Олабавува корона заканата во регионот на ЦЈЗ Гевгелија

Среда, 13 Јануари 2021

Јануарските извештаи за присуството и инциденцата на корона врусот меѓу населението во Гевгелија и регионот на Центарот за јавно здравје укажува на секојдневна регистрација на оздравени од ковид-19, а 1/3 од деновите нема регистрирани нови позитивни случаи на корона.
Така, сумарниот број на корона позитивни во текот на изминатите 12 јануарски денови што Институтот за јавно здравје ги има регистрирано е 67 позитивни случаи на корона, (новозаразени граѓани), но и зголемен број на оздравени, вкупно 138 во изминатите 12 дена (од 1 до 12 јануари 2021).

Оптимистички делува и податокот дека се намали осетно потребата од дневна инфузна терапија на заболените од ковид-19 која се обавува во новоизградениот Дневен ковид центар при Општа Болница Гевгелија. Дневниот проток на пациенти со лесна ковид слика е речиси преполовен, намален за 50%, па веќе отсуствува сликата од некогашните гужви и редици присутни во декемврискиот корона пик пред Дневниот ковид Центар во Гевгелија.

Моменталната корона слика за Гевгелија и регионот вели дека имаме активни на вирусот 211 граѓани од трите јужни општини. Дека нивната позитивна епидемиолошка анализа на короната не е со тешки клинички слики, односно дека отсуствува клиничката тензија на вирусот укажува фактот што само 9-мина од заразените побарале лекарска помош со хоспитализација во ковид одделението при гевгелиската Болница. Тоа значи дека во моментот ковид одделението е исполнето со 40% од расположивите капацитети, односно дека има на располагање уште 13 легла, ако граѓаните од регионот имаат потреба од болничко сместување и лекување.

Ова се оптимистички податоци дека короната олабавува, секако како резултат на мерките за спречување на ширењето на корона вирусот, ограничените групирања на граѓаните, скратеното работно време на угостителите, носењето заштитни маски и совесниот однос на граѓаните.

Дека короната е уште меѓу нас, како закана, укажува податокот на 211-те граѓани активни на корона во моментот од вкупно до сега заразените 1.225 лица од кои 81 лице од општина Дојран, 210 од општина Богданци и 934 граѓани од општина Гевгелија.

До доаѓањето на вакцината останува доследното почитување на мерките за спречување на ширењето на коронавирусот - носење маски, држење физичка дистанца, одбегнување групирања, често миење раце, за зачувување на нашето здравје и здравјето на најблиските. 



Last modified on Среда, 13 Јануари 2021 - 04:06

.

.


ПОСЛЕДНИ ВЕСТИ:

Со Закон казината и обложувалниците подалеку од училиштата

Со измени на Законот за игри на среќа објектите од овој сектор, казина,

Повеќе

Гевгелија вечерва со висока загаденост на воздухот

Гевгелија вечерва на апликацијата „Мој воздух“ осамна на листата на градови во

Повеќе

Кај Прдејци утрово спречен шверц на мигранти

Денеска, во полноќните часови, поточно 01:00 часот после полноќ полицијта

Повеќе

Донација од НОЕЛ за Болницата во Гевгелија

Пред нова година беше најавата за донација, а денеска истата беше предадена -

Повеќе

Горивата поевтинуваат за 2 денари, од ноќеска на полноќ

Вонредна седница на Регултароната комисија за енергетика, во која бензините од

Повеќе

Почина Бранка Станковска - доајенот на македонското спикерство

Попладнево, во Скопје почина првиот глас на Радиотелевизија „Скопје“,

Повеќе

Воспитувачки во Белград малтретирале 2-3 годишни дечиња

Со нога на детското стомаче, шамари, тегнење за раце, заклучување.
Во

Повеќе

Собранието со 62 гласа „ЗА“ го донесе Законот за попис

Собранието денeска со 62 гласа „за“, без „воздржани“ и без „против“ го донесе

Повеќе

Џо Бајден ја превзеде функцијата претседател на САД

Со свечена церемонија на која не присуствуваше претходникот Трамп, денеска

Повеќе

Од јануари пензиите повисоки за 185 денари

Усогласувањето на пензиите со трошоците за живот донесе покачување на пензиите

Повеќе

 
 

 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.