Пресудени 4 години затвор за анестезиологот за случајот Кадиева

Петок, 21 Септември 2018

Гинеколозите Чалков и Москов ослободени од обвинението за смртта на родилката Кадиева, анестезиологот д-р Ванчев доби и забрана за вршење на дејност во траење од пет години

 

 

Во Велешкиот Основен суд денеска се читаше пресудата за случајот со починатата родилка Кадиева и нејзиното бебе. Во пресудата стои:
Обвинетиот анестезиолог Томчо Ванчев е прогласен за виновен и доби четири години затвор, како и одземање на докторската лиценца, додека гинеколозите Венци Чалков и Дончо Москов се ослободени од обвинението за „тешки дела против здравјето на луѓето“. На доктор Ванчев му е изречена забрана за вршење на професија лекар-специјалист анестезиолог во време од пет години, при што времето минато во затвор на се засметува.

Ова е одлуката на судијата Габриела Гајдова, која ја прочита во името на петочлениот судски совет, со кој таа претседаваше. Тројцата доктори специјалисти беа обвинети за смртта на родилката Маја Кадиева и нејзиното бебе. Нејзиниот сопруг и мајка и' во солзи ја пречекаа судската одлука.

Сопругот на починатата родилка емотивно ја доживеја пресудата. Незадоволен е од висината на казната, но и од тоа што од тројца, само еден лекар е осуден.

- „Очекувано беше дека ќе има виновни и лично дека гинеколозите ќе бидат, но излезе дека само анестезиологот го осудија. За жал времето во затвор ќе мине, но Маја нема да се врати. Четири години за два млади животи, а боли што гинеколозите се ослободени. Водач на тимот кој ја породува сопругата е д-р Чалков. Со ваквата пресуда делумно е задоволена правдината, а цел живот останува болката“ - рече Димитриј Кадиев, сопругот на родилката Маја Кадиева.

Таа почина на 22 октомври 2015-та година при извршувањето на царскиот рез во Гевгелиската болница. Обвинителството ги товареше тројцата доктори дека работеле индивидуално, а не како тим и со преземените дејствија обвинетите предизвикале штетна последица, несовесно постапиле при укажување лекарска помош при процесот на породување. Со тоа предизвикале влошување на здравствената состојба кај родилката што резултирало со смртен исход на сега покојната и нејзиното бебе.

При изрекувањето на пресудата присуствуваше само д-р Венци Чалков и неговиот бранител адвокат Борче Стојанов. Тој кажа дека нема да ја коментира судската одлука.

Судијката Гајдова образложи дека д-р Ванчев сите работи кои се пишани во обвинението, според изведените докази тој и ги сторил, не дошол на време на породувањето, бил во алкохолизирана состојба со 1,25 промили алкохол во крвта, извршил повеќе од три обиди на интубација.

Доктор Венци Чалков според изведените докази постапил правилно за работите кои му се товарат во обвинението - терминот кој го закажал за царскиот рез бил според здравствените протоколи, потоа кога забележал дека д-р Ванчов е во алкохолизирана состојба тој реагирал до директорот на Болницата и дека по неуспешните обиди за интубација тој предложил царскиот рез да се одложи.

Доктор Дончо Москов не можел да забележи дека д-р Ванчев е под дејство на алкохол и да бара одлагање на операцијата и дека излегувањето од салата на д-р Москов оти пациентката не можела да се воведе во анестезија нема причинско последична врска со смртта на родилката.

Пресудата не е правосилна. Обвинетиот Ванчев има право на жалба. Обвинителката Славица Темелковски најави жалба на пресудата.

 

Автор: Петар Печков

Last modified on Петок, 21 Септември 2018 - 21:52

.

.


ПОСЛЕДНИ ВЕСТИ:

Чествување на Светите Кирил и Методиј

Гевгелиската епархија и Црквата „Свети Кирил и Методиј“ во Гевгелија денеска и

Повеќе

Одбележан Патрониот празник на ООУ „Крсте Мисирков“ Гевгелија

Патрониот празник на Општинското основно училиште „Крсте Мисирков“ од Гевгелија

Повеќе

Заев ги разреши сите претседатели на Општински ограноци на СДСМ

Премиерот Зоран Заев денеска изјави дека донел одлука за разрешување на сите

Повеќе

СДСМ: Социјалната помош ќе порасне за 300 % од сегашните 3.900 денари

Собранието на РСМ денеска го изгласа новиот Закон за социјална заштита кој ќе

Повеќе

Работилница за кинези терапија на „Мобилност“ Гевгелија

Здружението на лица со телесен инвалидитет „Мобилност“ од Гевгелија, вчера во

Повеќе

Видео: Заев во Србија на отворањето на Коридор 10

- „Се радуваме на успешните потфати на сите наши соседи“ рече Премиерот Зоран

Повеќе

Матурска парада во Гевгелија по 13-ти пат

Сто и педесет гевгелиски матуранти денеска во центарот на Гевгелија по 13-ти

Повеќе

ЦИВИЛ: Да се укинат неразумните и прескапи повластици и привилегии за

ЦИВИЛ – Центар за слобода бара од законодавната и извршната власт да стават

Повеќе

Наградени ученици од ООУ „Климент Охридски“ од Миравци

Први по македонски, втори по математика, пофалени за англиски јазик, тоа е

Повеќе

Заев ги најави критериумите за „Метлата“

Промени на раководните структури на министерско ниво, во државните институции,

Повеќе

 
 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.