Топ Новости

Од Конско до Серменин - планинарска акција на родители со деца

Вторник, 18 Декември 2018

„Родители и деца во природа“ - Нов проект на ЗПСК „КОЖУФ“ Гевгелија кој ги опфаќа најмладите и чија цел е запознавање на децата со природата и создавање здрави навики од рана возраст

 

 

Траса долга осум километри од Конско до Серменин пропешачија изминатиот викенд неколку десетици учесници на првата акција „родители и деца во природа“ организирана од гевгелискиот планинарски спортски клуб „Кожуф“.

Акцијата започна од Планинарскиот Дом „Томе Шутов - Кротки“ кој се наоѓа во подножјето на Кожуф планина во с.Конско, каде децата и нивните родители беа топло дочекани со домашна алва и планински чај, припремени од членовите на гевгелискиот планинарски Клуб.
Со чајот в рака дечињата беа запознаени од домаќините за знаменитостите на овој крај, за некогашното училиште денес планинарски дом, во кој еден дел функционира како музејска поставка за село Конско. Децата љубопитно со поглед го обиколија секое ќоше од истиот.


Закрепнати тргнаа по планинарски зацртаната маршута. Љубопитноста и воодушевувањето од природата, веселиот дух и енергијата ги водеше децата цел пат, без ни малку да ги заплаши нестабилното и врнежливо време. Крајната дестинација беше с.Серменин, лоциран на 540 метри надморска височина од Кожуф планина.

Кога пристигнаа до целната дестинација се сместија за кратка почивка и закрепнување во етно комплексот „Серменински Чардак“. Овде планинарите со децата беа дочекани и нагостени од нашата сограѓанка и голем пријател на ЗПСК „КОЖУФ“, Васка Јанева која воедно е и помагател и поддржувач за реализација на оваа акција.

- „Убаво се стопливме, се нагостивме со домашни колачи и планински чај, се припремивме за назад и полека се вративме. Се разделивме малку уморни, но среќни, малку мокри, но полни со спомени. Си ветивме дека наскоро повторно ќе се дружиме...“, велат организаторите.

На оваа акција беа пријавени поголем број родители и деца, но поради лошите временски услови и врнежите од дожд бројот на учесници беше значително помал од најавените.

Оваа акција го означи почетокот на новиот проект на ЗПСК КОЖУФ Гевгелија кој ги опфаќа најмладите и чија цел е запознавање на децата со природата и создавање здрави навики од рана возраст. Ова беше прва акција од ваков тип и истата е само најава за новостите и проектите кои следат во наредната 2019 г. во заедничка соработка со училиштата од Општина Гевгелија и Општина Богданци со кои Клубот има потпишано меморандуми за соработка.



 

 

Last modified on Вторник, 18 Декември 2018 - 12:31

.

.


ПОСЛЕДНИ ВЕСТИ:

Лишен од слобода 68 годишен жител на Богородица

Ова е втор случај годинава жител на Богородица да биде лишен од слобода поради

Повеќе

Шпанија со итен протокол за ратификација на членство на Македонија во НАТО

Владата на Шпанија вчера го одобри и го достави на усвојување во Паралментот

Повеќе

Прес СДСМ Гевгелија: Вложувањето во образованието е најдобрата инвестиција

Претставникот во Советот на општината од редовите на СДСМ и коалицијата, кој

Повеќе

Ново невреме во Австралија - врнежи од град, после поплавите и пожарите

Само ден по песочната бура на југоистокот од Австралија се истурил силен град

Повеќе

Чесниот крст во Гевгелија го понесе Љупчо Трајков

Љупчо Трајков (30 годишен) од Гевгелија и годинава како и лани е најсреќниот

Повеќе

Одбележан Водици во Богданци, Стојаково и Ѓавото

Граѓаните на Општина Богданци и тамошната црква се придружија на одбележувањата

Повеќе

Кристијан Јованов е среќниот фаќач на крстот во Миравци

Денеска претпладне на браната Калица кај Миравци се одржа чинот на осветување

Повеќе

Академик Георги Старделов ја доби Светската награда за хуманизам

На академик Георги Старделов, првиот од Македонија, вчера во Охрид му беше

Повеќе

Над 30 лица ќе запливаат на Водици во Гевгелија

Традиционалната манифестација на осветување на водите и пуштање на светиот крст

Повеќе

Власта го забрани со закон присилното извршување кај социјално загрозените

УСВОЕНИ ИЗМЕНИ НА ЗАКОНОТ ЗА ИЗВРШУВАЊЕ кои целосно ги изземаат од извршување

Повеќе

 
 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.