Топ Новости

Меѓународна графичка работилница „Софија“ Богданци

Петок, 24 Август 2018

По 11-ти пат во Богданци графичари од светот ќе учат и творат кај нас во Македонија

 

Tрадиционално по единаесетти пат и годинава Богданци е собиралиште на графичари од повеќе земји кои десет дена ќе учат и творат во рамките на меѓународната графичка работилница „Софија“. Настанот кој низ годините прерасна во еден од најпрепознатливите уметнички собири на Балканот започна на 22 август и ќе трае до 1 септември.

Настанот кој е единствен од ваков вид на Балканот е инициран од група ентузијасти и вљубеници на уметноста уште во 2008 година и одтогаш во континуитет продолжува со својата уметничка мисија, овде на југот од Македонија, во Богданци.

- „Нашата идеја во 2008 година беше да ја популаризираме графиката како начин на уметничко изразување и да им овозможиме на младите и талентирани автори да разменуваат искуства и да изработуваат графички дела во различни техники. Единаесет години подоцна со задоволство можеме да констатираме дека помогнавме за популаризирање на графиката во Македонија, но и во регионот. Нашата следна цел е работилницата да живее во текот на целата година преку различни активности кои ќе придонесат за промоција на уметноста во нашата земја“, велат од Здружението на граѓани Графичка работилница „Софија“ Богданци, кое е организатор на работилницата.

На годинешната главна сесија учествуваат 17 уметници (графичари) од Македонија и од странство, селектирани од државните ликовни академии во Скопје, Белград, Нови Сад, Ниш, Загреб, Сараево и Софија. Ментор на работилницата е Слободан Радојковиќ, истакнат графичар и професор на Факултетот за уметности во Ниш.

За разлика од претходните години, овој пат ќе се одржат две завршни изложби во градот домаќин на работилницата „Софија“. Првата на 30 август во Домот на културата во Богданци, а наредниот ден делата изработени за време на работилницата ќе бидат изложени во галерискиот простор на Печатница „Софија“ во Богданци. Во нарединиот период планирани се повеќе изложби во градови низ Македонија и регионот.

Во своето досега десетгодишно творење низ годините на одржувањето на Графичката работилница „Софија“ на ова уметничко тло и пред домашната публика во Богданци продефилираа над 170 графичари од целиот регион. Улогата на ментори ја имаа истакнати графичари и универзитетски професори од Македонија, Србија, Хрватска и Босна и Херцеговина, од тамошните ликовни академии чии студенти и постдипломци се редовни учесници на работилницата.

Last modified on Петок, 24 Август 2018 - 13:43

.

.


ПОСЛЕДНИ ВЕСТИ:

Шефицата на СЈО, Катица Јанева, поднесе оставка

Шефицата на специјалното јавно обвинителство, Катица Јанева, поднесе оставка.

Повеќе

МНР: Нема настрадани македонски државјани во невремето на Халкидики

Согласно комуникацијата остварена со надлежните служби, Генералниот конзулат на

Повеќе

Бесплатен одмор во Струга за 700 деца од семејства во социјален ризик

Околу 700 деца и нивни придружници од семејства во социјален ризик од цела

Повеќе

Заев: Аларм за борба против лажни вести и манипулации

За лажното претставување на двајца руски комичари како поранешниот претседател

Повеќе

Мицотакис победи на парламентарните во Грција

Нова Демократија на Мицотакис победи на предвремените парламентарни избори во

Повеќе

Апликацијата „МојДДВ“ до сега ја симнале близу 58.000 граѓани

За четири дена од почетокот на примената на апликацијата „МојДДВ“, од 1 јули

Повеќе

Заев: Берлинскиот процес е водилка за европски развој на нашиот регион

Во Познањ, Полска, вчера и денеска се одржува Самит ЕУ-Западен Балкан, како дел

Повеќе

Градинката во Миравци со нова ограда

По две недели работа на терен заврши оградувањето на двориштето на Детската

Повеќе

Владата одлучи: „Еуромакс“ не доби дозвола за експлоатација на руди за Иловица

На денешната седница Владата го одби барањето за издавање дозвола за „Иловица“,

Повеќе

Претседателот Пендаровски во посета на јужната граница и Транзитниот Центар за

Претседателот на Република Македонија и Врховен командант на вооружените сили,

Повеќе

 
 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.