СРД „Костреш“ Богданци со пехар за најголем уловен крап на Јадранко-Подунавски Куп на Паљурци

Вторник, 01 Октомври 2019

Екипата на ЗСРРК „Вардар 1“ од Скопје е носител на пехар и сребрени медали на учеството на 11 „Јадранко-Подунавски Куп“ во дисциплината крап на акумулацијата Паљурци, кај Богданци, што се одржа овој викенд од 22 до 26 септември.

На купот учествуваа 11 риболовни екипи од пет држави: Македонија, Србија, Хрватска, Црна Гора и Словенија.
Победничкиот пехар и златни медали освоија членовите на екипата CCB „Piškor“ од Загреб со улов на 9 примероци крап, со вкупна тежина од 32 килограми и 830 грама, со најголем примерок од 5 кг и 460 грама.
Македонскиот второпласиран тим улови 7 примероци на крап со вкупна тежина од 26 кг и 510 грама и 6,2 килограми тежина на најголемиот уловен примерок на крап.
Третопласирана е екипата риболовци од USR „šaran“ од Кикинда Србија, кои станаа носители на пехар и бронзени медали за пласманот. Тие уловија 4 примероци на крап со вкупна тежина од 20 кг и 420 грама, а најголемиот примерок имаше тежина од 9 килограми.

Домакинската екипа на СРД „Костреш“ од Богданци се стекнаа со пехар за најголем уловен примерок на крап во водите на натпреварувачкиот ревир - Паљурци. Нивниот примерок на крап кој им го донесе трофејот и дипломата за најголем улов тежеше 9 килограми и 20 грама. Инаку, риболовците од „Костреш“ имаа вкупен улов од 3 крапа и 17,44 килограми тежинска маса на рибен улов.

За време на Купот екипите имаа задача да ловат 72 часа непрекинато. Секој уловен примерок се мереше после уловот и после земените податоци се враќаше во водите на Паљурци. Вкупниот улов за време на натпреварувачкиот термин од три дена изнесуваше 36 примероци крап со вкупна тежина од 141 килограми и 480 грама.

Тродневниот купски натпревар беше во организација на Риболовната Федерација на Македонија, а со поддршка на Агенцијата за млади и спорт на Македонија. Главен судија на натпреварот беше Пеце Велевски, а секретар на натпреварот беше Миодраг Пешиќ, инаку официјален претседател на Риболовната Федерација на Македонија.

Ова е прв пат Македонија да биде домаќин, а Риболовната Федерација на Македонија организатор на „Јадранско-Подунавскиот Куп“ и да ги добие најдобрите комплименти за својата одлична организациона улога од светските риболовни прваци - екипата на Хрватска. Тие изјавуваат дека досега ова е врв на организација, каква што ја нема ни на Светски првенства на кои досега учествувале, со одлични услови, питоми луѓе, одличен терен, мирни води, и секако топлото јужно сонце над Паљурци. (Видео изјава во прилог).

Last modified on Вторник, 01 Октомври 2019 - 11:35

.

.


ПОСЛЕДНИ ВЕСТИ:

Тридневен фестивал на храна и вино во Гевгелија

Денот на општина Гевгелија 7-ми нoември ќе биде почеток на најавениот тридневен

Повеќе

Сенатот на САД го ратификуваше протоколот за НАТО за Македонија

Со 84 гласови „ЗА“ и 2 против Американскиот Сенат, доцна синоќа во забрзана

Повеќе

Италија го враќа прашањето за почнување на преговорите, Макрон доаѓа во Скопје

Италија ќе го враќа прашањето за преговорите за членство на Македонија и

Повеќе

Предвремени парламентарни избори на 12 април 2020

По четиричасовна дебата на лидерите на релевантните политички партии

Повеќе

Пендаровски: Македонија продолжува на патот кон ЕУ

- „Не постои друга алтернатива на подолг рок освен членство во Европската

Повеќе

Запленети 11 килограми дрога на Богородица

Денеска, сабота 19 октомври, во текот на работниот ден, царинските работници на

Повеќе

Јубилејна 20-та Ракијада во Валандово

Земјоделскиот одгледувач, лозар и ракијар Васил Пиндеров од Пирава ја понесе

Повеќе

Премиерот Заев по повод заклучоците на Европскиот Совет

По враќањето од Брисел и одлагањето на одлуката за почеток на преговори на

Повеќе

Златна награда „Глобаллокал“ за Општина Гевгелија

Општина Гевгелија е добитник на Златната награда „Глобаллокал“ во Средна и

Повеќе

Донесени заклучоците: Европскиот совет ќе се наврати на прашањето за Македонија

Самитот на европските лидери заврши без договор за отворање преговори со

Повеќе

 
 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.