Модриот патлиџан, или црн патлиџан, како што го нарекуваат жителите на југот е честа намирница во домаќинствата. Испржен, испечен, како летна салата со лукче. Традиоционално е присутен на трпезата и е лесен за варење, ги храни коските и мозокот, добро влијае на срцето, а богатството од состојки кои ги содржи се одлична превенција од анемија, велат стручњаците.
Вкусот Ви е познат, но ви предлагаме да вкусите нов рецепт, полнети модри патлиџани со шампињони и кашкавал.

Потребни состојки:
- 4 модри патлиџани
- 400 грама сечкани шампињон- мала чаша бело вино
- 2 лажици доматно пире
- 200 грама рендан кашкавал
- лук
- магданос
- 3-4 лаици маслиново масло
- сол
- бибер

Подготовка:
Се мијат модрите патлиџани, се сечат чушките, а се пресекуваат по целата нивна должина. Не се лупат. Се издлабнува средината од плодот на патлиџанот и се сецка на коцки.
Исецканите парчиња модар патлиџан од средината на плодот се пропржуват во тава, потоа се додаваат шампињоните, лукот. Пропрженото се полева да се динста со додавање на виното и зелениот исецкан магдонос.
Се додава маслиново масло, доматно пире и наведените зачини, по вкус.
Со оваа состојка се полнат издлабнатите патлиџани. Се стават во огноотпорен сад, или тавче за печење, и се печат во загреана рерна.
Пред крај од печењето се наросува ренданиот кашкавал.
За декорација може да поставите исечена кришка сирење и парче црвен патлиџан што ќе му додаде колорит на јадењето.

Добар апетит.