Победничко отварање на квалификациите на Македонската ракометна репрезентација за пласман на ЕП 2022 година вечерва на теренот на „Борис Трајковски“ во Скопје без публика но со победа над репрезентацијата на Финска.
Избраниците на Данило Брестовац ја оправдаа фаворитската улога против Финска, славеа со 33-24 (16-10). Ова беше полесен тренинг за „црвено-жолтите“ пред дуелот со Швајцарија, но и одлична можност да ги провери силите на втората постава.

Капитенот, Кирил Лазаров со 11 погодоци од 14 обиди (осум од седум метри) беше прв стрелец во нашите редови, Никола Митревски имаше 13 интервенции. Филип Кузмановски беше стрелец на шест погодоци од 12 обиди.

Гостите имаа сили само 14. минути, период во кои имаа водство од 0-1, 3-4 и 4-5, ние на другата страна имавме серија на промашувања, меѓу кои две од седум метри (еднаш Лазаров и еднаш Манасков).

Отпорот на гостите конечно го скршивме во 14-та минута, по погодокот на Лазаров од седум метри направивме мини серија од 6-0 (четири гола на Лазаров, еден на Талаески и Маџовски) за највисоки до овој дел 10-5 во 22. минута. Финците на другата страна беа без погодок седум минути.

Со нов погодок на капитенот од седум метри, Македонија поведе со 12-6 и 13-7. Во меѓувреме Брестовац направи промени како што најави, влегоа Мишевски, Маџовски и Костески.

По паузата, нашата репрезентација поведе со 17:10 и продолжи да доминира на теренот. Највисоки девет разлика предност достигнавме во 56-та минута од натпреварот. Така и го завршивме второто полувреме и првиот квалификациски дуел со победа над Финска од девет голови предност со реултат 33:24.

Македонија во сабота и' гостува на Швајцарија на втората квалификациска средба за ЕП 2022.