Топ Новости

Планинарски Камп за Млади Танчев Ѓорги - Гоце КОЖУФ 2019

Сабота, 08 Јуни 2019

Здружение Планинарски Спортски Клуб „КОЖУФ“ од Гевгелија за прв пат оваа година организира планинарски камп наменет за младите. Кампот започнува од понеделник 10-ти јуни и ќе трае пет дена, се до 14-ти јуни. Местото на „кампирање“ ќе биде дворот на Планинарскиот Дом „Томе Шутов Кротки“ во с.Конско.
На овој камп за млади ЗПСК „Кожуф“ Гевгелија очекува да им се придружат на кампирање и едукација за планинарството околу 30на ученици од основните училишта од Гевгелија, Богданци, с.Стојаково и с.Миравци. Кампот се организира со цел запознавање на младите со природата и планинските убавини, стекнување на нови знаења за флората и фауната, убавините и опасностите на планина и да им се покаже реалниот свет на младите во оваа време на модерната технологија, да осознаат дека сепак може да се помине убаво и исполнето и без техниката и ако се неколку денови без неа.

Учесниците на кампот плаќаат котизација од 300 ден. со што им е обезбеден превоз од Гевгелија до с.Конско и назад, обезбедена е комплетна исхрана со три оброка дневно за сите пет дена престој на кампот, а организаторот се потруди секој учесник да добиеи спомен маица со логото на кампот како и амблемите на организаторите, тоа се: ЗПСК „Кожуф“ Гевгелија, Федерација на планинарски спортови на Македонија (ФПСМ), Младинската Комисија при ФПСМ и Општина Гевгелија.

На кампот ќе бидат организирани предавање од сверата на планинарството, по различни теми:
- Што е планинарство и историски развој на планинарството, со осврт врз историјата на планинарството во Македонија.
- Растителниот и животинскиот свет на планините
- Зашттита на планините
- Опасности на планина
- Потребна планинарска опрема
- Правила на движење на планина
- Исхрана во планина
- Ноќевање во планина ( во шатори ).

Предавањата ќе ги држат членови на ЗПСК „Кожуф“ Гевгелија како и стручни лица од Федерацијата на Планинарски Спортови на Македонија и Младинската Комисија при ФПСМ.
- „На кампот се предвидени и неколку планинарски акции прошетки на Кожуф планина, се' со цел младите да бидат запознаени со планината и планинарството и доколку сакаат да се приклучат во нашиот клуб да имат основно познавање“, вечат организаторите.

Првиот планинарски камп за млади го носи името на долгогодишен член на гевгелиското некогашно планинарско друштво „Кожуф“, Танчев Ѓорги - Гоце со што сакаме да се поттсетиме на годините поминати заедно по планините и планинските врвови, велат иницијатотире и организаторите на Кампот за млади од раководството на ЗСПК „Кожуф“.

Танчев Ѓорги - Гоце е роден на 10.02.1962 година. Дипломирал на Економски факултет. Со своето семејство, сопругата, двете деца и родителите живееше во Гевгелија се' до својата смрт. По долго и тешко боледување почина на 03.12.2013 година. Неговата вистинска љубов и најголемото задоволство беше планинарењето, Гоце за прв пат станува член на Планинарското Друштво Кожуф од Гевгелија во 1997 година, а прва негова планинарска акција му беше Ниџе со врвот Кајмакчалан и оттаму долж границата помеѓу Македонија и Грција до Смрдлива Вода, акција на која за четири дена се поминуват преку 200 километри.
Во годините кои следат тој е еден од најактивните планинари во друштвото и ги искачува најголемите врвови во Македонија како Пелистер 2.601 м.н.в. Солунска Глава 2.540 мнв, Титов врв 2.747 мнв, Кораб 2.764 мнв и многу други планинаски врвови низ Македонија. Учествува и на меѓународни акции така што надвор од државата ги искачува Митикас 2.917 мнв, Олимп Грција, Мусала 2.915 мнв, Рила Бугарија, Вихрен 2.914 м.н.в. Пирин Бугарија и други. Во периодот од 2005 до 2007 ја врши функцијата Претседател на Планинарското Друштво „Кожуф“ Гевгелија, а од 24.03.2011 година се' до неговата смрт е Претседател на Собранието на Планинарското Друштво.
Затоа оваа чест, именувањето на овој камп по него, е доказ дека во животот кога го правите она што навистина го сакате, оставате белег - препознаен од другите.


Last modified on Сабота, 08 Јуни 2019 - 19:08

.

.


ПОСЛЕДНИ ВЕСТИ:

Костадинова: СДСМ и „Можеме“ со конкретни мерки за поддршка на младите

Кандидатката за пратеник на СДСМ и коалицијата „Можеме“, Марија Костадинова, со

Повеќе

Грција нема да ги прима српските туристи

Грција од утре наутро (06.07.2020 понеделник) во 6 часот ги затвора границите

Повеќе

Анкета на НДИ: Заев со речиси двојна предност пред Мицкоски

Коалицијата „Можеме“ која ја предводи СДСМ е во предност пред коалицијата на

Повеќе

Уапсена гевгеличанката Накова - позитивна на Ковид-19

Вчера попладне е уапсена Александра Накова Гајдаџиев од страна на припадници на

Повеќе

Благодарница од Владата на семејсвото Диневи - првиот донор на срце

Денеска во Владата доделени се благодарници за историскиот подвиг на сите оние

Повеќе

Заев: Македонскиот јазик станува дел од големото европско семејство

- „Македонскиот јазик е наведен како јазик на кој треба да се преведе

Повеќе

Марија Костадинова: Чест ми е да бидам кандидат за пратеник од победничката

Кандидатката за пратеник од СДСМ и коалицијата „Можеме“, Марија Костадинова од

Повеќе

Првенците на генерацијата 2019/20 наградени од Општина Гевгелија

Шесмина првенци на генерациите 2019/2020 од Општинските основни училишта,

Повеќе

Царината за две недели успеа да спречи 7 нелегални трансфери - заплени девизи,

Во текот на минатите две недели, царинските службеници открија три обиди за

Повеќе

Заев до ДПМНЕ: Ако се договорат кој е лидер во партијата ќе прифатам ТВ дуел

На граѓанската трибина одржана синиќа во Гевгелија, лидерот на СДСМ, предводник

Повеќе

 
 

 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.