Светски ден на здравството

Недела, 07 Април 2019

Недостаток на здравствен специјалистички кадар е обележје на годината во Општа Болница Гевгелија

 

 

Недостаток на здравствен специјалистички кадар е обележје на годината во Општа Болница Гевгелија.

Со припојувањето на Болницата со Здравниот дом се доби нов правен субјект ЈЗУ „Општа Болница Гевгелија со проширена надлежност“ но бројот на докторски, стручен медицински и специјалистички кадар остана ист, а дејноста на надлежност проширена.
Тоа значи дека постојните кадрови ресурси во Болницата го даваат својот максимум, а потребите на пациентите се секојдневни, од хроничната терапија, до редовните прегледи, па и до состојби на зголемен број заболувања од грип и епидемија од морбили.

Стручниот тим на гевгелиската болница засилена со здравствената услуга што ја даваат матичните доктори од приватните здравствени установи допринесоа општина Гевгелија и регионот што е под надлежност на Болница Гевгелија успешно да се справат со овие предизвици (грипот и морбилите) и да нема последици по здравјето на граѓаните.

Недостатокот од специјалистички кадар е постар проблем „фабрикуван“ од претходните години, зошто специјалистичките кадри се создаваат со специјалистички студии, на кои со години раководството на болницата гледало небрежно, или штедливо на средства. Така деновиве фалат специјалисти педијатри, па во детското одделение дејноста ја обавува лекар специјалист од приватна здравствена установа, во гинекологија нема тим за изведување породувања па младите мајки се упатуваат на породување во други здравствени установи. По смртта на инфектологот д-р Ѓеорги Петков (несреќниот негов поход на Монт Еверест каде и почина) Болницата остана и без стручњак инфектолог. Недостасуваат невролози, хирурзи, анестезиолози, дерматолози.

На последната 25 седница на Советот на општина Гевгелија ЈЗУ „Општа Болница Гевгелија“ информираше за состојбата со здравствената заштита на населението во Општината и состојбата со здравствениот кадар. Во истата е најавено дека се очекува завршување на специјалистичките студии на двајца специјализанти педијатри со што Одделот за детски болести би се комплетирал со двајца специјалисти, а веќе постоечкиот специјалист би останал во Службата за превентивна здравствена заштита на предучилишна и училишна возраст (вакцинации).

За секторот гинекологија и акушерство Болницата ги известува во Информацијата советниците од гевгелиската локална самоуправа дека склучила спогодба за превземање на медицински персонал од Клиничката болница во Штип за создавање законски услови за изведување породувања во гевгелиската Болница.
Од ЈЗУ „Општа Болница“ Гевгелија најавуваат и „враќање“ од специјалистички студии на еден специјалист по општа хирургија и еден невролог со што здравствената заштита во овие два оддела од болницата би требало да се подобрат во однос на достапноста на лекарската помош кон граѓаните, пациенти.

 

 

Last modified on Недела, 07 Април 2019 - 14:51

.

.


ПОСЛЕДНИ ВЕСТИ:

Бесплатен одмор за работниците со ниски примања

Јавниот повик за организиран одмор на работници чии месечни примања во

Повеќе

Водата во Дојранското езеро безбедна за капење

- „Најновите испитувања на водата од Дојранското Езеро покажаа дека е во

Повеќе

Убав сончев празничен ден

Гевгеличани и околните места денеска ги осветли убав сончев ден, а и неработен,

Повеќе

Денес е Задушница - ден за спомен на починатите

Православните христијани, денес и во сабота ја празнуваат Задушница, а следниот

Повеќе

Меркел до Заев: Бундестагот ќе одобри старт на преговорите со ЕУ во септември

На денешната средба на Премиерот Зоран Заев со Германската канцеларка Ангела

Повеќе

Општина Дојран во посета на збратимената општина Медулин

Веќе седум години како општина Дојран е збратимена со општина Медулин од

Повеќе

Селото Марвинци ќе добие нов асфалт

Селото Марвинци, деновиве ќе добие нов асфалт.

Од општина Валандово

Повеќе

Почна исплатата на зголемената социјална помош

Согласно правата предвидени со новата социјална реформа од денеска започна

Повеќе

Уапсен е државниот секретар во МИОА осомничен за земање мито

Корупциски скандал со Европските фондови во државата. Поради земање провизија

Повеќе

Почнува летниот распуст за учениците

Денеска е последниот училишен ден од школската година, со што почнува летниот

Повеќе

 
 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.