Македонија со прва победа на СП 2021 во Египет

Понеделник, 18 Јануари 2021

Целта е остварена: Македонија со победа над Чиле продолжува во следната фаза од мундијалот и го продолжи престојот во Египет!

Македонија го доби директниот дуел со Чиле и ја запиша првата победа на Светското првенство во Египет (32-29). Овој триумф значи дека македонските репрезентативци ќе го продолжат престојот на турнирот и ќе играат во следната фаза, каде ќе разигруваат со најдобрите од групата Х.

По нереализираниот удар на Лазаров, чилеанската репрезентација го постигна првиот погодок на натпреварот и го отвори резултатот. Добра вест за нашиот тим беше расположението на Митревски кој врза неколку одбрани во низа во продолжението. Видлива беше промената во пристапот кај македонските ракометари, кои знаеја дека се под притисок да обезбедат победа и со тоа пласман во следната фаза.

Јужноамериканците започнаа подобро и покажаа поквалитетна организација. Се чувствуваше нервоза во нашите редови, која не ни дозволуваше да ја развиеме препознатливата игра. Костески по еден промашен зицер го реализира првенецот, а веќе во следниот напад ја врати Македонија во егал (4-4). Лазаров не погоди во неколку обиди, па неговата резервираност ни донесе помалку опции во офанзивата. Македонскиот капитен конечно погоди дури во 17. минута од мечот, дебитираше и Крстевски, а серијата голови ја продолжи Лазаров со втор гол, овојпат од седум метри.

Темпото на игра беше идентично во сите 30 минути. Македонската селекција се обидуваше со бавни напади, а Чилеанците со брзи контри го реализираа планот пред мечот. Ниту одличниот период на Костески не донесе позитива за избраниците на Брестовац, кој повика тајм-аут за да внесе мир и да подели совети во самиот финиш од првиот дел. Проблемите во одбраната беа очигледни, па тоа беше причина за нашата минимална негатива на пауза (16-17).

Македонија постигна два брзи гола, го врати водството на стартот од второто полувреме и ја презеде контролата над мечот. Позитивата од еден гол во наша полза беше честа појава на семафорот. Меѓутоа Чиле имаше одговор на секоја наша реализација и не дозволуваше повисока предност. Се разигра Пешевски, кој беше првата опција на Лазаров во неколку напади во низа.

Конечно Кузмановски погоди за +2, неколку минути подоцна Димитриовски промаши за три гола разлика, а проблемите го натераа чилеанскиот селектор да повика минута пауза. Тоа не донесе никаква промена, бидејќи македонските ракометари одиграа на идентично ниво и конечно ја израдуваа нацијата со прва победа на светскиот собир. Томовски се надоврза од клупата за резерви со два одбранети пенали, кои предизвикаа уште подобра атмосфера во нашиот табор.

Лазаров со осум гола беше најефикасен во македонската репрезентација. Го следеа Пешевски и Костески со пет, а блескаше Митревски кој заврши со 14 интервенции.

Извор: гол.мк

 

.

.


ПОСЛЕДНИ ВЕСТИ:

Запленета дрога во вредност од еден милион евра на ГП „Богородица“ и кај

Министерството за внатрешни работи во текот на вчерашниот ден (06.03.2021) во

Повеќе

Запленет камион со половина тон марихуана на ГП Богородица

Вечерва на Граничниот премин „Богородица“ запленет е камион полн со 500

Повеќе

Почина градежен работник во Гевгелија

Во централното градско подрачје каде се изведуваат градежни работи на просторот

Повеќе

Запленети 200 кг марихуана на граничната линија, приведени две лица

Одделот за криминалистика при ОВР Гевгелија во соработка со специјализирани

Повеќе

Тежок сообраќаен билтен - еден починат, еден тешко повреден

Едно починато и едно лице со тешки телесни повреди, без податоци за настаната

Повеќе

ОКШ Гевгелија бара воведување полициски час

Галопирачкиот раст на новозаболени од корона во Гевгелија и регионот (видно од

Повеќе

Почина Веселинка Поп Гонова

Утрово во Клиника „Жан Митрев“ воСкопје, каде што беше хоспитализирана оваа

Повеќе

Лишени од слобода двајца жители на о. Гевгелија

Прексиноќа пред полноќ, поточно во средата, жител на Мрзенци и жител на

Повеќе

Три последователни потреси во Грција почувствувани и во Гевгелија

Вечерва од 19:38 часот, 19:53 ч. па до 20:25 часот почуствувани се три

Повеќе

Почувствуван земјотрес во Гевгелија

Благо движење на земјата како лулање во правец југ-север-југ вечерва беше

Повеќе

 
 

 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.