Жан Митрев Клиник со своја подружница во Гевгелија

Четврток, 20 Декември 2018

Познатиот кардиолог и академик Жан Митрев, на средба со градоначалникот Поцков, најави интерес за отварање на подружница на кардио клиниката во Гевгелија

 

 

Познатиот кардиолог и академик Жан Митрев, оснивач на истоимената клиника „Жан Митрев“ позната со своите врвни и бројни кардиолошки зафати за потребите на граѓаните од републиката и регионот, најави интерес за отварање на подружница на кардио клиниката во Гевгелија.

За таа цел, вчера во општина Гевгелија тој оствари средба со градоначалникот на општината Сашо Поцков и тимот надлежни соработници на локаната самоуправа. Средбата имаше за цел да се детектираат условите и можностите за отворање на подружница на „Жан Митрев Клиник“ во Гевгелија.
Притоа, од страна на д-р Жан Митрев беше изнесена заинтересираноста на ова специјализирана клиника за отворање на дијагностичка амбуланта во Гевгелија, како и за локациските и инфраструктурните услови за реализација на ваквата иницијатива. Истовремено, на средбата стана збор и за законската регулатива околу реализацијата на еден ваков проект.

Локалната самоуправа претставена од градоначалникот Сашо Поцков пројави подготвеност за соработка околу реализацијата на оваа иницијатива од страна на веќе врвно етаблираниот и светски познатиот кардиолог Митрев. Поцков ја поздрави иницијативата и изразена подготвеност на Општината со своите сектори и урбани услови за поддршка на реализацијата на еден ваков значаен проект. Истиот би требало да донесе и здравствени погодности на жителите од општината и поширокиот регион, а ќе има и свој придонес во подобрувањето на квалитетот на здравствените услуги во општината, дијагностика, превенција и стручен третман на кардиоваскуларните заболувања кај популацијата.

Од локационен аспект на општина Гевгелија, проектот „Жан Митрев Клиник“ со подружницата во Гевгелија и дијагностички центар би создал услови за развој на медицинскиот туризам во пограничниот регион каков што е Гевгелија. Оттука и прифатената обврска од страна на општината, покрај обезбедувањето на локациски услови или простор, да бидат утврдени, во соработка со постојните здравствени установи, потребите на граѓаните на општина Гевгелија од соодветна здравствена услуга.

Секако, незаобиколен е фактот и за потребите на потенцијално можните пациенти од соседството имајќи предвид дека во Гевгелија секојдневни гости се граѓаните од соседна Грција, кои се заинтересирани како за казино турисмот, шопингот низ гевгелиските пазари и неспорниот факт за енормен интерес кон денталниот туризам. Новиот дијагностички кардио центар како подружница на „Жан Митрев Клиник“ може да донесе значаен број на пациенти и престојувачи од странство како корисници на здравствените услуги на овој специјализиран вид на здравствена услуга и за странската популација.

 

Last modified on Четврток, 20 Декември 2018 - 15:27

.

.


ПОСЛЕДНИ ВЕСТИ:

Од Стојаково до Пекинг со ново македонско-грчко пријателство

Дека патувањата зближуваат докажува и последната информација која ја добиваме

Повеќе

Јовески: Знаеме како се давани парите во случајот „Рекет“

Републичкиот јавен обвинител, Љубомир Јовески, вели дека знаат како и од каде

Повеќе

Од ноќеска поевтинуваат горивата

Цената на бензините од ноќеска на полноќ се намалува за еден денар, а на

Повеќе

Поставување на нови успорувачи низ улиците во Гевгелија

Работна екипа на фирмата „Ве груп“ од Радовиш денешниот неделен ден е на терен

Повеќе

Зголемен прометот на ГП Богородица, полицијата дели вода на патниците

Годишноодморските смени кои се изведуваат секој десетти ден во месецот и викенд

Повеќе

Од викендов издавање дозволи за риболов на Дојранско езеро

Новиот концесионер на Дојранското Езеро "Костреж 2018" од с.Николич упати

Повеќе

Стојачани го развиорија МК знамето на Кинескиот ѕид

По дваесет дневно патешествие двајцата автомобилисти авантуристи од

Повеќе

Прекинот на струја за викендот ОДЛОЖЕН

Од ЕВН КЕЦ Гевгелија известуваат дека најавените работи за модернизација на

Повеќе

Деца од Гевгелија на бесплатен одмор во Струга

Во организација на Министерството за труд и социјала, а во соработка со

Повеќе

Асфалтирање на улични краци во Миравци и Давидово

Улицата „Климент Охридски“ во Миравци од вчера е во работна атмосфера. Се

Повеќе

 
 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.