Промоција на „Антички монети“ од Бобан Хусеновски

Петок, 12 Октомври 2018

Вториот том на „Антички монети“ на авторот Хусеновски излегоа од печат деновиве, а по повод 11-ти Октомври беа промовирани во Гевгелија

 

 

Вредносните апоени од античко време пронајдени на локалитетот Вардарски рид уште еднаш се предизвик за книжевен писмен траг на археологот Бобан Хусеновски, долгогодишен истражувач на овој локалитет и тајните кои ги крие во себе.

После 14 години, по издавањето на првата монографија во 2004 годна Хусеновски повторно се навраќа на монетите од античко време најдени на јужната тераса од Вардарски рид, локација позната како старо-македонскиот град Гортинија.

Вториот том на „Антички монети“ на авторот Хусеновски излегоа од печат деновиве, а по повод 11-ти Октомври беа промовирани во Гевгелија, местото од каде потекнуваат археолошките трагови кои се предмет на нумизматската евиденција во монографијата. Во делото се прикажани записите за 549 нови монети пронајдени во периодот на истражувањата на овие простори по објавата на првата монографија со истата тематика и предмет на интерес, а тоа се монетите кои се приказ на една развиена пазарна економија во вековите од пред два милениума наназад.

Археологијата како упорна, темелна, прецизна и егзактна наука бара и многу време на посветеност, поради што авторот Хусеновски, денеска актуелен директор на Националната установа „Музеј“ Гевгелија, претставувајќи го своето последно книжевно дело се заблагодари на соработката со колегите, рецензентите, промоторите и студентите истражувачи на локалитетот Вардарски рид.

Во таа прилика тој поименично изрази благодарност за несебичната помош во создавањето на ова обемно и значајно дело за културното наследство на рецензентите професор Нада Проева од универзитетот „Свети Кирил и Методиј“ од Скопје и професор д-р Мара Баначиќ -Мандиниќ од Хрватска, на промоторот и стручен соработник Перо Јосифовски, на неговите колеги Драган Митревски и Емил Сламков, на студентите по археологија и на Министерството за култура на Република Македонија.

- „Вардарски рид, со оваа книга е единствен локалитет во Македонија чија нумизматичка збирка е целосно објавена. оваа монографија е материјал за дополнително научно истражување“, истакна на промоцијата рецензентот, д-р Нада Проева.
Стручниот соработник, Перо Јосифовски потенцираше дека станува збор за драгоцено нумизматичко дело посветено на наодите на локалитетот Вардарски рид, преку кое се потполнува историјата на овој локалитет.
- „Преку монетите претставени во монографијата може да го согледаме интензитетот на живеење на еден град, а пред се неговата економија“, истакна Јосифовски.

Монографијата останува трајно културно сведоштво за пазарниот и вредносниот промет на овие простори, низ вековите наназад. Ова е уште едно книжевно сведоштво дека Гевгелија и низ вековите наназад била атрактивен простор кој урбано живеел и економски функционирал во однос на набавка на продукти и стоки неопходни за тогашниот живот.

Промоцијата на вториот том на „Антички монети“ се одржа во присуство на бројни заинтересирани граѓани, претставници на локалната самоуправа, колеги од Народниот музеј во Гевгелија и истакнати културни работници, во амбиенот на Народниот театар во Гевгелија, како дел од одбележувањето на 77 годишнината од Денот на македонското востание, кога слободата се вреднува со дела и историски сведоштва за времињата на нашиве простори. 



Last modified on Петок, 12 Октомври 2018 - 04:06

.

.


ПОСЛЕДНИ ВЕСТИ:

Првите капачи во Дојран

Сончевите денови од топлиот продолжен викенд со температури до 29 и 30 степен

Повеќе

Чествување на Светите Кирил и Методиј

Гевгелиската епархија и Црквата „Свети Кирил и Методиј“ во Гевгелија денеска и

Повеќе

Одбележан Патрониот празник на ООУ „Крсте Мисирков“ Гевгелија

Патрониот празник на Општинското основно училиште „Крсте Мисирков“ од Гевгелија

Повеќе

Заев ги разреши сите претседатели на Општински ограноци на СДСМ

Премиерот Зоран Заев денеска изјави дека донел одлука за разрешување на сите

Повеќе

СДСМ: Социјалната помош ќе порасне за 300 % од сегашните 3.900 денари

Собранието на РСМ денеска го изгласа новиот Закон за социјална заштита кој ќе

Повеќе

Работилница за кинези терапија на „Мобилност“ Гевгелија

Здружението на лица со телесен инвалидитет „Мобилност“ од Гевгелија, вчера во

Повеќе

Видео: Заев во Србија на отворањето на Коридор 10

- „Се радуваме на успешните потфати на сите наши соседи“ рече Премиерот Зоран

Повеќе

Матурска парада во Гевгелија по 13-ти пат

Сто и педесет гевгелиски матуранти денеска во центарот на Гевгелија по 13-ти

Повеќе

ЦИВИЛ: Да се укинат неразумните и прескапи повластици и привилегии за

ЦИВИЛ – Центар за слобода бара од законодавната и извршната власт да стават

Повеќе

Наградени ученици од ООУ „Климент Охридски“ од Миравци

Први по македонски, втори по математика, пофалени за англиски јазик, тоа е

Повеќе

 
 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.