Топ Новости >

Директорот на Домот на културата без програма за работа го бара Народниот театар на стопанисување

  • Недела, Мар 04 2018

{flike}


- „Душата на народот е во културата, а таа е во сериозна криза. Немаме финансиски средства, немаме простор, ниту потребен кадар во Домот на културата и сме на маргините. Се соочуваме со застарени компјутери, без расположив основен минимум за работа и недостаток од 5-6 нови вработувања. Барам помош од вас, не можам сам“ со овие зборови директорот на Домот на културата во Гевгелија Миле Ничевски се обрати пред членовите на Советот на општина Гевгелија образложувајќи ги Извештајот за работа на Домот во 2017 и Програмата за работа за 2018 година.

Советниците му замерија дека зборува паушално, а во материјалите за дискусија освен корицата на програмата нема нотирано проекти на кои планира да работи Домот на културата во тековната 2018 година.

Во одбрана на непостоечката програма, која за иронијата да биде поголема и не била текстуално доставена до Советот на Општина Гевгелија, Ничевски одговори дека: „Не можам ништо да планирам однапред, ако не располагам со нешто. Немам простор за работа. Барам да ни' се додели Народниот Тетатар во Гевгелија на стопанисување, или на располагање, за да можам да планирам гостувања на професионални драмски или други уметнички ансамбли“, рече Ничевски и додаде: „Од друга страна, ова наше барање е контрадикторно, бидејќи ние немаме минимални услови за да стопанисуваме со тој простор“, беа аргументите сакам/не сакам на директорот на Домот на културата.

Ничевски се пожали и на ниските средства од 100.000 денари за програмски активности за 2018 година одобрени од општинскиот Буџет преку Програмата за финансирање на културни проекти.
- „За нормално функционирање потребни ни се 1.500.000 денари средства за проекти. Дополнително имам пред две години доставено до Општината проект за поправки во тетатарот: промена на вратите, промена на инсталацијата, промена на светлото, преправки на сцената и набавка на дигитализирана опрема. Со сега доделените средства може да планираме само кино проекции во малата сала на Пионерскиот дом, освен во јануари кога се празниците и летните месеци кога секоја културна активност е неисплатива, а тоа е периодот од 15 јуни до 15 август“. 

 

На ова реагираше советникот

Тихомир Ручкоманов, забележувајќи дека Домот на културата во Гевгелија не само што не се потрудил да понуди програма за работа до Советот на Општината, туку не аплицирал со ниту еден свој проект до Министерството за култура за финансирање преку Националната програма за култура. 

-„Други менаџери и институции успеваат да допрат и до меѓународни средства за проекти од културно значење, а вие како институција од културата не сте се потрудиле ниту апликација да пополните, а не свој проект, перформанс, или претстава да поставите. Вас ве нема ниту на списокот на апликанти, ниту на списокот на одобрени проекти од Министерството за култура на РМ“, оцени Ручкоманов.

Големите заложби за назначување стопанственик над Народниот Театар не добија свој епилог во дискусијата, ниту обновеното барање од 20 до 25 нови вработувања во Домот на културата искажани од Ничевски на осмата седница на Советот на општината.
Инаку Домот на културата во Гевгелија е институција од областа на културата која се финансира со наменски дотации од Буџетот на РМ преку Општинската буџетска сметка, по стапувањето на сила на процесот на децентрализација на ингеренциите на централната власт на локално ниво. Со овие средства се финансираат тројцата вработени, комуналните и режиски трошоци за канцеларискиот простор и други тековни расходи на оваа институција под локална надлежност.
Народниот театар од Гевгелија по неговото темелно реновирање со средства од Европската Унија, (поради претходно опожарување) од 2009 година е пуштен во употреба, но никако не се остварија најавите за формирање посебна институција која ќе стопанисува со тетатарот и така оваа установа остана под надлежност и на располагање на Општина Гевгелија.

По исцрпувањето на дискусијата по Извештајот за работа за 2017 и Програмата за работа на Домот на културата за 2018 година мнозинството советници гласаа воздржано, со што материјалите не добија одобрување од локалниот општински Совет.

Распоредот на гласовите беше следен: 9 гласа „воздржано“, останатите се изјаснија со 7 гласови „за“ и еден „не гласал“ заради судир на интереси, со што Извештајот за работа на ЈОУ Дом на културата за 2017 и Годишната програма за работа на Домот на културата за 2018 не се усвоени од Советот на општината.

 


Македонско лекарско друштво со признание за Д-р Дојранлиев

Гевгелискиот доктор Педијатар специјалист Ице Дојранлиев, единствен претставник од асоцијата на приватни лекари на Македонија е добитник на признание за особен придонес во пружењето на квалитетни

Повеќе

Еретички писма- нов роман на Стефан Марковски

Младиот гевгелиски поет и прозаист со нов книжевен запис, романот „Еретични писма“ во издание на Издавачкиот центар „Три“ од Скопје

Повеќе

Франкофонијата и пријателството

Изложба на цртежи во галеријата „Амам“

Повеќе

Дизајнерите откриваат каква венчаница одбра идната принцеза

БИДЕО: Венчаницата на Меган во споредба со венчаниците на Дајана и Кејт

Повеќе

Јубилеен концерт на КУД Бранд Петрушев од Богданци

30 години, песна, музика, настапи,меѓународни гостувања  и многу другарувања

Повеќе

Хуманоста на луѓето победи

Малиот Игор од Богданци утре заминува на операција во Турција

Повеќе

Влашка вечер традиционално по 16 пат во Гевгелија

Здружение на власите на општина Гевгелија „Мегленија“ и годинава по 16 пат ја организира традиционалната културна средба „Влашка вечер“

Повеќе

Влатко Стефановски со концерт во Валандово

Валандовската културна пролет со многу гости и настапи се' до Фолк Фест Валандово

Повеќе

Мурал на Гучи во Лондон

Уметничка реклама за лансирање на новата колекција на Гучи

Повеќе

Апел за помош

14 годишниот Игор од Богданци со тумор на мозокот, има потреба од итна операција во Турција за која му се неопходни 19.000 евра

Повеќе

 


ПОСЛЕДНИ ВЕСТИ:

Во Гевгелија одбележан Националниот ден на власите

Членовите на Здружението на власите од општина Гевгелија „Мегленија“, денеска го одбележаа 23 Мај Националниот ден на власите

Повеќе

Груевски осуден на две години затвор за случајот Тенк

Шест години и шест месеци казна затвор за Ѓоко Поповски и две години затвор за поранешниот премиер Никола Груевски

Повеќе

По 15 години конечно ТВ Дуел на партиски лидери

Утре на МТВ во 20 часот ТВ Дуел помеѓу премиерот и лидер на СДСМ - Зоран Заев, и лидерот на ВМРО ДПМНЕ Христијан Мицкоски

Повеќе

Случајот Триста на СЈО заврши со обвинение од 9 години затвор

Кривичниот суд во Скопје денеска ја читаше пресудата по предметот „Триста“ поднесен од СЈО и истиот заврши со обвинение од 9 години ефективна казна за Ѓоко Поповски поранешен помошник министер во МВР

Повеќе

Јован и Ана - второ место на Државен натпревар по физика

Во конкуренција на 99 ученика од исто толку училишта во државата, гевгелиските ученици Јован Петров и Ана Папалазова освоија втора награда

Повеќе

Ослободителна пресуда за случајот Поткуп

Зоран Заев е невин за „поткуп“ потврди денеска Кривичниот суд со читање на ослободителната пресуда

Повеќе

Гевгелискиот алпинист д-р Ѓорги Петков почина на пат кон Еверест

Хималајскиот портал „Тајмс“ од Непал денеска ја објави жалната вест за смртта на македонскиот алпинист Георги Петков кој од 23 март тргна на мисија за освојување на највисокиот врв на светот Монт

Повеќе

Владата го одби барањето за нови концесии за минерални испитувања на Кожуф

На 66-та седница на Владата, одржана на 2 мај годинава одбиено е доделувањето на концесија за детални геолошки истражувања на минерална суровина - металични минерални суровини на локалитетот

Повеќе

Меј: Вашата земја е интегрален дел од Европа

Заедничка прес конференција на британската премиерка Меј и македонскиот премиер Заев

Повеќе

Најавен можен финиш на спорот за името

Заев и Ципрас издвоиле една опција како можно решение на спорот за името

Повеќе

 
 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.