Топ Новости

Професорот - документарен филм за Илија Џаџев

Четврток, 06 Февруари 2020

Нема гевгеличанец што не го познава Илија Џаџев. Кој бил тој?

- Гевгеличани, постарите, сигурно го познаваат, но и помладите го знаат бидејќи приказните за него и она што тој го има направено во животот имаат изградено своевиден мит. Но, Илија своевремено додека настапувал со хавајската гитара бил популарен и во поранешна Југославија, а и надвор од неа. Новинарите го нарекувале „осамениот хаваец“ бидејќи бил единствениот што настапувал на хавајска гитара. Со текот на времето, за да го претстават полесно, измислиле дури и нова професија: хаваист. Но, она што е најкарактеристично за Џаџев се над 6.000 бесплатни концерти на сите меридијани. Концерти отсвирени по детски градинки, болници, караули, селски дворови, извиднички кампови, фабрички мензи, пред гладни и сити, пред сиромашни и богати, пред среќни и несреќни. Ако на ова ги додадеме и 17 збирки поезија, два романа, огромниот број афоризми, слободно може да се заклучи дека тој бил голем ерудит, за кој неговите сограѓани често, тогаш, но и денес велат дека живеел пред своето време.

„Професорот“ е нов Документарен филм за универзалниот уметнички и хуманистички подвиг на еден локален херој. Истражување на несекојдневниот животен пат на Илија Џаџев- музичар, виртуоз на хавајска и класична гитара, писател, професор по географија. Приказна за потрагата по еден роман во ракопис. Приказна за авантурата на една хавајска гитара.
Овој човек-феномен отсвирел над 6.000 бесплатни концерти ширум светот, не правејќи разлика дали свири пред луѓе што се од врвот или на дното. Свирел пред претседатели, просјаци, рудари, деца во градинка, студенти во менза, работници во поле, заменувајќи ги концертните сали со родилишта, гробишта, пензионерски домови, рударски окна, патнички и воени бродови, караули, затвори, психијатриски болници, како и плоштадите на поголемите светски метрополи, поминувајќи преку четири милиони километри со својата гитара.

Сценарио и режијата се на Јордан Дуков, Продуцент: Љубиша Арсиќ.
Директор на фотографија: Доријан Миловановиќ, Кристијан Караџовски
Монтажер: Доријан Миловановиќ
Анимација: Крсте Господиновски
Дизајн на звук: Слободан Трајкоски
Истражувач: Жарко Настоски
Музика: Илија Џаџев
Продукција: КАДАР, МАШИНА ПРОДУКЦИЈА
Поддржано од: Агенција за филм на Република Северна Македонија, МРТ, Општина Гевгелија

„Кој вели дека овој век на електроника, атомски аксцелератори, космички брзини, кибернетика не е век на нежност?“ (пишува Нова Македонија, 1967 за концертите на Џаџев).

Децата биле негова омилена публика. Пред да го одржи својот прв концерт во Белград, 1969 година, Илија Џаџев по пристигнувањето, најпрвин свирел во домот за деца без родители "Моша Пијаде".
Концерт за еден пчелар, за еден чистач на чевли, за последниот жител на едно планинско село, за жената која проси на кејот.
Професорот често одржувал концерти во болници, пред болните. Во повеќе наврати, звуците на хавајската гитара ги слушале и пациентите од сите психијатриски установи кај нас.

- „Сите луѓе со кои разговаравме за потребите на овој филм и оф рекорд и он рекорд велеа дека никогаш во животот не сретнале таков човек. Дека тој е оригинална личност, човек кој не може да се стави во некаква рамка, неповторлив по својот дух и темперамент и човек за кого материјалното немало никаква смисла во неговиот живот. Во овој материјален свет, па и во тој од неговото време, луѓето што биле толку посветени на другите, на обичниот човек, алтруистички, на доброволна основа секогаш заслужуваат да бидат ставени на пиедестал“, велат авторите на филмот. Затоа е овој филм. Сеќавање за големиот човек, уметник и хуманист од нашиот крај.

Last modified on Четврток, 06 Февруари 2020 - 12:19

.

.


ПОСЛЕДНИ ВЕСТИ:

Костадинова: СДСМ и „Можеме“ со конкретни мерки за поддршка на младите

Кандидатката за пратеник на СДСМ и коалицијата „Можеме“, Марија Костадинова, со

Повеќе

Грција нема да ги прима српските туристи

Грција од утре наутро (06.07.2020 понеделник) во 6 часот ги затвора границите

Повеќе

Анкета на НДИ: Заев со речиси двојна предност пред Мицкоски

Коалицијата „Можеме“ која ја предводи СДСМ е во предност пред коалицијата на

Повеќе

Уапсена гевгеличанката Накова - позитивна на Ковид-19

Вчера попладне е уапсена Александра Накова Гајдаџиев од страна на припадници на

Повеќе

Благодарница од Владата на семејсвото Диневи - првиот донор на срце

Денеска во Владата доделени се благодарници за историскиот подвиг на сите оние

Повеќе

Заев: Македонскиот јазик станува дел од големото европско семејство

- „Македонскиот јазик е наведен како јазик на кој треба да се преведе

Повеќе

Марија Костадинова: Чест ми е да бидам кандидат за пратеник од победничката

Кандидатката за пратеник од СДСМ и коалицијата „Можеме“, Марија Костадинова од

Повеќе

Првенците на генерацијата 2019/20 наградени од Општина Гевгелија

Шесмина првенци на генерациите 2019/2020 од Општинските основни училишта,

Повеќе

Царината за две недели успеа да спречи 7 нелегални трансфери - заплени девизи,

Во текот на минатите две недели, царинските службеници открија три обиди за

Повеќе

Заев до ДПМНЕ: Ако се договорат кој е лидер во партијата ќе прифатам ТВ дуел

На граѓанската трибина одржана синиќа во Гевгелија, лидерот на СДСМ, предводник

Повеќе

 
 

 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.