

.


ПОСЛЕДНИ ВЕСТИ:

Чествување на Светите Кирил и Методиј

Гевгелиската епархија и Црквата „Свети Кирил и Методиј“ во Гевгелија денеска и

Повеќе

Одбележан Патрониот празник на ООУ „Крсте Мисирков“ Гевгелија

Патрониот празник на Општинското основно училиште „Крсте Мисирков“ од Гевгелија

Повеќе

Заев ги разреши сите претседатели на Општински ограноци на СДСМ

Премиерот Зоран Заев денеска изјави дека донел одлука за разрешување на сите

Повеќе

СДСМ: Социјалната помош ќе порасне за 300 % од сегашните 3.900 денари

Собранието на РСМ денеска го изгласа новиот Закон за социјална заштита кој ќе

Повеќе

Работилница за кинези терапија на „Мобилност“ Гевгелија

Здружението на лица со телесен инвалидитет „Мобилност“ од Гевгелија, вчера во

Повеќе

Видео: Заев во Србија на отворањето на Коридор 10

- „Се радуваме на успешните потфати на сите наши соседи“ рече Премиерот Зоран

Повеќе

Матурска парада во Гевгелија по 13-ти пат

Сто и педесет гевгелиски матуранти денеска во центарот на Гевгелија по 13-ти

Повеќе

ЦИВИЛ: Да се укинат неразумните и прескапи повластици и привилегии за

ЦИВИЛ – Центар за слобода бара од законодавната и извршната власт да стават

Повеќе

Наградени ученици од ООУ „Климент Охридски“ од Миравци

Први по македонски, втори по математика, пофалени за англиски јазик, тоа е

Повеќе

Заев ги најави критериумите за „Метлата“

Промени на раководните структури на министерско ниво, во државните институции,

Повеќе

 
 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.