Првото место на меѓународнен филмски фестивал во Париз годинава го понесе македонскиот филм „Змија“ на Андреј Волкашин со што официјално стана добитник на главната награда на IFFBHLA, Paris edition.
Ова е уште еден успех на македонски филм по оскаровското патување на „Медена земја“ – доделена е Главна награда за филмот „SNAKE“ (ЗМИЈА) на Натпреварот за краток филм на IFFBHLA, Paris edition!

Филмот претставува горчливо-слатка приказна за невообичаено пријателство помеѓу деветгодишното смело момче МАРИО и ексцентричен млад геј, предизвикан од предрасудите и омразата од родителите во македонски мал град.

За приказната пренесена во филмот жирито изјави:
- „За неговото суптилно и оригинално прикажување на важна тема во денешниот свет, природата на насилството … И, дека преку емпатија човештвото може да биде подобро, без оглед на контекстот. Ова хуманистичко гледиште е релевантно и во контекст на ЛГБТ заедницата што живее на Балканот, но исто така и во поуниверзална смисла, каде било во светот, каде што има некаква форма на страдање нанесена од луѓе”

Но, режисерот и продуцентот на ЗМИЈА, ја доделуваат оваа награда на неверојатната млада екипа: Ведран Делиџаков, Костадин Узунов, Димитар Стојчевски, Васка Ангелова, Марија Илкова, Елена Кочарева, Анџелина Ангелова. Честитки за сите вас!

Кастингот за филмот кој се одржа пред три години во југоисточниот регион опфати млада екипа од овој крај на Македонија, а се снимаше на локации во Дојран. Успех и за претставниците од ова поднебје и за убавините на југот од Македонија.