Топ Новости
Августовска разгледница од Дојран - Понеделник, 03 Август 2020 14:35
Воз удрил во автомобил кај с.Давидово - Понеделник, 27 Јули 2020 17:55

Франција е новиот светски фудбалски шампион

Недела, 15 Јули 2018

Сребро за Хрватска  и титула најдобар фудбалер на СП во Русија 2018 за Модриќ

 

Фудбалската селекција на Франција е новиот светски шампион. „Галските петли“ во финалето на Мундијалот во Русија ја потопија селекцијата на Хрватска (4-2), која одигра историски турнир, но остана без сили во клучниот натпревар одигран на „Лужњики“ во Москва. За Франција ова е втора мундијалска титула, по онаа од пред 20 години, кога на домашно тло славеше генерацијата на Зидан, Петит, Бартез, Дешамп...

За разлика од последните шест финалиња, денес, двете селекции одиграа незаборавно финале, кое го красеше борбена и атрактивна игра, во која подобро се снајдоа француските фудбалери. Дешамп и за денешниот меч се одлучи за ист состав и иста тактика како во претходните натпревари. Франција не делуваше моќно на теренот, но одигра тактички перфектен меч, кој ѝ донесе втора светска титула. Хрватска пак, која од првата минута стартуваше со Иван Перишиќ, беше подобриот противник низ текот на сите 90 минути, но во фудбалот не така често победува подобриот тим.

Мечот на преполниот московски стадион започна според очекуваното, односно како што Франција го започна скоро секој меч на овој собир. Фудбалерите на Дешамп не сакаа да играат со топката и му ја препушти на противникот, кој создаде неколку полушанси, но без проблеми за Лорис. И кога Франција првпат ја помина својата половина, стигна до водство од 1-0. Гризман изведе перфектен слободен удар, а херојот од мечот со Англија, Марио Манџукиќ реагираше несмасно и несакајќи ја смести топката зад грбот на Субашиќ.

Сепак, Хрватска уште еднаш докажа дека е стабилна селекција и по само 10 минути игра во продолжението успеа да го израмни резултатот на 1-1. Од десната страна центаршут испрати Ребиќ, а во гужвата пред голот на Лорис најдобро се снајде Перишиќ и со ефектен погодок донесе хрватска радост на „Лужњики“.

Ако Марио Манџукиќ го постигна првиот автогол во историјата на финалињата на Светските првенства, во денешното финале беше досуден и првиот ВАР-пенал. Перишиќ играше со рака во својот казнен простор, па по прегледаните снимки Питана се одлучи да покаже најстрога казна, која во гол ја претвори првата француска ѕвезда Антоан Гризман.

Хрватите фуриозно го започнаа и вториот дел и по само три минути Лорис беше ставен на маки. Ребиќ упати вистинска бомба, но голманот на Тотенхем беше на висината на задачата и одлично интервенираше.

И додека хрватите напаѓаа, се отвори простор за неверојатниот Мбапе, кој со својата брзина ја размрда противничката одбрана и додаде до Погба, а фудбалерот на Манчестер Јунајтед од својот втор обид, со лева, мајсторски го совлада Субашиќ за сигурно француско водство од 3-1.

„Триколорите“ како да добија ветар во грбовите и тинајџерот Мбапе со фантастичен гол од над 20 метри повторно го матира хрватскиот голман и ја доближи својата селекција до „богинката“. Сепак, балканската селекција брзо успеа да се соземе, и намали на 4-2. Најзаслужен за вториот хрватски гол беше искусниот Уго Лорис, кој направи аматерска грешка и му дозволи на Манџукиќ да ја врати надежда на „коцкестите“.

До крајот на мечот Хрватска константно напаѓаше, но искусната француска одбрана не дозволи уште еден шок и рутински го сведе мечот во своја полза.

Пехарот за шампионот Франција, сребрени медали за хрватските репрезентативци   и титула најдобар фудбалер на СП во Русија 2018 за Модриќ. 

Хрватскиот капитен, Лука Модриќ, ја доби наградата за најдобар фудбалер на Светското првенство во Русија

Last modified on Недела, 15 Јули 2018 - 20:49

.

.


ПОСЛЕДНИ ВЕСТИ:

Граничен премин „Евзони“ кај ГП „Богородица“ вечерва се затвара во 22 часот

Министерството за внатрешни работи ги известува граѓаните дека до граничната

Повеќе

ООУ „Владо Кантарџиев“- Гевгелија со инвестиција за уредување на дворниот

Министерството за здравство за следната недела ги најавува протоколите за

Повеќе

Прогласена кризна состојба на јужната и северната граница на РСМ

Владата на Република Северна Македонија на одржаната редовна 79-та седница,

Повеќе

Османи: Започнаа преговори Заев-Ахмети за заедничка коалиција

Портпаролот на Демократската унија за интеграција Бујар Османи во интервју за

Повеќе

ГП „Евзони“ од утре целосно се затвара од 23 до 07 часот наутро

Портпаролот на грчката Влада Стелиос Пецас, денеска на брифинг со новинарите

Повеќе

Се бара ревизија за изградбата на Градскиот пазар во Гевгелија

Советникот Тихомир Ручкоманов, претставник од ЛДП и коалиционен партнер на СДСМ

Повеќе

Конституиран новиот 10-ти по ред парламентарен состав на РСМ

Со 116 гласови „за“, ниту еден воздржан и ниту еден против, денеска се

Повеќе

Граничниот премин Дојран-Дојрани останува затворен уште 10 дена

Грција ги продолжува своите меѓугранични заштитни мерки од ковид-19.
Денеска,

Повеќе

Августовска разгледница од Дојран

Продолжениот празничен викенд донесе многу гости, посетители, викенд туристи и

Повеќе

Честит 2 август – Денот на републиката

Денешниот втор августовски ден 2020 Македонија го слави Денот на Републиката,

Повеќе

 
 

 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.