Научна кратка видео презентација за тоа зошто е важно да се носат маските и како тие функционираат објави Бил Нај, механички инженер и популарен ТВ научник. Со забавно TikTok видео ја објасни значајноста на маските во спречувањето на ширењето на коронаирусот и начинот на кој тие штитат од заразување.
Зошто е важно ова? Затоа што иако голем број од луѓето ја сфатија сериозноста на вирусот откако нивни познаници се соочија со истиот, сепак има уште такви кои одбиваат да носат маска и да се заштитат себеси и околината.

Тој покажува на мапа од САД споредба на заразени случаи во деловите каде се носи и каде не се носи маска, а разликата е очигледна.

Бил објаснува и зошто е невозможно вирусот да минува низ ткаенината на маската (секако доколку користите од препорачаните маски кои штитат против ковид-19, најчесто тоа се KN95 маските).

„Вирусите не патуваат сами, туку преку аеросолите што се испуштаат при плукање. Кога тие капки ќе дојдат до ткаенината и влакната на маската, тие се заглавуваат таму. Ова не е тешко да го разберат сите.“ – вели тој и прикажува со пример како отприлика би изгледало тоа.

“Правила сè уште постојат, дури и во слободните земји. Вие знаете за правилата. Плаќате даноци за целиот пат, но возите само од едната страна. Инаку …” рече тој и покажа што се случува ако луѓето не го следат тоа правило.

“Затоа, ве молам, сите носат маска. Ви благодарам”, вели на крајот Бил кој редовно на своите фанови на ТикТок им објаснува за актуелни прашања. Патем, Нај и пред неколку месеци објави пост за правилно носење маски, во кој што покажа како тие функционираат.