По петти пат Патронат „Томе Шутов Кротки“

  • Вторник, Ное 20 2018

 

 

Планинарски средби во Домот кај Конско и искачување на врвот Двете уши на Кожуф планина е дел од одбележувањата на патронот на планинарскиот дом „Томе Шутов Кротки“ во организација на Здружението планинарски спортски клуб „Кожуф“ од Гевгелија.

Планинари од цела Македонија викендов се собраа во кругот на Планинарскиот дом „Томе Шутов - Кротки“ кој се наоѓа на падините на Кожуф планина, во село Конско, на 640 метри надморска височина, со цел да го одбележат петтиот по ред патронат на домот.

Заслугите за ваков третман кон долгогодишниот планинарски активист на кого е посветено името на домот е секако заветот на традицијата, да не се заборави планината, природата, убавините на Кожуф, поради што и одбележувањето имаше свој планинарски третман.

Околу 180 учесници од повеќе градови од Македонија, членови на планинарски друштва, во организација на домаќинот ЗПСК „Кожуф“ од Гевгелија се упатија кон познатиот врв „Двете уши“ на Кожуф планина, што се наоѓа на висина од 1.766 метри. Трасата на искачување започна од домот, што е висинска разлика од 1.126 метри. Поради снежното време, ниските температури и минусните 5 степени Целзиусови регистрирани на врвот, до Двете уши стасаа само најупорни 30-на планинари. Со кабаници за дожд и снег, но и со чадори за да се пресретнат снегулките, со чизми и топла облека можеби наводенети, ама и насреќни од успешниот ден беа токму тие кои стапнаа на врвот Двете уши и ја заокружија целата програма на патронското оддбележување.




Традицијата и топлите ноемвриски температури намамија многумина на одбележувањето на петиот патронат на планинарскиот дом „Томе Шутов Кротки“. Неделата снегот ги изненади, ама на зборното собирно место во дворот на планинарскиот дом се појавија осум планинарски друштва од државата:
- ПАОК „Ентузијаст“ од Струмица
- Авантуристичка Планинарска Група „ПОВИК ОД ДИВИНАТА“ Струмица
- ЕПД „Картуш“ Прилеп
- ПСК „Чеплес“ Велес
- Планинари „Кадиица“ Пехчево
- Планинари „Рекреативци“ Штип
- ПСК „Орле“ Кавадарци
- ПСК „Сосна“ Берово.

По востановената соработка со училиштата од Гевгелија и соседните општини и на овој планинарски настан се придружија учениците од општинските основни училишта „Крсте Мисирков“ и СОУ „Јосиф Јосифовски“ од Гевгелија, ООУ „Кирил и Методиј“ од Стојаково, ООУ „Петар Мусев“ од Богданци и СОУ „Богданци“ од Богданци.

Заедничката трпеза зас сите учесници ја овозможија локални фирми кои со свои продукти го поддржаа настанот и неговата традиција на одржување. Топло гравче на отворено, со дождец над глава и многу насмеани лица на кои чистиот воздух и планинскиот амбиент им го прави викенд задоволството на гевгелиски Кожуф трајно и незаборавно.


Планинарскиот дом остана закрила на 150 планинари кои не ги издржаа условите за искачување до врвот Двете уши. Домот е стара зграда која пред 50 и повеќе години била наменета за школо, а пред неколку години гевгелиските планинари истата ја реновираа, бидејќи веќе беше во фаза на распаѓање. Моментално се користи како планинарски дом, за сите намерници кои имаат желба да ја посетат прекраната Кожуф планина истиот им е на располагање.

Планинарскиот Дом го носи името на долгогодишниот член на гевгелиското планинарско друштво Томе Шутов - Кротки кој ненадејно го загуби животот во сообраќајна несреќа, па во негова чест се организира и овој Патронат. Нека му е вечна слава и уште долги години да биде инспирација за собирање, дружење и искачување, како на посветените, така и на новите генерации планинари.

Во ноемврискиот билтен на акции гевгелиските планинари ги реализираа искачувањата на планината Пајак и врвот ΚΑΝΤΑΣΤΙ 1.649 м.н.в., потоа искачувањето на врв Солунска Глава, по падините на Плавуш Валандово, а планираат и декемвриска завршница на своите овогодишни активности.


ПОСЛЕДНИ ВЕСТИ:

Oбјавeна меѓународна потерница по Војминовски

По бегството на осудениот за обид за убиство на Зијадин Села, Никола

Повеќе

19 јануари - Неработен ден

Сабота, на Богојавление, е неработен ден за граѓаните од православната

Повеќе

ОИК Гевгелија донесе Уверенија за новите советници

Лазар Мешков и Александра Караманова од советничката листа на СДСМ одговорија

Повеќе

Гевгелискиот Совет во 2018 одржал 15 седници

Советот на општина Гевгелија во текот на 2018 година расправал за 279 акти од

Повеќе

Гевгелиjа со ветер од 75 км на час

Денеска Гевгелија одолева на ветер со јачина од 21 метар во секунда што е

Повеќе

Со субвении на Владата до евтини авио линии за граѓаните

Министерот за транспорт и врски Горан Сугаревски денеска потпиша договор за

Повеќе

Вечер е Стара нова година, утре Василица

Според Јулијанскиот календар, по кој се водат православните христијани, вечер

Повеќе

11 години незаборав - Игор Ѓорески Хектор (1976-2008)

Со наклон кон паднатиот борец, Капетан Ѓорески - постхумно одликуван во воен

Повеќе

Продажба на градежни парцели за станбени објекти во Гевгелија

Општина Гевгелија објави на јавна продажба седум парцели наменети за изградба

Повеќе

Парламентот ги изгласа уставните амандмани

Со 81 гласови „за“  исполнет македонскиот дел од Преспанскиот договор

Повеќе

 
 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.