Хуманитарна трка за болните од Пулмонална хипертензија и Фибриоза

Сабота, 22 Декември 2018

Утрешниот неделен ден, 23 декември ќе биде во знакот на хуманитарниот маратон од Струмица до Гевгелија, долг 50 километри, посветен на болните од Пулмонална хипертензија и Пулмонална Фибриоза

 

 

Утрешниот неделен ден, 23 декември ќе биде во знакот на хуманитарниот маратон од Струмица до Гевгелија, долг 50 километри, посветен на болните од Пулмонална хпертензија и Пулмонална Фибриоза.

Организатори на маратонот се Здружението за ПХ „МОМЕНТ ПЛУС“ од Гевгелија и Велосипедскиот Клуб „АКТИВ“,Струмица, а на иницијатива на нашинецот од Швајцарија, Николчо Георгиев. Овој несекојдневен спортски настана на кој веќе му се придружија за учество 30-на спортисти и рекреативци од Македонија има за цел подигање на свеста за постоењето на оваа ретка болест и потребата од соодветен третман на заболените од здравствените институции. Пред се се мисли на обезбедување на потребната медикаментска терапија која е многу скапа, да биде одобрена на позитивната листа од страна на Министерството за здравство на РМ, за да можат пациентите да ја набавуваат преку партиципација. Тоа многу би ја олеснило нивната секојдневна битка со болеста која месечно ги чини по 1.500 евра за одржување во живот.

Долгогодишниот маратонец и инспиратор на маратонот, струмичанецот Николчо Георгиев, за овој хуманитарен спортски настан вели дека има за цел да предизвика видливост на проблемот со кои се соочуваат болните од оваа ретка, тешка и смртоносна болест. На трасата која ќе се протега од Струмица, преку с. Костурино, село Фукра, Богданци, па до Гевгелија ќе му се придружи рекреативниот маратонец Валентина Узунова од Богданци. Таа вели дека досега учествувала на повеќе трки во име на болните од Пулмонална хипертензија и пулмонална фибриоза, за луѓето кои се борат за здив, и очекува поголем број на сограѓани да се придружат на маратонот утре, барем од местата низ кои ќе поминува хуманитарниот маратон.

Стартот е во 9:00 часот од плоштадот Гоце Делчев во Струмица, а финишот е на плоштадот во Гевгелија околу 14:30 часот.

Маратонците ќе ги придружуват и неколкумина велосипедисти од струмичкиот клуб „Актив“. Целата траса ќе биде придружувана од полициско возило и комбе за тие што ќе сакат да се откажат поради премореност. Организаторите предвидуваат точки за закпрепнување на тркачите и тоа во Костурино (на 12,5 километри од стартот), кај село Фурка - на раскрсницата од патот за Дојран и Богданци (што е 30 км од старот) и на плоштадот во Богданци, што е растојание од 40,5 километри од стартот.

Секој од заинтересираните кој ќе сака да се приклучи на хуманитарниот настан може да се придружи и да трча во знак на видливост и за поддршка на луѓето кои се борат за здив со овие тешки белодробни заболувања.

На гевгеличани им останува да им посакаат добредојде на маратонците на плоштадот, во најавениот термин од 14:30 до 16 часот, недела 23, декември.


Инаку, организаторите своите барања и иницијативи, како организационо, така и институционално ги поставувале пред Министерството за здравство и оттаму веќе има најава дека „сите пациенти со Пулмонална Хипертензија ќе бидат регистрирани и за сите ќе биде обезбедено терапија без разлика на тоа дали болеста е примарна или здобиена од некоја друга болест“.
За сите со пулмонална хипертензија отсега ќе има лекови на позитивна листа“, договорено е помеѓу Министерството за здравство и Асоцијацијата за пулмонална хипертензија „Момент плус“, чиј претставник е гевгеличанката Ѓургица Ќаева.

Last modified on Сабота, 22 Декември 2018 - 18:54

.

.


ПОСЛЕДНИ ВЕСТИ:

Почнува втората фаза од системот за наводнување Јужна долина на Вардар

Почнуваат градежните работи за изградба на системот за наводнување на јужната

Повеќе

Владата ќе добие пет нови министри

Денес од Валандово Премиерот Заев најави дека уште денес до Собранието ќе ги

Повеќе

Нов асфалт и проширување на регионалниот пат Гевгелија-Богданци-Фурка

Министерот за транспорт и врски Горан Сугаревски денеска го најави почетокот на

Повеќе

Валандовски средношколци Елена и Борис во финале на Genius Olympiad во Њујорк

Елена Гребенакова и Борис Китановиќ, ученици во втора година гимназија при СОУ

Повеќе

Одбележување на Светскиот ден на бегалците во Гевгелија

Со штанд на УНХЦР на градскиот плоштад во Гевгелија од 08 до 20 часот денеска

Повеќе

Од 1 јули стартува мерката „Повраток на ДДВ за граѓаните“

Од 1 јули, (значи за 10 дена) почнете да собирате фискални сметки од секое

Повеќе

„Ден на проширување“ тема на Европскиот комитет за региони

Денеска и утре во Брисел се одржува дводневниот 16-ти по ред Заеднички

Повеќе

Сезонска работа во Грција - примамливи плати за работа на море

Летен одмор и заработка е добра комбинација, ако е тоа работа на некои од

Повеќе

Бесплатен одмор за работниците со ниски примања

Јавниот повик за организиран одмор на работници чии месечни примања во

Повеќе

Водата во Дојранското езеро безбедна за капење

- „Најновите испитувања на водата од Дојранското Езеро покажаа дека е во

Повеќе

 
 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.