Топ Новости
Тешка сообраќајна несреќа во Гевгелија - Вторник, 15 Септември 2020 14:44

Две години од смртта на првиот гевгелиски патник кон Хималаите - д-р Петков

Среда, 20 Мај 2020

На 20 мај 2018 година во утринските часови, во обид да искачи највисокиот врв во светот Монт Еверес, ненадејно почина алпинистот д-р Георги Петков од Гевгелија. Трагичната вест која ја соопштија официјални преставници од базниот логор на Хималаите тој ден, пред две години, го обиколи светот како извештај дека тоа беше четвртата жртва таа година што ја зедоа висините на Хималаите.

Медиумите објавија дека планинарот колабирал на 800 метри од врвот Монт Еверест, а неговото тело било симнато од колегите до Кампот три на непалската страна од врвот, на надморска височина од 7.200 метри.

„Нашиот тим во базниот камп ја потврдува неговата смрт“, изјавил организаторот на експедицијата Исвари Пудел од Хималајските водичи на Непал.

Локалните медиуми пишуваат дека алпинистот починал од срцев удар и е четврт смртен случај во оваа пролетна сезона на искачување на Хималаите.

Петков беше дел од експедицијата предводена од британскиот планинар и лидер за комерцијална експедиција, Тим Мосејдеј.

На поход кон искачување на Монт Еверест, Петков тргна на 24 март 2018 испратен од своите планинарски колеги од Гевгелија, а според планот требаше до крајот на месецот мај да се искачи на врвот и да биде шестиот Македонец кој стапнал на врвот на светот.

Георги Петков беше долгогодишен планинар, член на планинарското друштво „Кожуф“ од Гевгелија, член на Македонската алпинистичка федерација, доктор специјалист инфектолог со повеќе децениски рабтен стаж во Општа Болница Гевгелија. Неговото место на професионалец до ден денеска е непополнето како дефицит во гевгелиската Болница.

Д-р Георги Петков е роден 1956 год. во с.Стојаково Гевгелиско. Во своето дводецениско планинарско портфолио има запишано учество на голем број експедиции и меѓунадорни искачувања на неколку континентални врвови, и тоа:

- Арарат на 5.137 метри надморска височина
- Аконкагва 6.962 мнв, највисокиот врв во Јужна Америка;
- Килиманџаро 5.895 мнв, највисокиот врв во Африка;
- Елбрус 5.642 мнв, највисокиот врв во Европа;
- Пик Ленин 7.134 мнв, во Киргистан;
- Исланд Пик 6.198 мнв, еден од врвовите на Хималаите, (тогаш најблиску се нашол до Монт Еверест, како член на Балканска експедиција, од врвот Island Peak, од каде се гледа, со сета своја величина и убавина, Монт Еверест и посакал еден ден да стапне и на оваа светска кралица.
- учествуваше и во експедиција за искачување на највисокиот врв на Аљаска, Денали 6.190 мнв.
Неговиот сон беше да ги искачи највисоките врвови на сите континенти, па во 2018 година појде во експедиција за искачување на Еверест 8.848 надморска висина- највисокиот врв во светот.
Но, за жал сонот за искачување на Еверест остана нереализиран до крај. Почина во обид на искачување на последните 800 метри од врвот Монт Еверест, наречен „Капата на светот“.
ЗПСК Кожуф, Општина Гевгелија и Федерацијата за Планинарство на Македонија направија се’ за да се донесе телото на Д-р Петков во родниот крај, и тој денес почива во своето родно место Стојаково.

Истата година од Федерацијата на планинарски спортови на Македонија беше постхумно одликуван со признание „Даре Џамбаз“ за придонес во развивање на планинарството, а Општина Гевгелија постхумно му ја додели највисоката општинска награда „7-ми Ноември“ за врвни достигнувања во областа на спортот.

За д-р Петков планинарењето беше благородна навика во која тој се трудеше да живее во хармонија со себе, со блиските и со природата.

Наместо црковни помени, неговите колеги по планинарењето му посветија меморијал со искажување на највисокиот врв на Кожуф планина, врвот „Мала рупа“ (2.004 мнв), каде се поставува постамент за негово спомен обележје на врвот. Актуелната корона состојба годинава го оневозможи одржувањето на масовен планинарски меморијал „Д-р Петков“, но сепак викендов на 17 мај, како што е ред, група од десетина гевгелиски планинари од ЗСПК „Кожуф“ го реализираа искачувањето во спомен на прерано починатиот вљубеник во висините, првиот гевгелиски патник кон Химааите, д-р Георги Петков.

Вечна слава и почит!


Last modified on Среда, 20 Мај 2020 - 05:44

.

.


ПОСЛЕДНИ ВЕСТИ:

Гевгеличанец лишен од слобода на ГП Табановце

Министерството за внатрешни работи известува дека во средата на 7 минути пред

Повеќе

Врховeн Суд одлучи: Јанкулоска ќе оди во затвор

Жалбите за предметот „Тенк“ на Груевски и Јанулоска паднаа пред Врховен.

Повеќе

Тешка сообраќајна несреќа во Гевгелија

Утрово, околу 7 часот и 30 минути, на излезот од Гевгелија се случи тешка

Повеќе

Приведен дилер на дрога од Миравци, гевгелиско

Секторот за внатрешни работи Струмица - Одделение за внатрешни работи

Повеќе

Наставата со физичко присуство и комбиниран модел бараат гевгелиските училишта

Одлагањето на наставата за учебната 2020/21 поради корона пандемијата ги

Повеќе

Заев: Слободни и отворени кон светот! Ја славиме независноста!

Премиерот Заев на прославата по повод Денот на независноста на Македонија - 8ми

Повеќе

Тешко повреден возач на мопед од Гевгелија

Тешки клинички повреди на 78 годишен жител од Гевгелија е епилогот од

Повеќе

„Смоквијада 2020“ - пет наградени екипи подготвија највкусно слатко од смокви

Најслатката манифестацја која ја одбележува Гевгелија - натпреварот во варење

Повеќе

Гевгелиските детски градинки ќе згрижат 440 деца со отварањето на 9 септември

Јавната општинска установа на детски градинки „Детска радост“ во Гевгелија во

Повеќе

ОКШ воведува засилена контрола на примената на заштитните мерки од Корона

Новиот корона бран во Гевгелија и актуелните 17 позитивни на територијата на

Повеќе

 
 

 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.