Веќе трет ден се изведува масовна имунизација на населението против ковид-19 организирана од Министерството за здравство спроведена од медицински тимови во А1 Арената во спортската сала „Борис Трајковски“ во Скопје.
Меѓу илјадниците кои примија вакцина против коивид се и гевгелиските лекари како и здравствените работници од другите општини, припадниците на МВР, припадниците на Армијата на РСМ, следуваат воспитувачки во детски градинки, царински работници и вработените во дејностите кои имаат непосреден контакт со повеќе лица и ризик за заболување од ковид-19.

На регистраторот на овој чин изјава дадоа и гевгелиските лекари кои ги фати објективот на камерата:
- „ На сите граѓани им препорачувам веднаш да ја искористат првата можност со првата вакцина што ќе им биде понудена да го завршат овој чин, да се заштитат себе си, својата фамилија и својата околина“ изјави д-р специјалист офталмолог Зоран Јованов од Гевгелија, вработен во очното одделение при Општа Болница Гевгелија.

Порака за вакцинација до сите граѓани упати и медицинската сестра Лика од Детското одделение при Општа Болница Гевгелија која со ротациите на медицинскиот кадар беше ангажирана за работа во ковид центарот во Гевгелија: „Болниците се полни, преморени сме“, порача сестра Лика.

- „Превенцијата е пред лекувањето, значи да се спречи, а не да дојдеме во ситуација да мораме да се лекуваме“ изјави на јавна анкета меѓи стотиците присутни денес за вакцинација доктор Стојанче, стоматолог за деца вработен при Општа Болница Гевгелија.

Пријавите за вакцинација се одвиваат електронски преку системот „vakcinacija.mk“ и овде секој граѓанин речиси од дома, или од својот мобилен телефон може да го регистрира својот интерес за имуниизација против ковид-19.

- „Вакцинирајте се, тоа е спасот“, вели една постара граѓанка која исто така прими вакцина против ковид-19, за да можеме да се посетуваме, да го вратиме животот во нормала.