Топ Новости
Навалица на рибари во Дојран - Вторник, 18 Февруари 2020 11:27

Медена земја вечерва во Гевгелија

Понеделник, 03 Февруари 2020

Трета филмска проекција во Гевгелија на документарниот филм „Медена земја“, најнаградуваниот македонски филм и годинешниот македонски кандидат за „Оскар“.
На една недела пред официјалното доделување на престижните филмски оскари македонскиот кандидат кој предизвика бура од реакции, возбуда и чувства на престиж деновиве се прикажува низ државата, а вечерва ќе гостува пред гевгелиската публика.

Место- Народен театар, почеток 20 часот, вечерва 03.02.2020 година. Задоволството ќе ве чини 100,- денари.

„Медена земја“ со победа во три категории на почетокот на годинава триумфираше на престижниот филмски фестивал „Санденс“. Филмот е во трка за најдобар документарец на Европските филмски награди, а досега има освоено 20 меѓународни награди. Позитивни рецензии за филмот објавија сите водечки светски медиуми како „Њујорк тајмс“ (The New York Times), „Лос Анџелес Тајмс“ (Los Angeles Times), „Њујоркер“ (The New Yorker), „Венити фер“ (Vanity Fair), и други.

Познатата актерка Сара Џесика Паркер на својот инстаграм профил напиша: „Медена земја“ е неверојатна, визуелено зачудувачка, епска а сепак интимна приказна за пчеларката Атиџе Муратова. Жена која нема никогаш да ја заборавам!“
Холивудската актерка истакна дека филмот е еден од најдобрите номинирани за „Оскар“!
Филмот освен во кино салите низ Македонија, деновиве се прикажува и во САД, Велика Британија и Ирска.

Синопсис: „Земи половина од медот, половина остави за пчелите.“

По ова правило за баланс со природата се води Атиџе, последната жена-одгледувач на диви пчели во Европа, која живее сама со својата мајка во централна Македонија. Но, кога во нејзиното соседство ќе се досели номадско семејство-пчелари, таа се соочува со сериозен предизвик, да ги спаси пчелите и да ја зачува природната рамнотежа на земјата.
Ако еден го прекрши правилото, сите ја плаќаат цената!

Подгответе се за животна реалност во траење од 85 минути.
Режисери на делото се Љубо Стефанов и Тамара Котевска, сниматели и кинематографи се  Фејми Даут и Самир Љума.  Продуцент и монтажер: Атанас Георгиев, а музичката подлога е од групата „Фолтин“. Во филмот настапуваат реални ликови од местото Бекирлија, Свети Николско, тамошни жители кои во филмот го живеат својот живот, а документаристите само го снимат нивното секојдневие, тоа се: Атиџе Муратова, последната одгледувачка на мед од диви пчели во природата, нејзината болна мајка Назифе Муратова, соседите  Хусеин Сам, Љутвие Сам, Музафер Сан и останатите деца од семејството Сам.
Филмот е наменет за сите возрасни категории, со порака дека е потребен баланс во животот помеѓу човекот и природата.


Last modified on Понеделник, 03 Февруари 2020 - 17:50

.

.


ПОСЛЕДНИ ВЕСТИ:

Ветровита Гевгелија со брзина на ветер од 50 км/час

Денешното тивко и напати облачно време попладнево продолжи со ветерни налети

Повеќе

Притвор за осомничен за силување на малолетничка во Гевгелија

Основното јавно обвинителство Гевгелија до судијата на претходна постапка при

Повеќе

Рехабилитација на патот Нов Дојран-Стар Дојран-Граничен премин Дојран

Осумтотини илјади евра за рехабилитација на патиштата и улиците во општина

Повеќе

Исплатени субвенциите за обработлива површина до еден хектар

Агенцијата за финансиска поддршка во земјоделството и руралниот развој на

Повеќе

Зајакната контролата на аеродромите и на граничните премини

Македонските епидемиолози велат дека ќе бидат потребни големо екипирање и

Повеќе

Нов дворед и тротоар до Градскиот пазар во Гевгелија

Со почетокот на уредувањето на тротоарите од двете страни на улицата „Миле

Повеќе

Се крчкаат кандидационите партиски листи за Парламентарните избори 2020

Заклучно до 12 март, на 30 дена од одржуавњето на закажаните вонредни

Повеќе

Задушница - гевгеличани во сеќавање на упокоените ги посетија вечните

Гевгелиските гробишта денеска беа преполни од посетители и роднини кои палеа

Повеќе

Оставка на директорот на Средното училиште во Гевгелија

Директор на СОУ „Јосиф Јосифовски“ од Гевгелија, Цветан Неловски денеска

Повеќе

Меѓународна Мировна награда за Заев и Ципрас

За својата дипломатска умешност во спорот околу името Македонија, бившите

Повеќе

 
 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.