Убавините на Македонија и нејзините природни пејсажи, со питомите поднебја, живот и култура биле инспирација за ликовно креирање на уметници од светски ранг.

Еден од ретките кои твореле на овие простори е и Хелмут Маке - (Helmuth Macke), германски сликар. Тој бил приврзаник на авантгарден стил на ликовен израз и со група млади и напредни уметници од Минхен ја формираат сликарска група наречена „Синиот Јавач“ (Der Blaue Reiter). Групата „Син Јавач“ имала “термо-нуклеарен“ ефект врз сликарството. Во следните години, публиката и сликарите целосно се свртуваат кон апстрактните ликовни форми и експресионизмот, а тој интерес останува силен и доминантен до ден денес.

Со цел разбивање на овој уметнички авангарден танддем Германскта армија регрутира дел од нив и ги испраќа на воените боипта за време на Првата Светска Војна.

Хелмут Маке (1891 – 1936) е исто така регрутиран и испратен во Македонија близу Дојран и Струмица. Два пати бил ранет во борба и два пати закрепнал. Останал цела војна во околината на Дојран. Цртал акварели и мали масла на панел со македонски пејсажи или војнички сцени. Дури и после војната во 1920-тите години Маке се навраќа кон македонската инспирација. Последното македонско дело кое излезе на пазар од Хелмут Маке ( аукциска куќа Karbstein Peter , објект 278) е маслото на платно „Пејсаж со бели биволи во Македонија“ е нацртано во 1923 година. Во 1936 години, кога Хитлеровите црнокошулаши јавно ги уништуваат апстрактните слики и ги прогонуваат модерните сликари, Хелмут Маке се удавува под мистериозни околности во езерото Констанца, каде што живеел.

Фотографски записи од делата на Хелмут Маке се објавени во „Лексиконот на странски сликари во Македонија помеѓу 1850-1950“. (ФОТО Галерија)

Првото негово насликано дело со инспирација од мотиви забележани во Македонија е „Жени на чешма во Дојран“, изработено во акварел и потекнува од 1916 година.