Со резултат од 3:2 во сетови (6:3; 6:2; 5:7; 4:6 и 6:1) и пресврт во петтиот сет кој го освои со 6:1 првиот тенисер во светот Новак Ѓокович вечерва се избори за финале на Ролан Гарос.
Ова е 38-мо грен слем освоено полуфинале на српскиот тенисер, пласман за 27-мо грен слем финале и 74та победа на грен слем турнирите кои ги одиграл

Новак беше брилијантен во првите два сета и ги доби истите со уверливи 6:3 и 6:2, но кога имаше брејк предност и сервираше за меч при 5:4 во третиот сет, следеше голем пресврт во случувањата на теренот. Циципас кој дотогаш не можеше да искористи ниту една од многубројните брејк топки, врза два брејка во низа и со 7:5 намали на 2:1 во сетови, по што тениските возбудувања беа продолжени на Филип Шатрие.

Во четвртиот сет одново Циципас беше подобар на стартот и поведе со 2:0, но иако Новак израмни на 2:2, го загуби тој сет со 6:4 и мечот отиде во одлучувачки петти сет. Во него, Циципас докажа дека се уште е недораснат за светскиот рекет број еден, бидејќи дури три пати го загуби својот сервис и на крајот Ѓоковиќ со неочекувано одложување се пласираше во големото финале (6:1).

Со тоа, си закажа нова епска пресметка со вечниот ривал Рафаел Надал, па така сега ќе гледаме нивна 56-та пресметка на големите турнири, пред која Србинот има предност од 29:26.