Дојранчани спремни за туристичката сезона, но и за забава.

Општина Дојран со почетокот на летото најави подготвеност за дочек на гости за претстојната етна туристичка сезона. Но, пред да навалат гостите искажуваат спремност за забава со балкански музички ѕвезди.
На пописот на забавите е концертот на Здравко Чолиќ кој треба да се одржи на 15 јуни на Градскиот стадион во Скопје.

Општина Дојран најави организирано учество на овој концерт за своите заинтересирани граѓани со бесплатен превоз и бесплатни билети за концертот. Ваквото задоволство за музичките фанатици, но пред се' за фановите на Чола го обезбедува Општина Дојран во соработка со "ПЛАН Б Продукција".

Се' што треба да направат заитересираните е да се јават во просториите на Општината, со себе да понесат и лична карта за идентификација за да резервират место за патување и билет за концертот. Пријавите на заинересираните се примаат до четврток 13 јуни заклучно до 10:00 часот. За сите други информации на телефон 034 225 278.

Општина Дојран, „План Б продукција“, дојранчани и Чола заедно во сабота на 15 јуни на Градскиот стадион „Тоше Проески“. Пример дека локалните самоуправа не наплаќа само такси и комуналии, туку дека води и повратна грижа за забава на своите граѓани со присуство и на други настани надвор од својата општина. Домаќините кои секое лето велат добредојде на туристите, имаат потреба да бидат и самите добредојдени на други простори каде се делат позитивни вибрации со старите хитови од нечијаа младост и новите хитови од незаборавниот Чола.
Музичкото задоволство „Дојранчани со Чола“ го најави градоначалникот Анго Ангов.