Топ Новости

Хуманитарна трка за болните од Пулмонална хипертензија низ Гевгелија, Богданци и Валандово

Понеделник, 02 Декември 2019

Вчерашниот неделен ден, 1 декември беше во знакот на хуманитарниот полумаратон од Валандово до Гевгелија, долг 35 километри, посветен на болните од Пулмонална хипертензија.

Организатори на маратонот се Здружението на граѓани на лица со пулмонална хипертензија „Момент плус“ од Гевгелија во соработка со општините од регионот и Атлетскиот клуб „7-ми Ноември“.
Овој несекојдневен спортски настана свое деби имаше лани со организирање на 50 километарски маратон од Струмица до Гевгелија.

Годинава мотото на организаторите беше „Додека дишам се надевам“ порачувајќи дека „Секој заслужува подобар живот, а овие лица заболени од Пулмонална хипертензија секојдневно се борат за здув, за лек, за надеж“.

Маратонците вчера ја започнаа својата хуманитарна трка од центарот на Валандово каде ги испрати градоначалникот Петар Костадинов, а на најпосветената маратонка од Богданци учесничка на бројни маратони низ државата со логото за борба за лек на лицата со пулмонална хипертензија, Валентина Узунова градоначалникот и' додели Благодарница.

На маратонот се придружија и 30-на спортисти и рекреативци со цел подигање на свеста за постоењето на оваа ретка болест и потребата од соодветен третман на заболените од здравствените институции. Пред се' се мисли на обезбедување на потребната медикаментска терапија која е многу скапа. Меѓу нив имаше и рекреативци и атлетичари од Скопје, Велес, Струмица, Богданци и Дојран, како и припадници на Граничната полиција од Чешка.

Ова е втора хуманитарна трка во Гевгелија организирана од „Момент плус“ со цел да се укаже на потребата од навремена дијагностика и лекарски третман за сите заболени од оваа ретка но опака болест, за која терапискиот третман е особено скап.

Покровители на трката „Додека дишам се надевам“ се општините Гевгелија, Богданци и Валандово, како помагатели се јавуваат „Синотип“ и хотел „Скај“, а медицинската подршка беше обезбедена од тим на „Ројал Медика“.

За спортските моменти на слава споделена низ улиците на полумаратонската траса и низ плоштадот во Гевгелија, фото записи од Фејсбук профилот на Ѓургица Каева, претседател на организаторот ЗГПХ „Момонт плус“ од Гевгелија.


Last modified on Понеделник, 02 Декември 2019 - 21:45

.

.


ПОСЛЕДНИ ВЕСТИ:

Прес СДСМ Гевгелија: Вложувањето во образованието е најдобрата инвестиција

Претставникот во Советот на општината од редовите на СДСМ и коалицијата, кој

Повеќе

Ново невреме во Австралија - врнежи од град, после поплавите и пожарите

Само ден по песочната бура на југоистокот од Австралија се истурил силен град

Повеќе

Чесниот крст во Гевгелија го понесе Љупчо Трајков

Љупчо Трајков (30 годишен) од Гевгелија и годинава како и лани е најсреќниот

Повеќе

Одбележан Водици во Богданци, Стојаково и Ѓавото

Граѓаните на Општина Богданци и тамошната црква се придружија на одбележувањата

Повеќе

Кристијан Јованов е среќниот фаќач на крстот во Миравци

Денеска претпладне на браната Калица кај Миравци се одржа чинот на осветување

Повеќе

Академик Георги Старделов ја доби Светската награда за хуманизам

На академик Георги Старделов, првиот од Македонија, вчера во Охрид му беше

Повеќе

Над 30 лица ќе запливаат на Водици во Гевгелија

Традиционалната манифестација на осветување на водите и пуштање на светиот крст

Повеќе

Власта го забрани со закон присилното извршување кај социјално загрозените

УСВОЕНИ ИЗМЕНИ НА ЗАКОНОТ ЗА ИЗВРШУВАЊЕ кои целосно ги изземаат од извршување

Повеќе

Богданчанец измамил такси компании од Кавадарци и заработил пријави во Полиција

Богданчанецот Г.К. бил пријавен во ОВР Кавадарци во два наврати за измама на

Повеќе

Јануарска градежна офанзива на општина Гевгелија тешка 373.742 евра

Во првата декада од јануари, со почетокот на календарската и новата фискална

Повеќе

 
 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.