Пациент на 78 години од Гевгелија е еден од починатите осум лица во државата во изминатите 24 часа како резултат на настанати компликации од ковид-19, известува во денешниот извештај Институтот за јавно здравје од Скопје. Пациентот е починат во болнички услови.

Ова е првата ковид жртва во Гевгелија во новата 2021 година, а 20-та по ред од почетокот на корона епидемијата кај нас. Ова е приказ дека сериозноста на заканата од коровавирусот се' уште е актуелна и смртоноста, иако во Гевгелија и регионот во првата декада од јануари во новата 2021 година беше забележан намален број на новозаразени од вирусот, а зголемен број на оздравени.
Така во изминатите 10 денови од јануари во регионот на Центарот за јавно здравеје во Гевгелија евидентирани се 58 новозаразени од корона, а 123 оздравени од ковид-19. Односот е повеќе од два пати во корист на оздравените.

Со денешниот извештај на ИЈЗ дознаваме и за 7 нови позитивни во регионот на ЦЈЗ Гевгелија и 4 оздравени.
Вкупниот број на заразени од коронавирусот до сега во регионот на надлежност на ЦЈЗ Гевгелија е 1.215 лица кои 81 од подрачјето на општина Дојран, 208 од општина Богданци, а 926 се жители на општина Гевгелија. До сега во регионот 27 лица од заболените завршиле со смртни последици од „средбата“ со короната.
Вкупниот број на досега оздравени во регионот на трите јужни општини е 972 лица, а во моментот 216 се активни на ковид-19.

Во денешниот извештај на ИЈЗ се споменува и смртта на еден 48 годишен пациент од општина Валандово, што е уште еден показател дека од короната не срадаат само постарите лица.
Дневниот корона извештај во државата евидентира 345 нови случаи на ковид-19 од направени 2.455 тестови, а утврдено е дека 289 лица се негативни на корона по направениот контролен тест. Заклучокот е дека процентот на новозаболени од дневно тестираните е во опаѓање и изнесува 14% наспроти рекордните 39-40% за време на декемврискиот пик на короната.